Vaefesa 5:13 - Xitsonga (Bibele)

¹³ Kambe swilo hinkwaswo leswi sandziwaka swi kombisiwa hi ku vonakala; hikuva hinkwaswo leswi kombisiwaka, i ku vonakala.

BIBELE Mahungu Lamanene

¹³ Loko swilo leswi hinkwaswo swi soriwa erivaleni, ku vonakala ku ta komba leswi swi nga swona,

Testamente Leyimpsha Xichangana

¹³ Loko svilo lesvi hinkwasvu svisoliwa rivaleni, kuvonakala kutakomba lesvi svinga svona,

Vaefesa 5:13 Referans Kwoze

1 Vakorinto 4:5

Hikwalaho mi nga tshuki mi avanyisa nchumu, nkarhi wu nga si fika, Hosi yi ko yi vuya; hi yona leyi nga ta humesela eku vonakaleni leswi fihliweke hi swa munyama, ni ku kombisa makungu ya timbilu; kutani enkarhini wolowu, Xikwembu xi ta nyika munhu un'wana ni un'wana ku dzunisiwa loku n'wi ringanaka.

Hosiya 2:10

Sweswi-ke, ndzi ta funungula vuhava bya yena emahlweni ka swigangu swa yena, ku nga ri na munhu la nga n'wi lamulelaka evokweni ra mina.

Hosiya 7:1

Loko ndzi ku ndzi dyaha Israele, hilaha ku humelelaka vudyohi bya Efrayimi ni mona wa Samariya, Hikuva va endla swa mavunwa, ni khamba ri nghena etindlwini, ntlawa wa lava yivaka wu hangalaka ehandle.

Mikiya 7:9

Ndzi ta rhwala ku kariha ka Yehovha, hikuva ndzi n'wi dyoherile, leswaku a ta ndzi pfuna emitengweni ya mina, kutani a ndzi avanyisela. U ta ndzi humesela eku vonakaleni, kutani ndzi ta hlalela ku lulama ka yena.

Swirilo 2:14

Vaprofeta va wena va ku vonele mavunwa ni matlangwana, Kutani a va ku funungulelanga ku homboloka ka wena hinkwako, Leswaku va ta hambukisa vukhumbi bya wena; Kambe va ku komba swikombiso swa vunwa ni ku xisa.

Vaheveru 1:13

Kambe hi yihi exikarhi ka tintsumi, xi yi byeleke, ni siku ni rin'we, xi ku: “Tshamisa evokweni ra mina lera xinene, ndzi ko ndzi endla lava nga valala ka wena vunavelo bya mikondzo ya wena.”

Vaefesa 5:12

hikuva swi khomisa tingana loko ku vuriwa ntsena leswi va swi endlaka exihundleni.