Vaefesa 4:31 - Xitsonga (Bibele)

³¹ Ku vilela hinkwako, ni ku hlundzuka hinkwako, ni ku kariha hinkwako, ni pongo hinkwaro, ni ku hlevana hinkwako, ni mona hinkwawo, a swi susiwe exikarhi ka n'wina,

BIBELE Mahungu Lamanene

³¹ Leswo bava hinkwaswo, ni ku hlundzuka hinkwako, ni ku kariha hinkwako, a swi susiwe exikarhi ka n'wina; tshikani ku holova ni ku rhuketelana, mi susa mona hinkwawo.

Testamente Leyimpsha Xichangana

³¹ Lesvi sva kubava hinkwasvu, ni mahlundzu hinkwawu, ni kukariha hinkwaku, asvisusiwe xikarhi ka n'wina; tshikani kuholova ni kurhuketelana, misusa mona hinkwawu.

Vaefesa 4:31 Referans Kwoze

Vakolosa 3:8

Kambe sweswi, na n'wina, cukumetani swilo leswo hinkwaswo, ku nga ku kariha, ni ku kanetana, ni mona; ku lumbeta, ni marito ya tingana swi nga tshuki swi huma emilon'wini ya n'wina.

Eklesiasta 7:9

U nga tshuki u hatlisa ku kariha embilwini ya wena, hikuva vukari byi salela exifuveni xa xihunguki.

1 Petro 2:1

Hikwalaho, tshikani lunya hinkwaro, ni ku xisa hinkwako, ni ku kanganyisa, ni mona, ni ku lumbeta hinkwako,

Yakobo 1:19

Hikwalaho, vamakwerhu lava rhandziwaka, munhu un'wana ni un'wana a a ve la chivirikaka ku yingisa a hlwela ku vulavula, a hlwela ni ku kariha;

Vakolosa 3:19

N'wina vavanuna, rhandzani vasati va n'wina, mi nga tshuki mi va ni xiviti eka vona.

Yakobo 3:14

Kambe loko mi chivirikela ku biha, kutani ku tengisana ku ri kona etimbilwini ta n'wina, mi nga tshuki mi tidzunisa, ni ku hemba hi ku dyohela leswinene.

Vaefesa 4:26

Kungakuloko mi kariha, mi nga tshuki mi dyoha; dyambu ri nga peleli vukari bya n'wina;

1 Yohane 3:12

hi nga kotisi Kayini la ngi a ri wa lowo biha, kutani u dlele makwavo. Kutani u n'wi dlayele yini xana? Hikuva mitirho ya yena a yi ri leyo biha; kasi ya makwavo a yi lulamile.

Pisalema 101:5

Ndzi ta herisa la lumbetaka nakulobye exihundleni; Ndzi nga ka ndzi nga yingiseri wa mahlo lama tlakukeke ni wa mbilu leyi tidzunisaka.

Yakobo 4:11

Mi nga tshuki mi hlevana, vamakwerhu; la hlevaka makwavo, kumbe la avanyisaka makwavo, u hleva nawu, kambe u avanyisa nawu; kutani loko u avanyisa nawu, a ku muhlayisi wa nawu, kambe u muavanyisi wa wona.

Swivuriso 26:20

Ndzilo wu timeka hi ku pfumala tihunyi; Swi tano ni timholovo, ti hela loko muhlevi ku ri hava.

Tito 1:7

Hikuva swi fanele murisi leswaku a va munhu la nga riki na xisandzu, hikuva i mulaveleri wa Xikwembu; a nga tshuki a va la tirhandzaka, ni mukarihi, ni la pyopyiwaka hi vhinyo, ni la lavaka rifuwo hi ku dyelela;

1 Timotiya 3:11

Na vona vasati va vona va ve lava fundzhekaka, va nga vi valumbeti, kambe va va ni ku hiteka, ni ku tshembeka eka hinkwaswo.

