Vaefesa 2:2 - Xitsonga (Bibele)

² leswi khale mi nga famba ka swona, hi maendlelo ya misava leyi, loko ma ha fumiwa hi hosi leyi fumaka matimba ya mimpfhuka, wu nga moya lowu tirhaka sweswi, eka vanhu lava tiarisaka;

BIBELE Mahungu Lamanene

² Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Testamente Leyimpsha Xichangana

² Minkameni yoleyo, amihanya ka svona, loko mahalandza svihena lesvobiha sva misava leyi. Amili hansi ka hosana leyifumaka mimoya ya le henhla mpfhukeni, wunga moya lowutirhaka ni svosvi xikarhi ka vanhu lavangayingisiki Xikwembu.

Vaefesa 2:2 Referans Kwoze

Vaefesa 6:12

Hikuva eku lweni ka hina, a hi lwi na nyama na ngati, kambe hi lwa ni vafumi, ni leswa matimba, ni tihosi hinkwato ta munyama, ni mimoya leyo biha ya swivandla swa le henhla.

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi tshama eku biheni.

Vaefesa 2:3

valavo khale, na hina hinkwerhu ingi hi ri ka vona, loko ha ha ri karhi hi tifambelela eku naveleni ka nyama ya hina, hi endla leswi rhandziwaka hi nyama ni miehleketo ya hina; kambe hi ku tumbuluka ka hina a hi ri vana lava holoveriwaka kukotisa van'wana.

Yohane 12:31

Sweswi, ku avanyisa ka misava leyi, ku kona; kutani hosi ya misava leyi, yi ta hlongoleriwa ehandle.

Vaefesa 5:6

Munhu a nga tshuki a mi kanganyisa hi ku vulavula ka swahava, hikuva hikwalaho ka swona leswo, ku kariha ka Xikwembu ku ta ta ehenhla ka vanhu lava nga pfumeriki.

Yohane 8:44

N'wina mi huma eka tata wa n'wina a nga Diyavulosi, kutani mi rhandza ku endla ku navela ka tata wa n'wina. A a ri mudlayi ni le ku sunguleni, a nga tshamanga entiyisweni, hikuva a ku na ku tshembeka eka yena. Loko a vulavula mavunwa, a tisungulela swa yena, hikuva i muhembi ni tata wa mavunwa.

Vaefesa 4:22

hileswaku, loko ku ri ku famba ka n'wina ka khale, mi tintshunxa eka munhu wa khale, la onhiweke hi ku navela loku dyelelaka,

1 Vakorinto 6:11

Kambe hi leswi van'wana ingi va ri swona eka n'wina; kambe mi hlantswiwile, kambe mi kwetsimisiwile, kambe mi hlayiwile lava lulameke hi vito ra Hosi Yesu, ni Moya wa Xikwembu xa hina.

2 Vakorinto 4:4

va nga valavo xikwembu xa misava leyi xi va dlayeke mahlo ya ku anakanya, hileswaku va nga pfumeri, va nga ti tshuka va tsuvukeriwa hi ku vonakala ka Evhangeli leyi kwetsimaka ya Kriste, xi nga xifaniso xa Xikwembu.

1 Yohane 5:4

Hikuva hinkwaswo leswi tswariweke hi Xikwembu, swi hlula misava: kutani ku hlula loku hlulaka misava, i ku pfumela ka hina.

1 Yohane 3:10

Hikwalaho ku vonakalaka lava nga vana va Xikwembu, ni lava nga vana va Diyavulosi. Un'wana ni un'wana la nga endliki swo lulama, a hi wa Xikwembu, kukotisa loyi a nga rhandziki makwavo.

1 Petro 1:14

mi va vana va ku yingisela, lava nga yiki hi ku navela ka n'wina ka khale, mi nga si tiva nchumu.

Nhlavutelo 20:2

kavaloko yi khoma dragona, nyoka ya khale, a nga Diyavulosi na Satana; yi n'wi bohela malembe ya khume ra madzana.

1 Yohane 4:4

Loko mi ri n'wina, vana vanga, mi va Xikwembu, kutani mi va hlurile hikuva la nga na n'wina, u tlula hi vukulu la nga emisaveni.

1 Petro 4:3

Hikuva swi ringene loko hi endlile leswi rhandziwaka hi vamatiko, emikarhini leyi hundzeke ya ku hanyaka hina loko ha ha tifambela hi vumbhisa ni ku navela, ni ku pyopyiwa, ni madyo, ni rinwo, ni ku gandzela hi mukhuva lowo biha swikwembu swahava.

Vakolosa 1:21

Na n'wina, a mi ri ekule khale, a mi ri valala hi miehleketo ya n'wina ni mitirho leyo biha ya n'wina;

Vagalatiya 1:4

la tinyiketeke hikwalaho ka ku dyoha ka hina, a ta hi simula emisaveni ya sweswi, leyo biha, hi ku rhandza ka Xikwembu la nga Tata wa hina;

Varhoma 12:2

Mi nga tshuki mi tifanisa ni misava leyi, kambe mi hundzuka hi vuntshwa bya miehleketo ya n'wina, mi ta twisisa hakona leswaku ku rhandza ka Xikwembu, hi lokunene, ka tsakisa, ku hetisekile.

