Vaefesa 4:32 - Xitsonga (Bibele)

³² kambe mi yingiselana mi tsetselelana, mi rivalelana, kukotisa leswi Xikwembu, na xona, xi mi rivaleleke ha Kriste.

BIBELE Mahungu Lamanene

³² Ematshan'wini ya swona, twelanani vusiwana, mi tsetselelana, mi rivalelana, tanihi leswi Xikwembu na xona xi mi rivaleleke eka Kriste.

Testamente Leyimpsha Xichangana

³² Matshan'wini ya svona, twelanani vusiwana, mitsetselelana, mirivalelana, kufana ni lesvi Xikwembu na xona ximirivaleleke ka Kriste.

Vaefesa 4:32 Referans Kwoze

Marka 11:25

Kungakuloko mi yima mi khongela, rivalelani loyi mi nga va ni mhaka na yena leswaku na yena Tata wa n'wina la nga ematilweni, a mi rivalela ku dyoha ka n'wina.

2 Vakorinto 2:10

Yeloyi mi n'wi tsetselelaka, na mina ndza n'wi tsetselela, hikuva na mina, loko ndzi rivalele munhu milandzu, ndzi n'wi rivalele yona hikwalaho ka n'wina, emahlweni ka Kriste,

Vaefesa 5:1

Hikwalaho-ke, mi va vaetisi va Xikwembu, kukotisa vana lava rhandziwaka,

Luka 6:35

Kambe n'wina, rhandzani valala va n'wina, mi endla vanhu swinene, mi lomba mi nga tshembi ku ta tlheriseriwa, kutani ku hakeriwa ka n'wina ku ta va lokukulu; mi ta va vana va La nge henhlahenhla, hikuva yena u ni tintswalo eka lava nga khensiki ni ka lavo biha.

Luka 6:37

“Kambe mi nga avanyisi leswaku mi nga ti avanyisiwa; mi nga vekeli van'wana milandzu, leswaku na n'wina mi nga ti vekeriwa milandzu; tsetselelanani, kutani mi ta tsetseleriwa.

1 Vakorinto 13:4

Rirhandzu ri ni ku yingisela, ri tele vunene, rirhandzu a ri na mona; rirhandzu a ri na ku tinyungubyisa; a ri tikukumuxi,

Luka 17:4

Kungakuloko a ku dyohele kantlhanu na kambirhi hi siku rin'we, kutani a tlhelela eka wena ka ntlhanu na kambirhi, a ku: ‘Ndza tisola,’ n'wi rivalele.”

Matewu 6:12

Hi rivalele milandzu ya hina, tanihi loko na hina hi rivalela van'wana lava nga ni milandzu eka hina.

Pisalema 145:9

Yehovha u ni vunene ka hinkwavo, Tintswalo ta yena ti eneta mitirho hinkwayo ya yena.

1 Yohane 2:12

Vana lavatsongo, ndza mi tsalela hikuva mi rivaleriwile swidyoho hikwalaho ka vito ra yena.

Varhoma 12:10

Tolovelanani hi rirhandzu ra vuxaka, mi ri karhi mi yisana emahlweni hi mafundzha.

1 Yohane 1:9

Loko hi tivula swidyoho swa hina, Xikwembu xa tshembeka, xi lulamile ku hi rivalela swidyoho, ni ku hi hlantswa ku homboloka hinkwako.

2 Vakorinto 2:7

kambe sweswi, mi fanele ku n'wi tsetselela ni ku n'wi chavelela leswaku a nga tshuki a dyiwa hi gome leri tlurisaka.

Yakobo 5:11

Vonani, hi dzunisa ku kateka ka lava tiyiseleke loko va ri eku vavisekeni. Mi twile ku tiyisela ka Yobo, kutani mi vonile mahetelelo ya yena eHosini; hikuva Hosi yi tele tintswalo ni nsovo.

2 Vakorinto 6:6

ni le ku tengeni, ni le ku tiveni; hi ku yingisela, hi vunene, hi moya lowo saseka, hi rirhandzu leri nga riki na ku xisa, hi rito lerinene, hi matimba ya Xikwembu;

Luka 11:4

Hi rivalele milandzu ya hina, hikuva na hina hi rivalela hinkwavo lava hi dyoheleke: U nga hi yisi emiringweni.’ ”

Luka 1:78

hikwalaho ka tintswalo letikulu ta Xikwembu hi dyambu ra vuxa,

Esaya 57:1

Loyi a lulameke a fa, kambe a ku na munhu la xiyaxiyaka mhaka leyi, vanhu va vukhongeri va susiwa, kutani a ku na la twisisaka leswaku lowo lulama a susiwa emahlweni ka leswo biha.

Swivuriso 19:22

Lexi sasaka munhu i vunene bya yena; Munhu wa xisiwana u tlula lowa vunwa.

Swivuriso 12:10

Munhu wo lulama u tsetselela vutomi bya xifuwo xa yena, Kambe ku tsetselela ka lavo biha ka vavisa.

Pisalema 112:9

A avela, a nyika swisiwana; Ku lulama ka yena i ka masiku hinkwawo; Rimhondzo ra yena ri yima hi ku kwetsima.

Rhuti 2:20

Kutani Nahumi a ku eka n'wingi wa yena: “A a katekisiwe hi Yehovha! Hikuva u endle hi tintswalo eka lava hanyaka ni ka lava feke.” Nahumi a engeta a ku eka yena: “Munhu loyi i xaka ra hina, i un'wana wa vadyi va ndzhaka ya hina.”

2 Petro 1:7

ni le vukhongerini, ku rhandza vamakwenu; ni le ku rhandzeni ka vamakwenu, ku rhandza hinkwavo.

Timhaka 28:2

Kambe Vabarbara va kona va hi endla hi tintswalo letikulu, hikuva va hi amukela hinkwerhu, va kondza va hi tshivelela ndzilo lowukulu, hikuva mpfula a yi na, ni xirhami a xi ri kona.

2 SAMIELE 7:21

U endlile mhaka leyikulu leyi, hikwalaho ka rito ra wena ni mbilu ya wena, ni ku yi tivisa nandza wa wena.

Swivuriso 19:11

Munhu wa vutlhari u hlwela ku kariha, Ku twala ka yena i ku yingisela ku dyoheriwa.

Yeremiya 38:12

Kutani Ebede-Meleke, Muetiyopiya a byela Yeremiya, a ku: “Tana u veka swihlakati ehansi ka makatla ya wena, ehansi ka makindza,” Yeremiya a endlisa sweswo;