2 Vakorinto 12:20

Hikuva ndza chava leswaku, siku ndzi fikaka ndzi ta mi kuma mi nga kotisi leswi ndzi swi rhandzaka, kutani, na mina, mi ta ndzi kuma kukotisa leswi mi nga swi rhandziki; kutani, kumbexana ndzi ta kuma timholovo, ni rilondzo ni ku hambana ni mahlevo, ni ku lumbetana, ni ku dzumadzuma, ni ku tikurisa, ni madzolonga;

1 Vakorinto 14:20

Vamakwerhu, mi nga tshuki mi va swihlangi eku twisiseni, kambe mi va swihlangi elunyeni, loko ku ri ku twisiseni mi va lava hetisekeke.

Swivuriso 29:22

Munhu wo kariha u hlohlotela timholovo, Ni loyi a holovaka u andzisa swidyoho swa yena.

Swivuriso 14:17

Munhu la angwetlaka ku kariha u endla swo hunguka, Wa timhaka ta lunya wa vengiwa.

Swivuriso 10:18

La fihlaka rivengo u ni nomu wa mano, Kambe la hangalasaka mahlevo i xihunguki.

Swivuriso 10:12

Rivengo ri pfuxa timholovo, Kambe rirhandzu ri funengeta ku dyoha hinkwako.

1 Timotiya 5:13

Na swona leswi va lolohaka, va tolovela ku hungasela etindlwini hinkwato; kambe a va lolohi ntsena, va ni ku vulavula ngopfu, va tinghenisa etimhakeni leti nga riki ta vona, va vulavula leswi nga faneriki.

Vagalatiya 5:20

ni ku khongela swikwembu swahava, ni vungoma, ni ku vengana, ni timholovo ni vukwele, ni ku kariha, ni ku alana ni madzolonga, ni ku avana,

1 Vakorinto 5:8

A hi endleni nkhuvo hakona, ku nga ri hi comela xa mona ni xo biha, kambe ku va hi xinkwa lexi nga riki na comela, lexo tenga ni xa ntiyiso.

Varhoma 3:14

“Milon'wini ya vona ku tele tinhlambha ni ku bava.”

Swivuriso 25:23

Moya wa dzonga wu humesa mpfula, Ririmi leri tshivelaka exihundleni ri humesa mombo lowo kariha.

Swivuriso 18:8

Ku vulavula ka muhlevi ku kota swakudya leswi xawulaka, Swi nghena ekhwirini, endzeni.

Swivuriso 6:19

I mbhoni ya vunwa leyi vulaka mavunwa, Ni la pfuxaka timholovo exikarhi ka vamakwavo.

Pisalema 140:11

Munhu wa mavunwa a nga ka a nga tiyi emisaveni; Kutani munhu wa tihanyi u ta kokelwa emakhombyeni, a lahleka.

Pisalema 64:3

Va lota tindzimi ta vona kukotisa banga; Va hoxa marito ya ku bava kukotisa miseve,

Pisalema 50:20

U tshamisa kutani u hleva makwenu; U sandza n'wana wa mana wa wena.

Pisalema 15:3

Ririmi ra yena a ri hembeli munhu, A nga endli warikwavo leswo biha, A nga humeseri makwavo xisolo.

2 SAMIELE 19:27

Kambe u lumbetile nandza wa wena eka hosi, n'wini wanga. Sweswi hosi, n'wini wanga, yi kotisa ntsumi ya Xikwembu:

Genesa 37:4

Kuteloko vamakwavo va vona leswaku tata wa vona u n'wi rhandza ku tlurisa vamakwavo hinkwavo, va n'wi venga, va nga vulavuri na yena hi ku tsaka.

Genesa 27:41

Kutani Esawu a venga Yakobo hikwalaho ka ku katekisiwa loku tata wa yena a nga n'wi katekisa hakona. Esawu a ku embilwini ya yena: “Masiku ya nkosi wa tatana ma kusuhi, kutani ndzi ta dlaya Yakobo, makwerhu.”

Genesa 4:8

Kutani Kayini a vulavula na Avele, ndzisana ya yena; kutani, kuteloko va ri emasin'wini, Kayini a pfukela Avele, ndzisana ya yena, a n'wi dlaya.

