Vaefesa 4:30 - Xitsonga (Bibele)

³⁰ Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

BIBELE Mahungu Lamanene

³⁰ Mi nga khomisi Moya lowo Kwetsima wa Xikwembu tingana, hikuva i mfungho wa Xikwembu wo komba leswaku mi vanhu va xona, ni leswaku siku ra ta, leri xi nga ta mi kutsula ha rona.

Testamente Leyimpsha Xichangana

³⁰ Mingakhomisini tingana Moya Lowokwetsima wa Xikwembu, hikuva i mfungu wa Xikwembu wukomba lesvaku mi vanhu va xona, ni lesvaku siku rata, leri xingatamiponisa ha rona.

Vaefesa 4:30 Referans Kwoze

1 Vatesalonika 5:19

Mi nga timi Moya.

Esaya 63:10

Kambe vona va tiarisile, kutani va vavisile moya wa yena lowo kwetsima; kutani yena u hundzuke nala wa vona, a va a lwa na vona.

Genesa 6:6

kutani Yehovha a vilela hi leswi a nga vumba vanhu emisaveni, a vaviseka ngopfu embilwini ya yena.

Timhaka 7:51

“N'wina va tinhamu le to nonon'hwa, mi nga yimbisiki timbilu ni tindleve! Mi alela Moya lowo Kwetsima hi masiku, mi kotisa vatata wa n'wina!

Varhoma 8:23

Kambe a hi swona ntsena, kambe hina hi nga ni swirhangana swa Moya, na hina hi hefemuteka endzeni ka hina, hi langutela ku vekiwa vana, ku nga ku kutsuriwa ka miri wa hina.

Varhoma 8:11

Kutani Moya wa la nga pfuxa Yesu eku feni, loko wu akile eka n'wina, la pfuxeke Kriste eku feni u ta pfuxa ni miri wa n'wina lowu faka, hi Moya lowu akeke eka n'wina.

Marka 3:5

Yena a va rhalarhala hi mahlo hi ku kariha a vavisekile hi ku nonon'hwa ka timbilu ta vona; kambe a ku eka munhu loyi: “Tshambuluta voko ra wena.” A ri tshambuluta, kutani voko ra yena ri hanya.

Esaya 43:24

A ku ndzi xavelangi maakha hi mali, a ku ndzi xurhisanga hi mafurha ya timhamba ta wena, kambe u ndzi xanisile hi swidyoho swa wena, u ndzi karhatile hi ku biha ka wena.

Pisalema 78:40

Hakanyingi va xi dzumadzumela emananga, Ni ku xi karihisa!

Genesa 6:3

Kambe Yehovha a ku: “Moya wanga a wu nga ha tshami hi masiku emunhwini, hikuva munhu i nyama, kutani masiku ya yena ma ta va dzana ra malembe ni makume mambirhi.”

Esaya 7:13

Esaya a ku: “Yingisani, n'wina va yindlu ya Davhida. Xana i mhaka leyitsongo loko mi karhata vanhu, leswi mi karhataka na xona Xikwembu xa mina?

Ezekiele 16:43

“Hikuva u rivele masiku ya vuntshwa bya wena, kambe u ndzi holovisile hi timhaka leti hinkwato, vona ndzi ta rihisa mikhuva ya wena enhlokweni ya wena, ku vula Hosi Yehovha. Kutani u nga ka u nga ha engeteli manyala ya wena hi vudlayi.

Pisalema 95:10

Ndzi phiriwa hi rixaka leri hi mune wa makume ya malembe, Ndzi ku: “I tiko leri mbilu ya rona yi lahlekeke, A va tivi tindlela ta mina,”

Vaheveru 3:10

Hikwalaho ndzi nga karihela rixaka lero, ndzi ku: ‘Timbilu ta vona ti hambukile hi masiku, valavo a va tivangi tindlela ta mina.’

1 Vakorinto 1:30

Kutani ha xona mi le ka Yesu Kriste, la endleriweke hina, hi ku rhandza ka Xikwembu, vutlhari, ni ku lulama, ni ku kwetsima, ni ku kutsuriwa,

Vaheveru 3:17

A hi vona lava dyoheke, volavo mitsumbu ya vona yi nga sala emananga xana?

1 Vakorinto 15:54

Kutakuloko ku bola ku funengele leswi nga boriki, ni ku fa, na kona ku funengele leswi nga fiki, hi kona marito lama tsariweke ma nga ta hetiseka, lama nga te: “Rifu ri mitiwile hi ku hlula.”

Hosiya 13:14

Ndzi ta va kutsula exivandleni xa vafi ndzi va lamulela eku feni. Wena, rifu, ndzhombo wa wena wu kwihi? Wena, sirha, ku hlula ka wena ku kwihi? A ndzi voni hilaha ndzi nga hundzukaka hakona!

Vaavanyisi 10:16

Kwalaho, va tshika swikwembu swa matiko leswi ngi swi ri exikarhi ka vona, va tirhela Yehovha; Yehovha a tsetselela Vaisraele hikwalaho ka khombo ra vona.

Luka 21:28

Kutakuloko swilo leswo swi sungula ku humelela, ololokani mi yimisa tinhloko, hikuva ku kutsuriwa ka n'wina ku ta va kusuhi.”

Yohane 3:33

La amukelaka vumbhoni bya yena, u tiyisile leswaku Xikwembu xa tshembeka.

Vaheveru 10:29

xana loko mi ehleketa, a hi ku biwa loku tlurisaka loku a nga ta ringanisiwa hakona, loyi a kandziyeleke N'wana wa Xikwembu, a ringaniseke leswaku ngati ya ntwanano leyi a hlantswiweke ha yona a hi nchumu, a engeta a sandza Moya wa tintswalo xana?