Vaefesa 3:9 - Xitsonga (Bibele)

⁹ ni ku vonakarisa emahlweni ka hinkwavo, ku averiwa ka xihundla lexi ngi xi fihliwile, ka hari mpfhuka wo sungula, eka Xikwembu lexi nga endla hinkwaswo,

BIBELE Mahungu Lamanene

⁹ ni ku endla leswaku vanhu hinkwavo va tiva hilaha xihundla xa makungu ya Xikwembu xi endlekaka hakona. Xikwembu, lexi nga mutumbuluxi wa hinkwaswo, xi fihlile xihundla lexi eminkarhini hinkwayo leyi hundzeke,

Testamente Leyimpsha Xichangana

⁹ ni kuyendla lesvaku vanhu hinkwavu vativa hilaha xihundla xa makungu ya Xikwembu xiyendlekaka hakona. Xikwembu, lexinga mutumbuluxi wa hinkwasvu, xitlhotile xihundla lexi minkameni hinkwayu leyihundzeke,

Vaefesa 3:9 Referans Kwoze

Vakolosa 1:26

xi nga xihundla lexi fihliweke emikarhini hinkwayo, ni le tinxakeni hinkwato, kambe sweswi, xi humeseriwe vakwetsimi va xona,

Matewu 13:35

leswaku ku ta endleka rito ra Muprofeta la nga te: “Ndzi ta ahlamisa nomu wa mina hi swifaniso ndzi xaxameta ni timhaka leti ngi ti fihliwile ka ha ri mpfhuka misava yi vumbiwa.”

2 Timotiya 1:9

lexi hi hanyiseke, kutani xi hi vitanile hi ku vitana loku kwetsimaka, ku nga ri hikwalaho ka mitirho ya hina, kambe hi ku tirhandzela ka xona, ni tintswalo leti hi ti nyikiweke ha Yesu Kriste, mikarhi yi nga si va kona,

Vakolosa 3:3

hikuva mi file, kutani vutomi bya n'wina byi fihliwile na Kriste eka Xikwembu.

Matewu 28:19

yanani hakona mi ya dyondzisa va matiko hinkwawo, mi va khuvula hi vito ra Tatana, ni ra N'wana ni ra Moya lowo Kwetsima,

Esaya 44:24

U vula sweswo Yehovha, Mukutsuri wa wena, la ku vumbeke ekhwirini ra mana wa wena: “Hi mina Yehovha la endleke swilo hinkwaswo, la andlaleke matilo ni misava, ndzi ri ndzexe.

Pisalema 33:6

Matilo ma endliwile hi rito ra Yehovha, Ni vandla hinkwaro ra wona hi ku hefemula ka nomu wa yena.

Nhlavutelo 4:11

“Hosi ni Xikwembu xa hina, u lulameriwe hi ku kwetsima, ni xichavo, ni matimba, hikuva u tumbuluxile swilo hinkwaswo, kutani swi kona, kambe swi tumbuluxiwe hi ku rhandza ka wena.”

Tito 1:2

hi ku tshemba vutomi lebyi nga heriki, lebyi Xikwembu lexi nga hembiki xi byi tshembiseke ka hari mpfhuka misava yi nga si tumbuluka,

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

Nhlavutelo 13:8

Kutani hinkwavo lava akeke emisaveni va ta, va ta xi gandzela, lava mavito ya vona ma nga tsariwangiki ebukwini ya vutomi ya Xinyimpfana lexi tlhaviweke, ka hari mpfhuka misava yi tumbuluka.

1 Petro 1:20

loyi a nga tiviwa hi Xikwembu misava yi nga si tumbuluka, kutani a kombisiwa hi mikarhi ya ku hela hikwalaho ka n'wina,

2 Timotiya 4:17

Kambe Hosi yi ndzi yimerile, yi ndzi tiyisile leswaku ku dyondzisa ku tiyisiwa ha mina, vamatiko hinkwavo va ta ku twa, kutani ndzi damurhutiwile enon'wini wa nghala.

