Vaefesa 3:10 - Xitsonga (Bibele)

¹⁰ leswaku vutlhari bya Xikwembu lebyi mikhuva ya byona yi nga tala hilaha ku nga hlayiwiki, byi kombisiwa sweswi hi Kereke, eka vakulukumba ni ka vafumi va le matilweni,

BIBELE Mahungu Lamanene

¹⁰ leswaku eminkarhini ya sweswi, hi ku tirhisa kereke, xi ta tivisa vutlhari bya xona hi matlhelo hinkwawo ya byona eka mimoya ya vundhuna ni ya matimba ehenhla matilweni.

Testamente Leyimpsha Xichangana

¹⁰ lesvaku minkameni ya svosvi, hi kutirhisa kereke, xitativisa vutlhari bza xona hi matlhelo hinkwawu ya bzona ka mimoya ya tihosana ni ya matimba henhla matilweni.

Vaefesa 3:10 Referans Kwoze

1 Petro 1:12

Kutani va kombisiwile leswaku a va titirhelanga, kambe va tirhele hina, etimhakeni leti mi ti byeriweke sweswi, hi lava mi dyondziseke hi Moya lowo Kwetsima lowu rhumiweke, wu huma etilweni, ti nga timhaka leti tintsumi ti navelaka ngopfu ku ti hlometela.

Vaefesa 6:12

Hikuva eku lweni ka hina, a hi lwi na nyama na ngati, kambe hi lwa ni vafumi, ni leswa matimba, ni tihosi hinkwato ta munyama, ni mimoya leyo biha ya swivandla swa le henhla.

1 Vakorinto 2:7

kambe hi vula vutlhari bya Xikwembu xi nga xihundla xa vutlhari lebyi fihliweke, lebyi Xikwembu xi byi lunghiseke eku sunguleni, malembe ma nga si va kona, ku va ku dzunisa ka hina;

Varhoma 11:33

Oho! A hi ku enta ka rifuwo, ni ka vutlhari, ni ka vutivi bya Xikwembu! Ku avanyisa ka xona a ku twisisiwi, ni tindlela ta xona a ti tiviwi!

Vaefesa 1:21

ehenhla ka vukulukumba hinkwabyo, ni ku fuma hinkwako, ni matimba hinkwawo, ni vuhosi hinkwabyo, ni le henhla ka mavito hinkwawo lama nga vuriwaka, ku nga ri emikarhini leyi ntsena, kambe ku ri ka leyi nga ta ta;

Vaefesa 1:3

A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,

1 Vakorinto 1:24

kambe eka lava vitaniweke, hambi va ri Vayuda, hambi va ri Vagriki, Kriste i matimba ya Xikwembu, ni vutlhari bya Xikwembu;

1 Petro 3:22

la nga ya etikweni, la nga evokweni ra xinene ra Xikwembu; tintsumi, ni tihosi, ni ku fuma swi ri karhi swi vekiwa ehansi ka yena.

Vakolosa 1:16

Hikuva swilo hinkwaswo swi tumbuluxiwile ha yena, le matilweni ni la emisaveni, leswi voniwaka ni leswi nga voniwiki, ni xiluvelo, ni vuhosi, ni tindhuna, ni vafumi. Hinkwaswo swi tumbuluxiwe hi yena, kambe swi endleriwe yena.

1 Timotiya 3:16

Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

Vaefesa 1:8

leti Xikwembu xi hi tateleke tona hi vutlhari hinkwabyo, ni ku ehleketa hinkwako;

Varhoma 8:38

Hikuva ndza swi tivisisa ngopfu leswaku, hambi ku ri ku fa, hambi ku ri ku hanya, hambi ti ri tintsumi, hambi ku ri ku fuma loku ka matimba, hambi swi ri leswi nga kona sweswi, hambi swi ri leswi nga ta ta,

Pisalema 104:24

Oho Yehovha! Mitirho ya wena yi tarisile ku yini! U yi endlile hinkwayo hi vutlhari; Misava yi tele rifuwo ra wena.

Ezekiele 3:12

Kutani moya wu ndzi tlakusa, kavaloko ndzi twa endzhaku ka mina huwa ya mavandla lamakulu, va ku: “A ku dzunisiwe ku kwetsima ka Yehovha exivandleni xa vutshamo bya yena!”

Pisalema 103:20

Khensani Yehovha, n'wina tintsumi ta yena, Leti tiyeke matimba, leti endlaka swileriso swa yena, Hi ku yingisa mpfumawulo wa rito ra yena!

Vaefesa 1:23

wu nga miri wa yena, ni ku hetiseka ka loyi a hetisisaka hinkwaswo eka hinkwavo.

Vakolosa 2:10

Kutani eka yena mi kume ku tala hinkwako, yena a nga nhloko ya vuhosi hinkwabyo ni ya ku fuma hinkwako.

Vakolosa 2:15

a gumba tihosi ni ku fuma, a swi humesela erivaleni, loko a swi hlurile exihambanweni xolexo.