Vaefesa 3:14 - Xitsonga (Bibele)

¹⁴ Hikwalaho ndzi khinsamaka hi matsolo emahlweni ka Tatana,

BIBELE Mahungu Lamanene

¹⁴ Hikwalaho ka sweswo, ndzi nkhinsama hi matsolo emahlweni ka Tatana,

Testamente Leyimpsha Xichangana

¹⁴ Hikolaho ka svosvo, nikhinsama hi matsolo mahlweni ka Tatana,

Vaefesa 3:14 Referans Kwoze

Pisalema 95:6

Tanani, hi khinsama, a hi korhameni, Hi khinsamela Yehovha, muvumbi wa hina,

Vafilipiya 2:10

leswaku hi vito ra Yesu, matsolo ya hinkwavo lava nga ematilweni ni la emisaveni ni le hansi ka misava, ma n'wi khinsamela,

Timhaka 21:5

Kambe loko hi hetile masiku walawo, hi suka, hi heleketiwa hi hinkwavo ku ya fika ehandle ka muti, va ri ni vavasati ni vana; kutani hi khinsama eribuwini, hi khongela.

Vaefesa 1:3

A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,

Daniele 6:10

Kambe Daniele, loko a tiva leswaku nawu wolowo wu tsariwile, a tiyela endlwini ya yena; kutani mafasitere ya yindlu ya yena leyi nga ehenhla ma pfuleriwe hitlhelo ra Yerusalema, a khinsama hi matsolo kanharhu hi siku, a khongela a va a vonga Xikwembu xa yena, kukotisa leswi a tshamaka a endla eku sunguleni.

Ezra 9:5

Hi nkarhi wa magandzelo ya madyambu, ndzi yima kona eku titsongahateni ka mina, banci ni nguvu ya mina swi handzuriwile, ndzi khinsama hi matsolo, ndzi tlakusa mavoko ya mina eka Yehovha, Xikwembu xanga,

Esaya 45:23

Ndzi hlambanya ha mina; swo lulama swi humile enon'wini wa mina, ri ri rito leri nga taka ri nga kanetiwi, leswaku tsolo rin'wana ni rin'wana ri ta ndzi korhamela, ni leswaku ririmi rin'wana ni rin'wana ri ta hlambanya ha mina.

Timhaka 20:36

Kuteloko a vulavurile timhaka teto, a khinsama hi matsolo a khongela na vona hinkwavo.

Luka 22:41

Kutani a va sukela, a ya ekulenyana, hi mpfhukanyana lowu ringanaka ku hoxiwa ka ribye, kutani a khinsama, a khongela, a ku:

1 TIHOSI 19:18

Kambe ndzi tihlayisele vanhu va 7 000 exikarhi ka va Israele va ri hinkwavo lava nga khinsamelangiki Baali, ni ku n'wi ntswontswa.”

1 TIHOSI 8:54

Kuteloko Solomoni a hetile ku humesela Yehovha ku khongela hinkwako loku, ni ku kombela loku, a suka a yima emahlweni ka alitari ya Yehovha, laha a khinsameke kona ematsolweni ya yena, a yimisile mavoko ehenhla,

2 TIKRONIKA 6:13

hikuva Solomoni a a endlile ndhawu ya ku yima eka yona ya koporo, a yi vekile exikarhi ka xivava; ku leha ka yona a swi ri swisungunhu swa ntlhanu, ni ku anama ka yona swisungunhu swa ntlhanu ni ku tlakuka ka yona swisungunhu swinharhu; a khandziya kona, kutani, kuteloko a khinsamile hi matsolo emahlweni ka nhlengeletano hinkwayo ya Israele, a tlakusela mavoko ya yena ehenhla,

Timhaka 9:40

Kutani Petro a va humesela ehandle hinkwavo; a khinsama hi matsolo, a khongela; kutani a hundzulukela eka ntsumbu, a ku: “Tabita, pfuka!” Kutani a hanyanya mahlo; kuteloko a vona Petro, a pfuka a tshama.

Timhaka 7:60

Kutani a khinsama, a huwelela hi rito lerikulu, a ku: “Hosi u nga va hlayeli ku dyoha loku.” Kuteloko a vurile sweswo, a tietlelela.

Vaefesa 3:15

loyi rixaka rin'wana ni rin'wana leri nga etilweni ni le misaveni ri vitaniwaka eka yena,