Vaefesa 3:20 - Xitsonga (Bibele)

²⁰ Kambe eka yena, loyi a nga endlaka ku tlurisa ngopfungopfu hinkwaswo leswi hi nga swi kombelaka, ni leswi hi nga swi ehleketaka hi matimba lama tirhaka eka hina,

BIBELE Mahungu Lamanene

²⁰ Eka yena loyi a kotaka ku endla, hi matimba lama tirhaka eka hina, ku tlula ngopfu swinene hinkwaswo leswi hi nga swi kombelaka, kumbe leswi hi nga swi ehleketaka,

Testamente Leyimpsha Xichangana

²⁰ Ka yena lweyi akotaka kuyendla, hi matimba lamatirhaka ka hina, kutlula ngopfu svinene hinkwasvu lesvi hingasvikombelaka, kumbe lesvi hingasvipimisaka,

Vaefesa 3:20 Referans Kwoze

2 Vakorinto 9:8

Kambe Xikwembu xi ni matimba ku mi engetelela ku nyika kun'wana ni kun'wana ka tintswalo mi ta kuma leswi mi ringanaka hi masiku ematlhelweni hinkwawo, mi va mi taleriwa hi leswi mi nga ta endla ntirho lowo saseka ha swona, hilaha ku nga tsariwa, va ku:

Varhoma 4:21

a kholwa swinene leswaku la n'wi tshembiseke u ni matimba ya ku endla;

Yeremiya 32:27

“Vona, hi mina Yehovha, Xikwembu xa nyama hinkwayo; xana swi kona leswi nga ndzi tsandzaka-ke?

Yuda 1:24

Eka loyi a nga ni matimba ya ku mi hlayisa mi nga khunguvanyeki, ni ku mi yimisa mi nga ri na xivati emahlweni ka yena, eku kwetsimeni ni le ku tsakeni;

1 Vakorinto 2:9

Kambe kukota leswi tsariweke leswaku: “Timhaka teto, tihlo a ri si ti vona, ndleve a yi si ti twa, a ti humelelanga embilwini ya munhu; timhaka teto, Xikwembu xi ti lunghisele lava xi va rhandzaka.”

Vaefesa 1:19

mi ta tiva ni vukulukumba lebyi nga hlambanyisiwiki bya matimba ya xona, eka hina vapfumeri, hi mitirho ya matimba ya xona, lama nga tsandziwiki ha nchumu,

Yeremiya 32:17

“ ‘Oho! Hosi Yehovha, vona, hi wena la endleke matilo ni misava hi matimba ya wena lamakulu, ni voko ra wena leri tshambulukeke; a ku na nchumu lowu ku tsandzaka.

Vaheveru 7:25

Hikwalaho, naswona, a swi kota ku ponisa, hi ku hetisisa lava tshinelelaka Xikwembu ha yena, hikuva u karhi wa hanya hi masiku ku va khongelela.

Vaefesa 3:7

yoleyo ndzi endliweke mutirheri wa yona hi ku nyika ka tintswalo ta Xikwembu leti ndzi ti nyikiweke hi mitirho ya matimba ya xona;

Varhoma 16:25

Eka loyi a nga ni matimba ya ku mi tiyisa eEvhangelini ya mina, ni le ku dyondziseni ka Yesu Kriste, hi xikombiso xa xihundla lexi ingi xi funengetiwile emikarhini ya vukulukulu,

1 TIHOSI 3:13

Ehenhla ka swona, ndzi ta ku nyika ni leswi u nga swi kombelangiki, ri nga rifuwo ni ku twala, leswaku ku nga ka ku nga vi na munhu la kotisaka wena exikarhi ka tihosi eku hanyeni hinkwako ka wena.

Genesa 17:1

Kuteloko Abrama a hanyile malembe ya 99, Yehovha a tikombisa eka Abrama, a ku eka yena: “Hi mina Xikwembu xa matimba hinkwawo.

Daniele 3:17

Loko swi nga endleka leswaku Xikwembu xa hina lexi hi xi tirhelaka xi hi ponisa, xi ta hi ponisa ekheleni ra ndzilo lowo leva ni le vokweni ra wena, hosi.

Vakolosa 1:29

Hi leswi ndzi swi tirhelaka, loko ndzi lwa hi matimba ya yena lama tirhaka ngopfu eka mina.

