Vaefesa 5:14 - Xitsonga (Bibele)

¹⁴ Hikwalaho-ke, va nge: “Pfuka, wena la etlelaka, pfuka exikarhi ka vafi; kutani: Kriste u ta ku voninga.”

BIBELE Mahungu Lamanene

¹⁴ hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

Testamente Leyimpsha Xichangana

¹⁴ hikuva xin'wana ni xin'wana lexikombiwaka lesvi xinga xisvona, xihundzuka kuvonakala. Hikolaho vange: “Pfuka wena lweyi uyetleleke, pfuka xikarhi ka vafi, kutani Kriste atakuvoninga.”

Vaefesa 5:14 Referans Kwoze

Esaya 60:1

“Suka u yima, u va u kwetsima, hikuva ku vonakala ka wena ku xile, kutani ku twala ka Yehovha ku humelele eka wena!

Esaya 26:19

Vafi va wena a va tlhele va hanya! Mitsumbu ya mina a yi pfuke! Pfukani n'wina, tsakisisani, n'wina lava etleleke entshurini! Hikuva mberha ya wena i mberha ya vurhonga, kutani misava yi ta tlhela yi veleka lava feke!

1 Vatesalonika 5:6

Hikwalaho-ke, hi nga tshuki hi etlela kukota van'wana, kambe a hi hitekeni, hi ri karhi hi tikhoma.

Esaya 52:1

Pfuka, pfuka, ambala matimba ya wena, Siyoni! Ambala tinguvu ta nkhuvo, Yerusalema, muti lowu hlawuriweke! Hikuva sweswi, khuna ni munhu wa thyaka va nga ka va nga ha ngheni eka wena.

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Vakolosa 3:1

Sweswi, loko mi pfukile na Kriste, lavani leswi nga ehenhla, laha Kriste a tshameke kona evokweni ra xinene ra Xikwembu.

Esaya 51:17

Pfuka, pfuka, Yerusalema, la nweke evokweni ra Yehovha ndzheko wa vukari bya yena, la nweke, a va a heta ndzheko wa ku pyopyisa!

Varhoma 6:13

Kambe mi nga tshuki mi nyiketa vudyoho swirho swa n'wina ku va swilo leswi tirhelaka ku homboloka; kambe tinyiketeni eka Xikwembu kukota lava hanyaka, lava ingi va file, kutani mi veka swirho swa n'wina eka Xikwembu ku tirha leswo lulama.

Yohane 9:5

Loko ndza ha ri la emisaveni, ndzi ku vonakala ka misava.”

Yohane 8:12

Kutani Yesu a tlhela a vulavula na vona, a ku: “Hi mina ku vonakala ka misava; la ndzi landzelaka, a nga ka a nga fambi emunyameni, kambe u ta va ni ku vonakala ka vutomi.”

Vaefesa 2:5

loko hi tifele emilandzwini ya hina, ndzi ri, xi hi hanyisile swin'we na Kriste,

1 Vakorinto 15:34

Pfukani, mi hanya hi ku lulama, mi nga tshuki mi dyoha, hikuva van'wana a va na ku tiva ka Xikwembu; ndzi vula sweswo ku mi khomisa tingana.

2 Timotiya 1:10

kutani sweswi ta ha ku vonakisiwa hi ku humelela ka Mulondzovoti wa hina, Yesu Kriste, la heriseke matimba ya rifu, la humeseke vutomi eku vonakaleni, ni ku tshama loku nga heriki hi Evhangeli,

2 Timotiya 2:26

leswaku loko va tlhelele eku tlhariheni, va ta huma entlhan'wini wa Diyavulosi, loyi va phasiweke hi yena ku ya endla ku rhandza ka yena.

Timhaka 13:47

Hikuva Hosi yi hi lerisile sweswo hi rito leri nge: ‘Ndzi ku vekile ku vonakala ka matiko leswaku u va ku ponisa ka vona, ku yisa emakun'wini ya misava.’ ”

Luka 1:78

hikwalaho ka tintswalo letikulu ta Xikwembu hi dyambu ra vuxa,

Luka 15:24

hikuva n'wana loyi wa mina a a file, kutani u hanyile; a a lahlekile kambe u kumiwile.’ Kutani va sungula ku tsaka.

Vaefesa 2:1

Na n'wina, a mi file emilandzwini ya n'wina ni le eku dyoheni ka n'wina,