Nhlavutelo 12:10

Kutani ndzi twa rito lerikulu etilweni, ri ku: “Sweswi, ku fikile ku hlayiseka, ni matimba, ni ku fuma ka Xikwembu xa hina; ni matimba ya Kriste wa xona; hikuva muhehli wa vamakwerhu, loyi a nga va hehla emahlweni ka Xikwembu xa hina vusiku ni nhlekanhi, u cukumetiwile.

1 Yohane 3:15

Un'wana ni un'wana la vengaka makwavo i mudlayi; kambe ma swi tiva leswaku a ku na mudlayi loyi vutomi lebyi nga heriki byi tshamaka eka yena.

Tito 2:3

Na vona vavasati lava kuleke, a va ve ni ku famba loku lulamelaka ku kwetsima, va nga tshuki va hleva, va nga toloveli ku nwa vhinyo leyo tala; va dyondzisa leswo lulama;

2 Timotiya 2:23

Kambe cukumeta timhaka ta vuphukuphuku leti nga riki na dyondzo, u ri karhi u tiva leswaku ti tswala timholovo.

1 Timotiya 3:3

a nga vi munhu la tinyiketaka vhinyo ni la lwaka, kambe a a ve munhu wa musa, la nga rhandziki timholovo, la nga naveriki mali,

Timhaka 21:30

Kutani muti hinkwawo wu endla dzolonga, ni vanhu va tsutsumela swin'we exivandleni xin'we, kuteloko va khomile Pawulo, va n'wi kokela ehandle ka tempele; kutani hi nomu lowu, tinyangwa ti pfariwa.

Yeremiya 6:28

I vahundzuki ni lava tiarisaka hinkwavo, va tshama va lumbeta; i koporo ni nhumbu; i vaonhi hinkwavo.

Swivuriso 29:9

Munhu wo tlhariha la tengaka ni wa rihuhu, A nga ka a nga voni ku tsaka, hambi a kariha, hambi a hleka.

Swivuriso 19:12

Ku kariha ka hosi ku fana ni ku dzuma ka nghala, Kambe rirhandzu ra yena ri fana ni mberha ebyanyini.

2 SAMIELE 19:43

Kutani vanhu hinkwavo va Israele va hlamula eka vanhu va Yuda, va ku: “Ndzi ni ku averiwa ka khume ka hosi, hambi ka yena Davhida ndza ku tlula; u ndzi ringanisele yini xilo lexitsongo xana? Rito ra mina a ri vanga ro sungula ku vuyisa hosi yanga xana?” Kambe rito ra vanhu va Yuda ri tlurisa rito ra vanhu va Israele hi ku nonon'hwa.

2 SAMIELE 13:22

Kambe Abixalomu a a nga vulavuli na Aminoni leswo biha hambi swi ri leswo saseka;

Genesa 37:21

Kambe Rhuveni a swi twa, kutani a ta n'wi kutsula emavokweni ya vona, a ku: “Hi nga tshuki hi khumba vutomi bya yena.”

2 Timotiya 3:3

lava pfumalaka rirhandzu, lava nga tshembekiki, valumbeti; lava nga tiviki ku tikhoma, lava nga tiviki musa, lava vengaka lavanene,

Yeremiya 9:4

“Un'wana ni un'wana a a tilangute hikwalaho ka nakulobye, kutani mi nga tshuki mi tshemba warikwenu, hikuva munhu un'wana ni un'wana u tele ku kanganyisa, kutani munhu un'wana ni un'wana u lumbeta warikwavo.

Pisalema 37:8

Tshika ku kariha, u fularhela ku leva; U nga hlundzuki, swi nga ku dyohisa ntsena,

Vaefesa 4:22

hileswaku, loko ku ri ku famba ka n'wina ka khale, mi tintshunxa eka munhu wa khale, la onhiweke hi ku navela loku dyelelaka,

Vaefesa 4:25

Hikwalaho-ke, tshikani vunwa, mi vulavula leswi tiyeke, un'wana ni un'wana eka warikwavo, hikuva hi swirho van'wana eka van'wana.