Vaefesa 2:16 - Xitsonga (Bibele)

¹⁶ kutani u vuyisile swin'we eka Xikwembu, hinkwavo havambirhi, ku va endla miri wun'we hi xihambano xa yena, loko a dlayile ku vengana ha xona.

BIBELE Mahungu Lamanene

¹⁶ Hi ku fa ka yena exihambanweni, Kriste ú herisile rivengo, kutani, hi xihambano, ú hlanganisile tinxaka leti timbirhi ti va vanhu van'we, a va vuyisa eka Xikwembu.

Testamente Leyimpsha Xichangana

¹⁶ Hi kufa ka yena xihambanwini, Kriste ahelisile rivengo, kutani, hi xihambanu, ahlanganisile tinxaka leti timbirhi tiva vanhu van'we, avavuyisa ka Xikwembu.

Vaefesa 2:16 Referans Kwoze

Varhoma 5:10

Hikuva loko ha ha ri valala, hi hlanganisiwile ni Xikwembu hi ku fa ka N'wana wa xona, ngopfungopfu leswi hi hlanganisiweke, hi ta hanyisiwa hi ku hanya ka yena.

Vakolosa 2:14

U hlangurile papila ra nandzu ra milawu leyi hi tengisaka, kutani a ri susa hi ku ri bela exihambanweni;

Vaefesa 2:15

hikuva u herisile enyameni ya yena nawu wa ku lerisa lowo yimeke hi mikhuva leswaku vambirhi a va hundzulela eka yena, munhu un'we lontshwa, hi ku phahlelana mariyeta,

Vagalatiya 2:20

Ndzi vambiwile na Kriste, kutani ndzi hanya, ndzi nga ri mina, kambe i Kriste la hanyaka eka mina, kutani sweswi, loko ndza ha hanya enyameni, ndzi hanya eku pfumeleni ka N'wana wa Xikwembu, la ndzi rhandzeke, a vuya a tinyiketela mina.

Varhoma 8:3

Hikuva leswi ngi swi tsandza nawu hikwalaho ka nyama, Xikwembu xi swi endlile, xi avanyisile vudyoho enyameni, loko xi rhumile N'wana wa xona enyameni leyi fanaka ni ya vadyohi, hikwalaho ka vudyoho;

Varhoma 8:7

hikuva ku rhandza ka nyama, i vulala eka Xikwembu, hikuva a yi tiveki hansi ka nawu wa Xikwembu; ni ku tsandzeka, ya tsandzeka.

Varhoma 6:6

hi ri karhi hi swi tiva leswaku munhu wa hina wa khale u vambiwile swin'we na yena leswaku miri wa vudyoho wu herisiwa, leswaku hi nga ha ti tlhela hi va makhumbi ya vudyoho.

1 Vakorinto 10:17

Hina hi nga lavo tala, hi miri wun'we, hikuva, na xona xinkwa, i xin'we ntsena; hikuva hinkwerhu hi dya xinkwa lexi xi ri xin'we.

Vaefesa 3:6

xi nga leswaku vahedeni i vadyandzhaka swin'we ni Vaisraele va miri wu ri wun'we va ni ku averiwa kun'we eku tshembiseni ka Yesu Kriste eEvhangelini,

Vaefesa 4:4

Ku ni miri wun'we ni Moya wun'we, kukotisa leswi mi vitaneriweke xitshembo xin'we eku vitiweni ka n'wina;

Vakolosa 3:15

Kutani ku rhula ka Kriste loku mi vitaneriweke kona ku endla miri wun'we, a ku fume etimbilwini ta n'wina; kambe mi va ni ku khensa.