Vaefesa 4:14 - Xitsonga (Bibele)

¹⁴ hileswaku hi nga ha ti tshama hi va swihlangi leswi nga ni ku kanakana ni ku tsekatsekisiwa hi mheho yihi ni yihi ya dyondzo, hi ku dyelela ka vanhu, ni mano ya vona yo hambukisa hi mavunwa;

BIBELE Mahungu Lamanene

¹⁴ Kutani a hi nga ha vi swihlangi leswi tlhekatlhekisiwaka ni ku yisiwa hala ni hala hi mheho yihi ni yihi ya dyondzo yo hambuka, hi ku xisetela ka vanhu lava kanganyisaka van'wana ni ku va hambukisa hi mano ya vona.

Testamente Leyimpsha Xichangana

¹⁴ Kutani ahingahavi vatsongwana lavatsekatsekisiwaka, nasvona ahingehepengwisiwi hi jondzo yokala yingali yona, hi kuxengiwa hi vanhu lavakanganyisaka van'wana ni kuvahambukisa hi maqhinga ya vona.

Vaefesa 4:14 Referans Kwoze

Vaheveru 13:9

Mi nga hambukisiwi hi tidyondzo leti hambaneke ta le handle; hikuva swi sasekile loko mbilu yi tiyisiwa hi tintswalo, ku nga ri hi swakudya leswi nga pfuniki nchumu eka lava swi tshembeke.

1 Vakorinto 14:20

Vamakwerhu, mi nga tshuki mi va swihlangi eku twisiseni, kambe mi va swihlangi elunyeni, loko ku ri ku twisiseni mi va lava hetisekeke.

1 Yohane 4:1

Varhandziwa, mi nga tshuki mi pfumela mimoya hinkwayo, kambe mi ringeta mimoya ku tiva xana yi huma eka Xikwembu, hikuva vaprofeta va mavunwa va tile emisaveni, va tele.

2 Vakorinto 2:17

Hikuva a hi fani ni lavo tala lava onhaka rito ra Xikwembu; kambe hi vulavula emahlweni ka Xikwembu hi ri lavanene eka Kriste, hi ri lava rhumiwaka hi Xikwembu.

Yakobo 1:6

Ntsena a a kombele hi ku pfumela, a nga kanakani, hikuva la kanakanaka u fana ni magandlati ya lwandle lama biwaka hi moya, ma hoxiwa hinkwako.

Vaefesa 6:11

Hakarhani matlhari hinkwawo ya Xikwembu, leswaku mi ta tiva ku hlula miringo ya Diyavulosi.

Matewu 24:24

Hikuva ku ta humelela lava tivulaka Kriste hi vunwa, kambe vaprofeta va mavunwa va ta endla masingita lamakulu, ni mahlori lama nga ta hambukisa na vona vahlawuriwa, loko swi nga koteka.

2 Timotiya 4:3

Hikuva ku ta humelela nkarhi lowu vanhu va nga taka va nga yingiseri dyondzo leyi hanyisaka; kambe hi ku navela ka vona, va ta tihlengeletela vafundhisi, va ri karhi va tiphumunha tindleve,

Yuda 1:12

Valavo i swivati emikhubyeni ya n'wina ya rirhandzu, loko va ri karhi va dya na n'wina, va nga chavi nchumu loko va tixurhisa. I mapapa lama nga riki na mpfula, lama yisiwaka hala ni hala hi mheho; i mirhi leyi hlanhliweke hi vuxika, leyi nga velekiki, leyi feke kambirhi, leyi tsuvuriweke.

Nhlavutelo 19:20

Kutani xivandza xi khomiwa swin'we ni muprofeta wa mavunwa, loyi a nga endla emahlweni ka xona mahlori lawa a hambukiseke ha wona lava nga amukela mfungho wa xivandza, ni lava gandzeleke xifaniso xa xona havambirhi va cukumetiwa va ha hanya etiveni leri pfurhaka ra ndzilo ni xivavula.

Vagalatiya 3:1

Yo! Vagalatiya, swihunguki! Mi yenge hi mani, n'wina lava Yesu Kriste a kombisiweke emahlweni ka n'wina hi ku tlula ngopfu, ingi u vambiwile exikarhi ka n'wina.