Yakobo 4:4

Vavanuna ni vavasati va vuoswi, xana a mi swi tivi leswaku ku rhandza ka misava i ku venga Xikwembu xana? Hikwalaho, mani na mani la tinyiketaka eku rhandzeni ka misava u tiendla nala wa Xikwembu.

1 Vakorinto 5:10

a hileswaku mi avanele makumu ni swipombolo swa misava leyi, kumbe ni lava navelaka rifuwo, ni makhamba, ni lava gandzelaka swifaniso, hikuva loko ngi swi ri tano, a mi ta fanela ku huma emisaveni.

Timhaka 5:3

Kambe Petro a ku eka yena: “Ananiya, Satana u tatise ku yini mbilu ya wena, leswaku u hembela Moya lowo Kwetsima, ni ku tipambulela mali ya nsimu hitlhelo?

Yohane 15:19

Loko ngi mi ri va misava, ingi misava yi rhandzile swa yona; kambe leswi mi nga riki va misava kambe leswi ndzi mi hlawuleke emisaveni, hikwalaho, misava ya mi venga.

Yohane 14:30

A ndzi nga ha tshami ndzi vulavula na n'wina ngopfu hikuva hosi ya misava leyi, ya ta, kambe a yi na matimba ehenhla ka mina.

Esaya 30:1

“Khombo eka vana lava tiarisaka,” ku vula Yehovha, “lava kanelaka timhaka, kambe ndzi nga ri na vona, va endla xinakulobye, ku nga ri hi ku rhandza ka mina, va ta engeta xidyoho ehenhla ka xidyoho.

Ntirho 1:7

Kutani Yehovha a ku eka Satana: “U huma kwihi?” Satana a hlamula, a ku eka Yehovha: “Ndzi huma emisaveni, a ndzi valanga kona.”

2 Petro 2:14

Mahlo ya vona ma tele vuoswi a ma rhuteri ku dyoha; va rhiya mimoya leyi tsekatsekaka, va ni timbilu leti tlharihelaka makwanga, i vana va ndzhukano.

Yohane 16:11

ku avanyisa ku kona, hikuva hosi ya misava leyi, yi avanyisiwile.

Yohane 13:27

Kuteloko a tekile xiphemu, Satana a nghena eka yena. Kutani Yesu a ku eka yena: “Leswi u swi endlaka, hatlisa u swi endla.”

Yohane 13:2

Kuteloko ka ha laleriwa, hikuva Diyavulosi a a rhangile a nghenisa embilwini ya Yudasi Iskariyota, n'wana Simoni, ku navela ku n'wi xenga.

Yohane 8:23

A ku eka vona: “N'wina, mi va la hansi; mina, ndzi wa le henhla; n'wina, mi va misava leyi; mina, a ndzi wa misava leyi.

Yohane 7:7

Misava yi nga ka yi nga mi vengi, kambe mina ya ndzi venga hikuva ndzi vula vumbhoni leswaku mitirho ya yona yi bihile.

Matewu 13:38

“La byaleke mbewu leyinene, i N'wana wa Munhu; nsimu, i misava; mbewu leyinene, i vana va ku fuma; mfava i vana va lowo biha.

Nhlavutelo 13:8

Kutani hinkwavo lava akeke emisaveni va ta, va ta xi gandzela, lava mavito ya vona ma nga tsariwangiki ebukwini ya vutomi ya Xinyimpfana lexi tlhaviweke, ka hari mpfhuka misava yi tumbuluka.

1 Yohane 3:8

La dyohaka, i wa Diyavulosi, hikuva Diyavulosi u dyohile ka ha ri eku sunguleni. Hikwalaho N'wana wa Xikwembu a humeleleke, leswaku a herisa mitirho ya Diyavulosi.

Yakobo 1:7

Munhu lowo tano a nga tshuki a tshemba leswaku a ta nyikiwa nchumu hi Hosi.

2 Timotiya 4:10

hikuva Demasi u ndzi siyile hi ku rhandza swa nkarhi wa sweswi, kutani u tifambele eTesalonika; Kreskene u yile eGalatiya, na Tito u yile eDalamatiya;

Timhaka 19:35

Kavaloko mutsari wa muti a miyeta vunyingi, a ku: “Vavanuna va Efesa, hi wihi munhu la nga tiviki leswaku muti wa Vaefesa wu hlawuleriwile ku hlayisa Artemi, xikwembu lexikulu, ni xifaniso xa xona lexi weke hi le tilweni?

Luka 22:31

Kutani Hosi yi ku: “Simoni, Simoni, waswivo, Satana a mi komberile, leswaku a mi hlela kukota mavele;

Luka 16:8

Kutani n'wini wa yena a dzunisa mulanguteri lowo biha, hikuva a a endlile hi vutlhari. Hikuva vana va misava leyi, va tlurisa vana va ku vonakala hi vutlhari erixakeni ra vona.

