Vaefesa 4:22 - Xitsonga (Bibele)

²² hileswaku, loko ku ri ku famba ka n'wina ka khale, mi tintshunxa eka munhu wa khale, la onhiweke hi ku navela loku dyelelaka,

BIBELE Mahungu Lamanene

²² Hikokwalaho, tshikani mahanyelo ya n'wina ya khale, mi hluvula munhu wa khale loyi a a onhiwa hi mhaka ya ku navela ka yena loku kanganyisaka.

Testamente Leyimpsha Xichangana

²² Hikolaho, tshikani mahanyela ya n'wina ya khale, mihlivila munhu wa khale lweyi aawonhiwa hi mhaka ya kunavela ka yena loku kukanganyisaka.

Vaefesa 4:22 Referans Kwoze

Varhoma 6:6

hi ri karhi hi swi tiva leswaku munhu wa hina wa khale u vambiwile swin'we na yena leswaku miri wa vudyoho wu herisiwa, leswaku hi nga ha ti tlhela hi va makhumbi ya vudyoho.

Vaheveru 12:1

Hikwalaho-ke, na hina, leswi hi nga rhendzeriwa hi papa leronghasi ri timbhoni, a hi cukumeteni hinkwaswo leswi hi tikelaka, ni vudyoho lebyi hi namarhelaka hi ku hatlisa, hi tsutsuma hi ku tiyisela empfhukeni lowu hi wu vekeriweke,

Yakobo 1:21

Hikwalaho, cukumetani thyaka hinkwaro, ni hinkwaswo swa lunya, mi amukela hi ku olova rito leri byariweke etimbilwini ta n'wina, leri kotaka ku londzovota mimoya ya n'wina.

Vaheveru 3:13

kambe mi khongotelana hi masiku hinkwawo, ka ha hlayiwa leswaku: “Namuntlha” leswaku ku nga ti va na un'we exikarhi ka n'wina la tinonon'hwisaka hi ku xisiwa ka vudyoho.

Tito 3:3

Hikuva, na hina, khale a hi hungukile, hi ri lava alaka ku yingisa, lava lahlekeke, lava fumiwaka hi ku navela, ni ku titsakisa loko tala; lava hanyaka emoneni ni le makwangeni, lava faneleke ku vengiwa, ni lava venganaka.

Vaefesa 4:25

Hikwalaho-ke, tshikani vunwa, mi vulavula leswi tiyeke, un'wana ni un'wana eka warikwavo, hikuva hi swirho van'wana eka van'wana.

1 Petro 4:3

Hikuva swi ringene loko hi endlile leswi rhandziwaka hi vamatiko, emikarhini leyi hundzeke ya ku hanyaka hina loko ha ha tifambela hi vumbhisa ni ku navela, ni ku pyopyiwa, ni madyo, ni rinwo, ni ku gandzela hi mukhuva lowo biha swikwembu swahava.

Vaefesa 4:17

Lexi ndzi xi vulaka, ni lexi ndzi xi tiyisaka eHosini, hileswaku mi nga tshuki ma ha famba kukotisa vahedeni lava fambaka hi miehleketo ya hava ya vona,

2 Petro 2:13

va ringanisa leswaku ku tsaka; ku hanya emanyaleni hi masiku hinkwawo, va tele swivati ni swisandzu, va titsakela hi ku xisa ka vona, loko va ri karhi va dya na n'wina.

1 Petro 1:18

Ma swi tiva leswaku mi kutsuriwile emikhuveni ya n'wina ya swahava, leyi mi yi dyondzisiweke hi vatata wa n'wina,

Vakolosa 2:11

Na swona, mi yimbisiwile eka yena hi ngoma leyi nga endliwangiki hi mavoko, eku suseni ka miri wa nyama, yi nga ngoma ya Kriste;

Swivuriso 11:18

Lowo biha, u tirha mitirho leyi kanganyisaka, Kambe la byalaka ku lulama u ni hakelo leyi tiyeke.

Ntirho 22:23

Loko u tlhelela eka Lowa matimba u ta tlhela u pfuxiwa, Ntsena u hlongola ku homboloka entsongeni wa wena;

Vaefesa 2:3

valavo khale, na hina hinkwerhu ingi hi ri ka vona, loko ha ha ri karhi hi tifambelela eku naveleni ka nyama ya hina, hi endla leswi rhandziwaka hi nyama ni miehleketo ya hina; kambe hi ku tumbuluka ka hina a hi ri vana lava holoveriwaka kukotisa van'wana.

Obadiya 1:3

Ku tikukumuxa ka mbilu ya wena ku ku xisile, wena la akeke emabakweni ya maribye, endlwini ya wena leyi tlakukeke; u ri embilwini ya wena: “I mani la nga ta ndzi wisela ehansi?”

2 Petro 2:7

ni loko xi ponisile Lota, wanuna la lulameke, la tweke ku vaviseka hikwalaho ka mikhuva ya manyala ya vanhu va ku homboloka;

Yeremiya 49:16

Ku tikukumuxa ka wena ni ku tikurisa ka mbilu ya wena, swi ku kanganyisile wena la akeke etinfeni ta maribye u tshamile etihlohlorhini ta switsunga, ni loko u nga aka yindlu ya wena ehenhla ngopfu, u kotisa gama, ndzi ta ku wisa kona, ku vula Yehovha.

Vagalatiya 1:13

Hikuva mi twile ta mahanyelo ya mina ya khale, loko ndza ha ri eVuyudeni, hilaha ndzi nga xanisa hakona kereke ya Xikwembu hi ku kariha loko nghasi, a ndzi ri karhi ndzi yi hangalasa,

1 SAMIELE 1:14

Heli a ehleketa leswaku u pyopyiwile, kutani Heli a ku eka yena: “U ta pyopya ku yisa kwihi-ke? Famba u ya xalamuka.”

Varhoma 7:11

Hikuva vudyoho byi tekile nkarhi eku leriseni, byi ndzi kanganyisa, ni ku ndzi dlaya hakona.

Yakobo 1:26

Loko un'wana exikarhi ka n'wina a ringanisa leswaku u ni vukhongeri, kutani a nga bohi ririmi ra yena, kambe a tixisa embilwini, vukhongeri bya munhu loyi, i bya hava.

Yeremiya 17:9

“Mbilu yi ni mano ku tlula hinkwaswo, yi borile ngopfu; yi nga tiviwa i mani-ke?

2 Vakorinto 11:3

Kambe ndzi tshukile leswaku, kumbexana swi ta kotisa loko nyoka yi ringile Evha hi mano ya yona, ni ka n'wina mianakanyo ya n'wina yi nga onhaka, yi lahlekeriwa hi vunene bya Kriste.

Vaefesa 4:31

Ku vilela hinkwako, ni ku hlundzuka hinkwako, ni ku kariha hinkwako, ni pongo hinkwaro, ni ku hlevana hinkwako, ni mona hinkwawo, a swi susiwe exikarhi ka n'wina,