Vaefesa 4:16 - Xitsonga (Bibele)

¹⁶ yeloyi miri hinkwawo wa yena lowu hlanganeke swinene, ni ku tiyisana swinene hi ku hlangana ka swirho swa wona, wu kuma ku kula hi matimba lama enetaka xirho xin'wana ni xin'wana, leswaku wu akiwa erirhandzwini.

BIBELE Mahungu Lamanene

¹⁶ Miri hinkwawo wu tiyisiwa hi yena, swirho hinkwaswo swa wona swi ri karhi swi hlanganisiwa ni ku khomana swinene, swi endla xilo xin'we. Kutani loko xirho xin'wana ni xin'wana xi tirha ntirho wa xona hi fanelo, miri hinkwawo wu kula, wu akiwa erirhandzwini.

Testamente Leyimpsha Xichangana

¹⁶ Miri hinkwawu wutiyisiwa hi yena, na svirho hinkwasvu sva wona svili karhi svihlanganisiwa ni kukhomana svinene, sviyendla xilo xin'we. Kutani loko xirho xin'wana ni xin'wana xitirha ntirho wa xona hi mfanelo, miri hinkwawu wukula, wuyakiwa rirhandzwini.

Vaefesa 4:16 Referans Kwoze

Vakolosa 2:19

a nga tikhomeleri hi nhloko leyi, miri hinkwawo wa yona, loko wu hlanganisiwa swinene hi ku hlangana ka swirho swa wona, wu kuma eka yona leswi wu hanyaka ha swona, kutani wu kula hi ku kula loku humaka eka Xikwembu.

Yohane 15:5

Hi mina nsinya wa vhinya; n'wina mi marhavi. La tshamaka eka mina, na mina loko ndzi tshama eka yena, u veka ngopfu; hikuva ehandle ka mina a mi swi koti ku tirha nchumu.

Vakolosa 2:2

timbilu ta vona ti ta chaveleriwa loko va ri karhi va hlanganisiwa swin'we hi rirhandzu, va nyikiwa ku twisisa loku hetisekeke va ta tiva xihundla xa Xikwembu Tatana ni xa Kriste,

Vaefesa 4:12

va ta hetisa vakwetsimi, va endla ntirho wa vurisi, va akisa miri wa Kriste,

1 Vakorinto 13:13

Sweswi ku tiyile swinharhu leswi: ku pfumela, ni ku langutela, ni rirhandzu; kambe lexikulu eka swona, i rirhandzu.

Vaefesa 4:15

kambe a hi endleni leswinene hi rirhandzu, hi ta tiva ku kula ematlhelweni hinkwawo eka loyi a nga nhloko, yena Kriste,

1 Timotiya 1:5

Hikuva laha ku lerisa ku kongomaka kona, i rirhandzu leri humaka embilwini leyi tengeke, ni le ripfalweni lerinene, ni le ku pfumeleni loku nga riki na ku kanganyisa.

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

Vafilipiya 1:9

Kutani lexi ndzi xi kombelaka hi ku khongela, hileswaku rirhandzu ra n'wina ri engeteleka hi masiku hi ku tiva ni miehleketo hinkwayo,

Vaefesa 3:17

ni leswaku Kriste a aka etimbilwini ta n'wina hi ku pfumela,

1 Petro 1:22

Kutani leswi mi basiseke mimoya ya n'wina hi ku yingisa ntiyiso hi Moya, leswaku mi va ni rirhandzu leri nga kanganyisiki, rhandzanani hi ku tiya hi timbilu leti tengeke;

Vaefesa 3:7

yoleyo ndzi endliweke mutirheri wa yona hi ku nyika ka tintswalo ta Xikwembu leti ndzi ti nyikiweke hi mitirho ya matimba ya xona;

Vaefesa 1:4

hilaha xi hi hlawuleke eka yena, loko misava yi nga si tumbuluka, leswaku hi kwetsima, kutani hi pfumala xisandzu emahlweni ka xona,

Vagalatiya 5:22

Kambe mihandzu ya Moya, i rirhandzu, ni ku tsaka, ni ku rhula, ni ku yingisela, ni ku tsakelana, ni vunene, ni ku tshembeka, ni ku olova, ni ku tikhoma.

1 Yohane 4:16

Kutani na hina hi swi tivile, hi va hi pfumela rirhandzu leri Xikwembu xi hi rhandzeke ha rona. Xikwembu xi ni rirhandzu, kutani la tshamaka erirhandzwini, u tshama eka Xikwembu, na xona Xikwembu xi tshama eka yena.

2 Vatesalonika 1:3

Hi fanele ku khensa Xikwembu hi masiku hikwalaho ka n'wina vamakwerhu, hilaha swi lulameke hakona, hikuva ku pfumela ka n'wina ku karhi ku kula ngopfu, ni ku rhandzana ka n'wina ku engeteleka;

1 Vatesalonika 3:12

Kutani Hosi a yi mi kurise, yi mi tatisela rirhandzu ro rhandzana ni ro rhandza hinkwavo, tanihi leswi hi mi rhandzaka hakona na hina,

1 Vatesalonika 1:3

a hi tshiki ku ehleketa ntirho wa ku pfumela ka n'wina, ni nyuku wa rirhandzu ra n'wina, ni ku chivirika ka ku tshemba ka n'wina eka Hosi Yesu Kriste, emahlweni ka Xikwembu, Tata wa hina;

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

1 Vakorinto 8:1

Loko swi ri swilo leswi tlhaveriweke swifaniso, ha swi tiva leswaku hinkwerhu hi ni ku tiva. Kambe ku tiva ku ni ku tikukumuxa, kasi rirhandzu ra akisa.

Varhoma 12:4

Hikuva kukota leswi hi nga ni swirho leswo tala emirini wu ri wun'we, kutani swirho hinkwaswo swi nga ri na ntirho wun'we;

1 Vakorinto 10:17

Hina hi nga lavo tala, hi miri wun'we, hikuva, na xona xinkwa, i xin'we ntsena; hikuva hinkwerhu hi dya xinkwa lexi xi ri xin'we.