2 Vatesalonika 2:13

Kambe loko hi ri hina, hi fanele ku khensa Xikwembu hi masiku hikwalaho ka n'wina, vamakwerhu varhandziwa va Hosi, hikuva Xikwembu xi mi hlawurile ka ha ri eku sunguleni, leswaku mi ta hlayiseka hi ku basisiwa hi Moya, ni ku pfumela ka ntiyiso;

Vakolosa 1:23

loko kunene mi tiya emasungulweni ya ku pfumela, mi nga tsekatseki, mi nga cukumeti ku tshemba ka Evhangeli leyi mi yi tweke, yi nga yona leyi nga vuriwa eka swivumbiwa hinkwaswo swa le hansi ka tilo, yoleyo mina Pawulo ndzi endliweke nandza wa yona.

Vaefesa 1:4

hilaha xi hi hlawuleke eka yena, loko misava yi nga si tumbuluka, leswaku hi kwetsima, kutani hi pfumala xisandzu emahlweni ka xona,

1 Vakorinto 2:7

kambe hi vula vutlhari bya Xikwembu xi nga xihundla xa vutlhari lebyi fihliweke, lebyi Xikwembu xi byi lunghiseke eku sunguleni, malembe ma nga si va kona, ku va ku dzunisa ka hina;

Timhaka 15:18

ku vula Hosi leyi endlaka swilo leswi hinkwaswo leswi nga tiviwa hi yona, ni le ku sunguleni.’

Yohane 10:30

Mina na Tatana hi endla un'we.”

Yohane 5:19

Yesu a hlamula, a ku eka vona: “Ndzi vurisile ndzi ri eka n'wina: N'wana a nga swi koti ku tisungulela a tirha nchumu loko a nga swi vonanga swi tirhiwa hi Tata wa yena; hikuva hinkwaswo leswi endliwaka hi Tatana, N'wana u swi endlisa sweswo na yena.

Yohane 5:17

Kambe Yesu a va hlamula, a ku: “Tatana wa ha tirha ni sweswi, na mina ndza tirha.”

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

Matewu 25:34

“Hilaha Hosi yi nga ta byela va le vokweni ra yena ra xinene, yi ku: ‘Tanani n'wina lava katekisiweke hi Tatana, amukelani ndzhaka ya ku fuma, leyi mi nga lunghiseriwa kaharhi loko misava yi tumbuluka;

Matewu 10:27

Leswi ndzi mi byelaka swona emunyameni, swi vuleni eku vonakaleni; kutani leswi mi swi yingiseke swi hleveteriwa etindleveni, swi twariseni eswihlungwini swa tindlu.

Nhlavutelo 17:8

Xivandzana lexi u xi voneke a xi ri kona, kambe a xa ha ri kona; xi ta huma ekheleni kutani xi ya eku loveni. Lava akeke emisaveni, lava mavito ya vona ma nga tsariwangiki ebukwini ya vutomi ka ha ri mpfhuka loko misava yi tumbuluka, va ta hlamala loko va vona xivandzana, hikuva a xi ri kona, kutani a xa ha ri kona, kasi xi ta tlhela xi va kona.

Nhlavutelo 14:6

Kutani ndzi vona ntsumi yin'wana leyi hahaka exikarhi ka tilo, yi tamele Evhangeli leyi nga riki na ku hela, ku yi dyondzisa lava akeke emisaveni, va ri va matiko hinkwawo, ni tinxaka hinkwato, ni swivongo hinkwaswo,

Varhoma 11:25

Hikuva, vamakwerhu, a ndzi swi rhandzi leswaku mi fihleriwa xihundla lexi, mi nga ti tshuka mi tiendla lavo tlhariha: swi ri leswaku ku nonon'hwa ku humelele Vaisraele hitlhelo rin'wana, ku tala ka vamatiko ku ko ku nghena;

Vaefesa 3:2

Loko ngi mi yingisile ku averiwa ka tintswalo ta Xikwembu leti ndzi nga nyikeriwa n'wina,

Vaefesa 6:19

Na mina, mi ndzi khongelela, leswaku ndzi nyikiwa ku vulavula erivaleni, ndzi ta tiva ku hlavutela vanhu ndzi nga chavi nchumu xihundla xa Evhangeli,

Vakolosa 4:3

na kona mi hi khongelela, leswaku Xikwembu xi hi pfulela nyangwa ya Rito, hi ta vulavula xihundla xa Kriste, lexi ndzi nga mubohiwa hikwalaho ka xona;