Matewu 11:19

N'wana wa munhu u tile a dya, a nwa, kutani va ku: ‘Vonani mudyi ni munwi, nakulobye wa valuvisi ni vadyohi.’ Kambe vutlhari byi kombisile ku lulama ka byona hi mitirho ya byona.”

Yeremiya 23:10

Hikuva misava yi tele vaoswi; misava ya rila hi mirhukano, vudyelo bya mananga byi tshwile; ku famba ka vona ku bihile, ni mandla ya vona a ma lulamanga.

Esaya 57:4

Mi hleka mani xana? Mi ahlamisela mani nomu? Mi humesela mani tindzimi? Xana a mi vana va vudyohi, rixaka ra ku hemba,

Pisalema 17:14

Hi voko ra wena, Oho Yehovha! U ndzi ponisa eka vanhu va misava leyi, Va ni ku averiwa ka vona evutomini lebyi; U tatile swifuva swa vona hi rifuwo ra wena; Vana va vona va xurhile, Kambe va siyela vatukulu va vona leswi salaka.

Ntirho 31:7

Loko nkondzo wa mina wu hambukile ndlela, Kumbe mbilu ya mina yi landzelele mahlo ya mina, Ni loko xivati xi namarhele emavokweni ya mina,

Nhlavutelo 16:17

Ntsumi ya ntlhanu na timbirhi yi chulula ximbitana xa yona empfhukeni; kutani ku huma etempeleni rito lerikulu leri humaka exiluvelweni, leri nge: “Swi herile!”

Nhlavutelo 13:14

Xi hambukisa lava akeke emisaveni hi masingita lawa xi nga nyikiwa matimba ya ku ma endla emahlweni ka xivandza, xi ri karhi xi byela lava akeke emisaveni leswaku va endlela xivandza lexi ngi xi ri ni mbanga ya tlhari, xi tlhela xi hanya, xifaniso.

Nhlavutelo 12:9

Kutani dragona leyikulu, yi nga nyoka ya khale, leyi vuriwaka Diyavulosi na Satana, leyi xisaka misava hinkwayo, yi cukumetiwa emisaveni ni tintsumi ta yona ti cukumetiwa na yona.

Hosiya 10:9

Hi masiku ya le Gibeya, u dyohile wena Israele! Va tiyisele kona; kasi nyimpi leyi nga humelela vakanganyisi eGibeya, a yi va khomanga!

Ntirho 1:19

moya lowukulu wu huma hi le mananga, wu ba tinhla ta mune ta yindlu, yi wela ehenhla ka vona, yi va dlaya, ku pona mina ntsena ndzi ku byelaka.”

Ntirho 1:16

Kakuloko yeloyi a ha vulavula, ku fika un'wana, a ku: “Ndzilo wa Xikwembu wu wile hi le henhla, wu hisile tinyimpfu ni varisi, va herile; ku lo pona mina ntsena ndzi ku byelaka.”

Matewu 13:22

Loko a ri loyi a byariweke emitweni, i munhu la yingisaka rito, kambe a tikarhatela swilo swa misava, ni ku kanganyisiwa hi xuma; kutani swi tsondziyela rito, ri ko ri nyumba.

Marka 4:19

kambe ku vilela hi swa misava leyi, ni ku xisiwa hi rifuwo, ni ku navela ka swilo swin'wana, ku nghena eka vona ku tsondzela rito, kutani ri nyumba.

Vaefesa 1:21

ehenhla ka vukulukumba hinkwabyo, ni ku fuma hinkwako, ni matimba hinkwawo, ni vuhosi hinkwabyo, ni le henhla ka mavito hinkwawo lama nga vuriwaka, ku nga ri emikarhini leyi ntsena, kambe ku ri ka leyi nga ta ta;

Vaefesa 2:11

Hikwalaho, anakanyani leswaku n'wina valavo khale ingi mi ri vahedeni hi ku velekiwa, a mi vuriwa makhuna hi lava vuriwaka mankwehe, hikwalaho ka ngoma leyi endliwaka enyameni hi mavoko,

Vaefesa 2:13

Kambe sweswi, eka Yesu Kriste, n'wina valavo ingi mi ri ekule khale, mi tshinetiwile hi ngati ya Kriste,

Vaefesa 4:17

Lexi ndzi xi vulaka, ni lexi ndzi xi tiyisaka eHosini, hileswaku mi nga tshuki ma ha famba kukotisa vahedeni lava fambaka hi miehleketo ya hava ya vona,

Vaefesa 5:8

Hikuva khale a mi ri vamunyama kambe sweswi, mi va ku vonakala eHosini;

Yakobo 1:27

Vukhongeri lebyi tengeke, lebyi nga riki na xisandzu emahlweni ka Xikwembu, Tata wa hina, hi loko munhu a kamba swisiwana ni vavasati va tinoni emahlomulweni ya vona a va a tihlayisa, a nga ri na xivati xa misava.

Levhitika 11:16

yimbhu, ni nkhuhunu, ni nánána, ni tinxaka hinkwato ta tinkamane,