Vaefesa 4:24 - Xitsonga (Bibele)

²⁴ ni leswaku mi ambala munhu lontshwa, la vumbiweke hi xifaniso xa Xikwembu, eku lulameni ni le ku kwetsimeni ka ntiyiso.

BIBELE Mahungu Lamanene

²⁴ Ambalani munhu lontshwa la vumbiweke hi xifaniso xa Xikwembu, la tikombaka hi ku lulama ka yena ni ku hlawuleka loku nga ni ntiyiso.

Testamente Leyimpsha Xichangana

²⁴ Yambalani munhu lwe mumpsha lweyi avumbiweke hi xifaniso xa Xikwembu, lweyi atikombaka hi kululama ka yena ni kuhlawuleka lokunga ni ntiyiso.

Vaefesa 4:24 Referans Kwoze

2 Vakorinto 5:17

Hikwalaho, loko munhu a ri eka Kriste, i xivumbiwa lexintshwa; swa khale swi herile; hinkwaswo swi sasekisiwile.

Vaefesa 2:10

Hikuva hina hi mitirho ya xona, hikuva eka Yesu Kriste, hi vumberiwile mitirho leyinene, leyi Xikwembu xi yi lunghiseke khale leswaku hi ta famba ka yona.

Varhoma 13:14

kambe mi tifunengeta ha Hosi Yesu Kriste, kutani mi nga tsetseleri nyama hi ku yi xurhisa eku naveleni ka yona.

Vaefesa 6:11

Hakarhani matlhari hinkwawo ya Xikwembu, leswaku mi ta tiva ku hlula miringo ya Diyavulosi.

Varhoma 6:4

Hikwalaho hi yimberiwile swin'we na yena erifuni ra yena hi ku khuvuriwa, leswaku kukota leswi Kriste a pfuxiweke eku feni hi ku kwetsima ka Tatana, hi mukhuva wolowo, na hina, hi hanya hi mukhuva lowuntshwa.

2 Vakorinto 3:18

Hina hinkwerhu lava hlalelaka hi xivonivoni ku kwetsima ka Hosi, hi mahlo lama nga sirheriwangiki, hi hundzukile xifaniso xi ri xin'we na yena, hi ku kwetsima loku yisaka eku kwetsimeni, ku nga hi Moya wa Hosi.

2 Vakorinto 4:16

Hikwalaho a hi heli mbilu, kambe, hambi munhu wa le handle wa hina a ri karhi a onhaka, munhu wa le ndzeni wa karhi wa kula hi siku rin'wana ni rin'wana.

Varhoma 13:12

Vusiku byi hundzile, dyambu ri tshinele; a hi cukumeteni hakona mitirho ya munyama, kutani hi hakarha matlhari ya ku vonakala.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.

1 Petro 2:2

kutani mi lava ngopfu, kukota vana lava ha ku tswariwaka, ntswamba lowunene wa Rito, leswaku mi kula ha wona eku hlayisekeni;

Varhoma 8:29

Hikuva lava xi titiveleke vona eku sunguleni, hi vona xi nga tihlawulela vona eku sunguleni, leswaku va ta xaxamela ni xifaniso xa N'wana wa xona, leswaku a va yena wa mativula exikarhi ka tindzisana leto tala.

Yohane 17:17

Va kwetsimise entiyisweni wa wena; rito ra wena hi wona ntiyiso.

Vagalatiya 6:15

Hikuva ku yimba, hambi byi ri vukhuna, a swi pfuni nchumu, kambe mhaka leyi nga yona, i ku vumbiwa lokuntshwa.

Vagalatiya 3:27

Hikuva n'wina hinkwenu lava khuvuriweke eka Kriste, mi funengele Kriste.

Esaya 52:1

Pfuka, pfuka, ambala matimba ya wena, Siyoni! Ambala tinguvu ta nkhuvo, Yerusalema, muti lowu hlawuriweke! Hikuva sweswi, khuna ni munhu wa thyaka va nga ka va nga ha ngheni eka wena.

1 Vakorinto 15:53

Hikuva swa fanela leswaku miri wa ku bola wu funengetiwa hi lowu nga boriki, ni miri wolowo lowu faka, wu funengela leswi nga fiki.

Ntirho 29:14

A ndzi funengela ku lulama, kutani ku lulama ku tifunengeta ha mina; Ku tenga ka mina a yi ri nguvu ya mina ni xihuku xa nuna.

Vaefesa 2:15

hikuva u herisile enyameni ya yena nawu wa ku lerisa lowo yimeke hi mikhuva leswaku vambirhi a va hundzulela eka yena, munhu un'we lontshwa, hi ku phahlelana mariyeta,

Esaya 59:17

Wa ambala ku lulama kukota xisirhelelo, kutani u veka enhlokweni e xihuku xa ku hlayiseka; u ambala tinguvu ta ku tirihisela, kutani u tifunengeta hi rilondzo kukota nkhancu.

Vaheveru 12:14

Hisekelani ku va ni ku rhula ni hinkwavo, ni ku kwetsima, loku, kungakuloko munhu a ku pfumala, a nga ka a nga voni Hosi;

Vaheveru 1:8

kambe loko xi vula N'wana, xi te: “Xikwembu, xiluvelo xa wena xi tiyile hilaha ku nga heriki, kutani nhonga ya vuhosi bya wena i nhonga ya ku lulama.

Genesa 5:1

Buku ya vatukulu va Adamu hi yoleyi: Siku Xikwembu xi vumbaka munhu, xi n'wi endla la fanaka ni Xikwembu.

Luka 1:75

hi mukhuva lowo saseka, lowu lulameke emahlweni ka yena, hi masiku hinkwawo ya ku hanyaka hina.

Varhoma 7:6

Kambe sweswi, hi tshunxiwile enawini, loko hi file hitlhelo ra nawu lowu ngi a hi bohiwa hi wona, hi ta tirhela Xikwembu hi vuntshwa bya moya, ku nga ri hi tsalwa leri dyuhaleke.

Varhoma 12:2

Mi nga tshuki mi tifanisa ni misava leyi, kambe mi hundzuka hi vuntshwa bya miehleketo ya n'wina, mi ta twisisa hakona leswaku ku rhandza ka Xikwembu, hi lokunene, ka tsakisa, ku hetisekile.

2 Petro 1:4

ha swona hi nyikiwile ku tshembisa lokukulukumba, loko saseka, leswaku hakona mi va ni ku averiwa ka vukwembu, hi ku sukela ku bola loku nga emisaveni hi ku navela.