Matewu 24:11

Ku ta humelela vaprofeta lavo tala va mavunwa va ta hambukisa lavo tala.

1 Yohane 2:26

Ndzi mi tsalela timhaka leti, hikwalaho ka lava mi xisaka.

2 Timotiya 3:13

Kambe vanhu lavo biha ni vakanganyisi va ta hundzela emahlweni eku biheni, va ri karhi va kanganyisa, na vona va kanganyisiwa.

Esaya 28:9

“U ta dyondzisa mani vutlhari xana? U ta dyondzisa mani tidyondzo-ke? Xana i swihlangi leswa ha ku lumuriwaka, leswi susiweke eveleni?

2 Vakorinto 4:2

kambe hi lahlile swilo leswi fihliweka, leswa tingana; kutani a hi fambi hi mano, a hi pfanganyeti rito ra Xikwembu; kambe hi ku veka erivaleni ntiyiso, hi tiendlela ku yimeriwa etimpfalweni ta vanhu hinkwavo, emahlweni ka Xikwembu.

Matewu 11:7

Kutani volavo loko va sukile, Yesu a sungula ku vulavula ni ntshungu hi ta Yohane, a ku: “A mi yile mi ya vona yini emananga? Xana a ri ri rihlanga leri tsekatsekisiwaka hi mheho xana?

1 Vakorinto 12:2

Ma swi tiva leswaku a mi ri vamatiko lava nga kokeriwa eka swifaniso leswi nga vulavuriki, hilaha mi nga kokiwa hakona.

Timhaka 23:21

Kambe u nga tshuki u va pfumelela, hikuva vavanuna lava tlulaka mune wa makume va n'wi lavelela, va tibohile hi ku hlambanya va ku va nga ka va nga dyi, hambi ku ri ku nwa, va nga si n'wi dlaya; kambe sweswi, va tilunghisile va langutele ku pfumela ka wena ntsena.”

Mikiya 7:2

Munhu lonene u lovile emisaveni, a ka ha ri na la lulameke exikarhi ka vanhu. Hinkwavo va bvutama ku halata ngati, un'wana ni un'wana u rhiyile makwavo hi ntlhamu.

Pisalema 59:3

Hikuva languta, va rhiyele moya wa mina mitlhamu; Vanhu va matimba va ndzi etlelela; Ku nga ri hikwalaho ka ku homboloka kumbe ka xidyoho xa mina, oho Yehovha!

Pisalema 10:9

Wa rindza emunyameni kukotisa nghala leyi nga ebakweni ra yona; Wa rindza ku khoma la nga enhlomulweni; A n'wi khoma, a n'wi koka hi ntlhamu wa yena.

1 Yohane 2:19

Va humile exikarhi ka hina, kambe a va nga ri va ka hina, hikuva loko ngi va ri va ka hina, ingi va tshamile na hina; kambe ku humelerile sweswo leswaku swi ta vonaka leswaku hinkwavo a hi va ka hina.

2 Petro 2:18

Hikuva hi ku vulavula timhaka ta manyunyu, ni ta hava, va rhiya hi ku navela ka nyama ni manyala, vanhu lava ha ku fularhelaka lava hanyaka eku hungukeni.

Yakobo 3:4

Vonani tingalava na tona, hambi ti ri letikulu swonghasi, hambi na swona ti susumetiwa hi mimoya ya matimba, ti fambisiwa hi xihendzulo lexitsongo, hinkwako laha muhendzuri a rhandzaka kona.

1 Timotiya 3:6

Kambe a nga tshuki a va mupfumeri lontshwa, a nga ti tshuka a tikurisa, kutani a wela eku avanyiseni ka Diyavulosi.

2 Timotiya 1:15

Wa swi tiva leswaku hinkwavo va Asiya va ndzi fularhele; exikarhi ka vona ku na Figelo na Hermogene.

1 Vakorinto 3:19

Hikuva vutlhari bya misava leyi, i vuhunguki emahlweni, ka Xikwembu!