2 TIKRONIKA 25:9

Amasiya a ku eka munhu wa Xikwembu: “Ndzi ta endla yini emhakeni ya titalenta ta dzana leti ndzi ti nyikeke vandla ra Israele xana?” Munhu wa Xikwembu a hlamula, a ku: “Yehovha a nga ku nyika leswi tlurisaka ngopfu.”

Yohane 10:10

Khamba a ri ti ntsena, loko ku nga ri ku yiva, ni ku tlhava, ni ku lovisa, mina ndzi tile leswaku tinyimpfu ti va ni vutomi, ti byi kuma hi ntalo.

Eksoda 34:6

Kutani Yehovha a hundza emahlweni ka yena, a ku: “Yehovha, Yehovha, Xikwembu xa tintswalo ni vunene, lexi hlwelaka ku kariha, lexi teleke tintswalo ni ku tshembeka,

Yakobo 4:12

Ku ni un'we a nga muveki wa nawu ni muavanyisi; hi yena la nga ni matimba ya ku hlayisa ni ku lovisa. Wena-ke, u mani la avanyisaka van'wana xana?

1 Timotiya 1:14

kutani tintswalo ta Hosi ya hina ti ndzi tele hi ku tlurisisa, Swin'we ni ku pfumela, ni rirhandzu leri nga ka Yesu Kriste.

Daniele 6:20

Kuteloko yi fike ekheleni, yi vitana Daniele hi rito leri hlomukeke; kutani hosi yi vulavula, yi ku eka Daniele: “Daniele, nandza wa Xikwembu lexi hanyaka, Xikwembu xa wena lexi u xi tirhelaka hi ku tiyisela, xana xi kotile ku ku lamulela etinghaleni xana?”

Vaheveru 11:19

a va a ringanisa leswaku Xikwembu xi ni matimba ya ku pfuxa, hambi ku ri eku feni; kwalaho kunene a tlhela a n'wi kuma hi lexi ringanaka ni ku pfuka eku feni.

Esaya 55:7

Lowo biha a a tshike ndlela ya yena, ni wa lunya miehleketo ya yena; a a tlhelele eka Yehovha, la nga ta n'wi twela vusiwana; ni ka Xikwembu xa hina, lexi rivalelaka, ku nga ri hi mpimo.

2 Petro 1:11

Hikuva hi mukhuva wolowo, mi ta hiwa ku nghena eku fumeni loku nga heriki ka Yesu Kriste, Hosi ni Mulondzovoti wa hina.

Esaya 35:2

Ma ta rhumbuka hi ku tlurisa, ma tsakisisa, ma tsaka kunene, ma yimbelela tinsimu to tsaka, ma ta nyikiwa ku vonakala ka Lebanoni, ni ku nona ka Karmele ni ka Xaroni; kutani va ta vona ku kwetsima ka Yehovha, ni vukulu bya Xikwembu xa hina.

Matewu 3:9

Kutani mi nga tshuki mi tianakanyela mi ku: ‘Hi na Abrahama, a nga tata wa hina’; hikuva ndza mi byela leswaku Xikwembu xi nga pfuxela Abrahama vana hi maribye lawa.

2 SAMIELE 7:19

Ntsena a yi ri mhaka leyitsongo emahlweni ka wena, Hosi Xikwembu, kambe u vurile ni mhaka ya yindlu ya nandza wa wena ya nkarhi lowu nga ekule emahlweni; kambe mhaka leyi, oho Hosi Yehovha, xana i nawu wa vanhu xana?

Risimu ra Tinsimu 5:1

Ndzi tile ensin'wini ya mina, oho makwerhu, muvutiwa wa mina! Ndzi hlengeletile mirha ya mina ni swinun'hwelo swa mina; Ndzi dyile xihlenga xa mina ni vulombe bya mina; Ndzi nwile vhinyo ya mina ni ntswamba wa mina. Dyanani, maxaka, nwanani, mi pyopya hi rirhandzu.

Genesa 18:4

Ha nga lava matinyana, mi hlamba milenge, mi wisa ehansi ka murhi.

2 TIKRONIKA 9:12

Hosi Solomoni a nyika hosi ya wansati ya Xeba hinkwaswo leswi yi swi naveleke, ni hinkwaswo leswi yi swi kombeleke, ehandle ka leswi a yi nyikeke ematshan'weni ya leswi yi swi tiseleke hosi. Kutani yi tlhela yi muka etikweni ra yona ni malandza ya yona.