Vaefesa 4:9 - Xitsonga (Bibele)

⁹ Kambe leswi va nge “u tlhandlukile”, hi leswo yini, loko swi nga ri leswaku a rhangile a xikela etindhawini leti nga ehansi ka misava?

BIBELE Mahungu Lamanene

⁹ Xana marito lama nge: “Ú tlhandlukele ehenhla”, ma komba yini xana? Ma komba leswaku a a xikele ehansi, a ya fika ni le ku enteni ka misava.

Testamente Leyimpsha Xichangana

⁹ Xana marito lamange: “Atlhantukele henhla”, makomba yini ke? Makomba lesvaku aaxikile hansi, ayafika ni le hansi ka misava.

Vaefesa 4:9 Referans Kwoze

Yohane 3:13

A ku na munhu la tshamaka a tlhandlukela etilweni, loko a nga ri la xikeke etilweni, a nga N'wana wa Munhu la nga etilweni.

Matewu 12:40

Hikuva kukotisa loko Yonasi a tshame masiku manharhu, ni vusiku byinharhu ekhwirini ra nhlampfi leyikulu, N'wana wa Munhu, na yena, u ta va emarhumbyini ya misava masiku manharhu ni vusiku byinharhu.

Yohane 6:33

Hikuva vuswa bya Xikwembu hi lebyi xikaka hi le tilweni, lebyi nyikaka misava vutomi.”

Swivuriso 30:4

I mani la tlhandlukeleke etilweni a tlhela a xikela kona? I mani la fumbarheleke mheho hi swandla swa yena? La hlengeleteke mati hinkwawo engubyeni ya yena, i mani xana? I mani loyi a tumbuluxeke matlhelo hinkwawo ya misava? Vito ra yena i mani? I mani vito ra n'wana wa yena loko u n'wi tiva?

Pisalema 63:9

Kambe lava lavaka ku susa vutomi bya mina, Va ta xikela ehansi, endzeni ka misava;

Vaheveru 2:9

Kambe Yesu loyi ingi a vekiwile ehansinyana ka tintsumi hi nkarhi wu nga ri wungani, ha n'wi vona a rhwexiwile ku kwetsima ni xichavo hikwalaho ka rifu leri a ri tweke, leswaku hi tintswalo ta Xikwembu, a twa rifu hikwalaho ka munhu un'wana ni un'wana.

Yohane 20:17

Yesu a ku eka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu u ya va byela u ku, ndzi tlhandlukela eka Tatana a nga Tata wa n'wina, ni ka Xikwembu xa mina xi nga Xikwembu xa n'wina”.

Pisalema 8:5

U n'wi endlile loyi a nga hansinyana ka Xikwembu; Kutani u n'wi rhwexe ku kwetsima ni vukulu.

Genesa 11:5

Kambe Yehovha a xika ku ta vona muti ni xihondzo xexo vana va vanhu a va ri karhi va xi aka.

Vaheveru 2:7

U n'wi endlile la nge hansinyana ka tintsumi; u n'wi vekile ehenhla ka mitirho ya mavoko ya wena;

Yohane 8:14

Yesu a hlamula a ku eka vona: “Hambi ndzi tivulela vumbhoni, vumbhoni bya mina byi tiyile, hikuva ndzi tiva laha ndzi humaka kona, ni laha ndzi yaka kona; kambe n'wina a mi tivi laha ndzi humaka kona, ni laha ndzi yaka kona.

Yohane 6:62

Swi to yini loko mi ta vona N'wana wa Munhu a tlhandlukela laha ingi a ri kona khale?

Yohane 6:58

Vuswa lebyi xikeke hi le tilweni, hi byo lebyi; ku nga ri kukota vatata wa n'wina lava nga dya manna, kutani va file; la dyaka vuswa lebyo, u ta hanya hi masiku hinkwawo.”

Yohane 6:51

Hi mina vuswa lebyi hanyaka lebyi xikeke hi le tilweni; kungakuloko munhu a dya vuswa lebyi, u ta hanya hi masiku; kutani vuswa lebyi ndzi nga ta byi nyika, i nyama ya mina, leyi ndzi nga ta yi nyika misava, leswaku yi hanya.”

Yohane 6:41

Kambe Vayuda va n'wi hleva hikuva a te: “Hi mina vuswa lebyi xikeke hi le tilweni.”

Yohane 6:38

Hikuva ndzi xikile hi le tilweni, ku nga ri ku endla ku rhandza ka mina, kambe ku endla ku rhandza ka la ndzi rhumeke.

Esaya 44:23

N'wina matiko, huwelelani hi ku tsaka hikuva Yehovha u tirhile! Swivandla swa misava leswi enteke, huwelelani! N'wina tintshava ni swihlahla, swin'we ni mirhi hinkwayo ya n'wina, banani mikulungwana, hikuva Yehovha u kutsurile Yakobo, wa tidzunisa eka Israele!

Pisalema 139:15

Miri wa mina a wu fihliwanga ka wena, Loko ndzi ri karhi ndzi vumbiwa exihundleni, Ndzi lukeleriwa swirho eku enteni ka misava.

Eksoda 19:20

Sweswo Yehovha a rhelele entshaveni ya Sinayi, enhlohlorhini ya ntshava; kutani Yehovha a vitana Muxe enhlohlorhini ya ntshava, kutani Muxe a khandziyela kona.

Ezekiele 31:14

swi ri leswaku mirhi hinkwayo leyi nga ekusuhi ni mati yi nga tshuki yi tikukumuxa hi ku leha ka yona, yi nga tshuki yi vonakarisa swicapila swa yona exikarhi ka swihlahla leswo tlhuma, kutani mirhi hinkwayo leyi nwaka mati yi nga tshuki yi tiyisela eku tikukumuxeni ka yona; hikuva hinkwayo yi nyiketiwe eku feni, ehansi ka misava, exikarhi ka vana va vanhu, kun'we ni lava nghenaka ekheleni.