Vaefesa 4:29 - Xitsonga (Bibele)

²⁹ Ku nga tshuki ku huma emilon'wini ya n'wina rito ra tingana, hambi ri ri rin'we, kambe a ku hume rito ro nandziha ra ku akisa hi mfanelo, ri nga rito leri humeselaka lava yingisaka vunene byin'wana.

BIBELE Mahungu Lamanene

²⁹ Eku vulavuleni ka n'wina mi nga tshuki mi tirhisa marito ya tingana, kambe tirhisani ntsena marito lama pfunaka, lama akisaka ni ku hlamula leswi lavekaka, kutani ku vulavula ka n'wina ku ta tisa nkateko eka lava va mi yingisaka.

Testamente Leyimpsha Xichangana

²⁹ Akuvulavuleni ka n'wina mingatshukeni mitirhisa marito ya tingana, kambe tirhisani ntsena marito lamapfunaka, lawa mayakisaka ni kuhlamula lesvilavekaka, kutani kuvulavula ka n'wina kutatisa kukateka ka lava vamiyingisaka.

Vaefesa 4:29 Referans Kwoze

Vakolosa 4:6

Ku vulavula ka n'wina a ku ve lo kunene hi masiku, ku lungiwe hi munyu, mi ta tiva hi laha mi fanelaka ku hlamula hakona eka un'wana ni un'wana.

1 Vatesalonika 5:11

Hikwalaho khongotelanani, mi akisana, kukotisa leswi mi swi endlaka.

Eklesiasta 10:12

Marito lama humaka enon'wini wa lowo tlhariha ma tsakisa, kambe milomu ya xihunguki yi ta xi lovisa.

Swivuriso 15:7

Milomu ya lavo tlhariha yi hlwanya vutivi, Kambe mbilu ya lavo hunguka a yi lulamanga.

Swivuriso 12:13

Lowo biha u phasiwa hi nandzu wa nomu wa yena, Kambe lowo lulama u ta huma ekhombyeni.

Matewu 5:16

Ku vonakala ka n'wina a ku voningise vanhu sweswo, va ta vona mitirho ya n'wina leyo saseka, va dzunisa Tata wa n'wina la nga etilweni.

Swivuriso 16:21

Wa mbilu yo tlhariha u vuriwa la twisisaka, Nomu wa yena wa nandziha, wu tatisa ku tiva.

Esaya 50:4

Hosi, Yehovha, u ndzi nyikile ririmi ra mudyondzisi leswaku ndzi ta kota ku tiyisa hi rito ra mina loyi a heleke mbilu, ri xa nimpundzu, a pfuxa ndleve ya mina leswaku ndzi n'wi yingisa hilaha ku yingisaka vadyondzisiwa.

Pisalema 52:2

Ririmi ra wena ri luka ku onha ntsena, I rikari leri lotiweke leri vulaka mavunwa ntsena.

Swivuriso 15:23

Munhu u kuma ku tsaka hi ku hlamula ka nomu wa yena, Kutani rito leri humesiwaka hi nkarhi lowu fanekelaka ra nandziha swonghasi!

1 Petro 2:12

mi va ni mikhuva yo saseka exikarhi ka matiko, leswaku timhaka leti va mi hlevaka ha tona kukota loko ngi mi ri vadyohi, va ta tiva ku dzunisa Xikwembu ha tona, siku xi nga ta va endzela, hikwalaho ka mitirho leyo saseka leyi va nga ta va va yi vonile eka n'wina.

Luka 4:22

Kutani hinkwavo va n'wi yimela, va ri karhi va hlamala hi marito lamanene lama humaka enon'wini wa yena, va ku: “Xana loyi a hi n'wana Yosefa xana?”

Pisalema 5:9

Hikuva a ku na ku tshembeka emilon'wini ya vona; Timbilu ta vona ti tele vumbabva, Mikolo ya vona i masirha lama ahlameke, Tindzimi ta vona ti ni marito ya ku kanganyisa.

1 Petro 3:1

Hi mukhuva wolowo, na n'wina, vavasati, yingisani vanuna va n'wina, leswaku hambi van'wana va nga va kona lava nga yingisiki rito, va ta kokiwa hi mikhuva ya vasati va vona ku nga ri hi rito,

Vaefesa 4:16

yeloyi miri hinkwawo wa yena lowu hlanganeke swinene, ni ku tiyisana swinene hi ku hlangana ka swirho swa wona, wu kuma ku kula hi matimba lama enetaka xirho xin'wana ni xin'wana, leswaku wu akiwa erirhandzwini.

Vaefesa 4:12

va ta hetisa vakwetsimi, va endla ntirho wa vurisi, va akisa miri wa Kriste,

Pisalema 71:24

Ririmi ra mina ri ta vula ku lulama ka wena hi masiku hinkwawo. Hikuva va ta va ni tingana, va tshuka, lava lavaka ku ndzi lovisa.

Pisalema 45:2

U tlula hi ku saseka vana va vanhu, Tintswalo ti halakile emilon'wini ya wena; Hikwalaho Xikwembu xi ku katekiseke hi laha ku nga heriki.

2 Petro 2:18

Hikuva hi ku vulavula timhaka ta manyunyu, ni ta hava, va rhiya hi ku navela ka nyama ni manyala, vanhu lava ha ku fularhelaka lava hanyaka eku hungukeni.

1 Vakorinto 14:19

kambe, enhlengeletanweni, ndzi nga rhandza ku vula marito ya ntlhanu ntsena hi ku twisisa ka mina, ndzi ta dyondzisa ni van'wana, ku tlurisa marito ya khume ra madzana ya tindzimi tin'wana.

Varhoma 14:19

A hi laveni hikwalaho timhaka leti humesaka ku rhula, ni leti hi nga akisanaka kun'we ha tona.

Varhoma 15:2

Munhu un'wana ni un'wana wa hina a tsakise makwavo, a n'wi lavela leswinene leswi akisaka.

Yohane 1:37

Vadyondzisiwa volavo vambirhi, loko va n'wi twa a vula sweswo, va landza Yesu.