Vaefesa 2:12 - Xitsonga (Bibele)

¹² emikarhini yeleyo a mi ri ehandle ka Kriste, a mi hambene ni tiko ra Israele, a mi nga ri na ku averiwa emitwananweni yo tshembisa, a mi nga ri na ku tshemba, a mi nga ri na Xikwembu emisaveni.

BIBELE Mahungu Lamanene

¹² Eminkarhini yoleyo, a mi hambene na Kriste, a mi nga vuriwi nchumu exikarhi ka Vaisraele, a mi nga ri na ku averiwa emintwananweni ya xitshembiso. A mi hanya emisaveni leyi mi nga ri na ku tshemba, naswona mi nga ri na Xikwembu.

Testamente Leyimpsha Xichangana

¹² Minkameni yoleyo, amihambene na Kriste, amingahlayiwi nchumu xikarhi ka Vaisrayele, amingali na kuyaveliwa ka mintwananu ya xitshembiso. Amihanya misaveni leyi na mingali na kulangutela, nasvona mingali na Xikwembu.

Vaefesa 2:12 Referans Kwoze

Vagalatiya 4:8

Kambe khale; loko mi nga si tiva Xikwembu, a mi tirhela swikwembu leswi nga riki swona hi xiviri.

Vakolosa 1:21

Na n'wina, a mi ri ekule khale, a mi ri valala hi miehleketo ya n'wina ni mitirho leyo biha ya n'wina;

1 Petro 1:3

A ku khensiwe Xikwembu Tata wa Hosi ya hina Yesu Kriste, la nga hi tswala ra vumbirhi hi tintswalo ta yena letikulukumba, leswaku hi va ni ku tshemba loku hanyaka hi ku pfuka ka Yesu Kriste exikarhi ka vafi,

1 Vatesalonika 4:13

Kambe a ndzi rhandzi, vamakwerhu leswaku mi nga tivi timhaka ta lava tietleleleke, mi nga ti vaviseka kukota van'wana lava nga riki na ku tshemba.

Vaefesa 4:18

volavo va nga nyamisiwa emiehleketweni ya vona, kutani va le kule ni vutomi bya Xikwembu hi ku ka va nga tivi nchumu hikwalaho ka ku nonon'hwa ka timbilu ta vona.

Ezekiele 37:26

“Kutani ndzi ta boha na vona ntwanano wa ku rhula; ntwanano lowu nga heriki wu ta va na vona; ndzi ta va veka kona, ndzi va andzisa; ndzi ta veka vukwetsimelo bya mina exikarhi ka vona hilaha ku nga heriki.

1 Vatesalonika 4:5

ku nga ri ku navela swa thyaka kukota vahedeni lava nga tiviki Xikwembu.

Yohane 15:5

Hi mina nsinya wa vhinya; n'wina mi marhavi. La tshamaka eka mina, na mina loko ndzi tshama eka yena, u veka ngopfu; hikuva ehandle ka mina a mi swi koti ku tirha nchumu.

Vaheveru 6:18

leswaku hi timhaka timbirhi leti tiyeke leti Xikwembu xi nga kalaka ku hemba ha tona, hi kuma ku chaveleriwa loku tiyaka, hina hi chaveleke hi ku khoma leswi hi swi tshembaka, leswi vekeriweke emahlweni ka hina,

Varhoma 9:8

Hi leswaku lava nga vana hi nyama, a hi vona lava nga vana va Xikwembu, kambe vana va ku tshembisiwa, hi vona lava vuriwaka vana.

2 TIKRONIKA 15:3

Enkarhini lowo leha, Israele u pfumarile Xikwembu lexi nga xona, ni muprista la dyondzisaka, ni nawu;

1 Petro 3:15

kambe mi hlawula Hosi, a nga Kriste, etimbilwini ta n'wina, mi tilunghisa hi masiku ku tihlamulela hi musa ni xichavo eka hinkwavo lava mi vutisaka ku tshemba ka n'wina;

Timhaka 28:20

Hikwalaho ndzi mi viteke ku ta mi vona ni ku vulavula na n'wina, hikuva ndzi bohiwile hi mpecana leyi, hikwalaho ka ku tshemba ka Israele.”

Timhaka 3:25

Hi n'wina vana va vaprofeta ni va ntwanano lowu Xikwembu xi nga wu endla ni vatata wa hina, loko xi ku eka Abrahama: Tinxaka hinkwato ta misava ti ta katekisiwa hi vatukulu va wena.

Yeremiya 17:13

Wena Yehovha, ku tshemba ka Israele! Lava ku tshikaka hinkwavo va ta khomisiwa tingana. Lava ndzi tshikaka va ta tswariwa emisaveni, hikuva va tshikile xihlovo xa mati lama hanyisaka, a nga Yehovha.

Genesa 15:18

Hi siku rolero, Yehovha a tiyisa ntwanano na Abrama, a ku: “Ndzi nyikile tiko leri eka vatukulu va wena, ku suka enambyeni wa Egipta, ku fikela enambyeni lowukulu, wu nga nambu wa Yufrata,

1 Yohane 3:3

Kutani un'wana ni un'wana la nga ni ku tshemba kuloku ka yena, wa titengisa kukota yena a tengeke.

1 Petro 1:21

lava pfumeleke ha yena eka Xikwembu, lexi n'wi pfuxeke eku feni, xi va xi n'wi nyika ku kwetsima, leswaku ku pfumela ka n'wina ni ku tshemba ka n'wina ku va ka Xikwembu.

Vaheveru 11:34

va timile matimba ya ndzilo, va ponisiwile eku kariheni ka fumu, va hanyisiwile emavabyini ya vona, va endliwile tinhenha enyimpini, va hangalasile mavandla ya valala.

1 Timotiya 1:1

Pawulo muapostola wa Yesu Kriste, hi ku lerisa ka Xikwembu, Mulondzovoti wa hina, ni ka Hosi Yesu Kriste loyi a nga ku langutela ka hina; Eka Timotiya, n'wananga wa xiviri, eku pfumeleni;

2 Vatesalonika 2:16

Kutani Hosi ya hina Yesu Kriste yena hi xiviri, ni Xikwembu, Tata wa hina, la hi rhandzeke, la hi nyikeke hi tintswalo ta yena ku chavelela loku nga heriki, ni ku tshemba lokunene,

Vakolosa 1:27

valavo Xikwembu xi rhandzeke ku va tivisa rifuwo ra ku kwetsima ka xihundla xolexo exikarhi ka vamatiko; xi nga leswaku Kriste u le ka n'wina, yena ku nga ku tshemba ka ku kwetsima.

Vakolosa 1:5

hikwalaho ka ku tshemba loku mi vekeriweke kona ematilweni, loku mi rhangeke mi ku yingisa hi rito ra ntiyiso ra Evhangeli,

Yohane 10:16

Ndza ha ri ni tinyimpfu tin'wana leti nga riki ta tshanga leri; na tona ndzi fanele ku ti tisa, ti ta yingisa rito ra mina; kutani ntlhambi wu ta va wun'we, ni murisi a va un'we.

Yohane 4:22

N'wina mi gandzela lexi mi nga xi tiviki; hina hi gandzela lexi hi xi tivaka; hikuva ku hlayiseka ku huma eka Vayuda.

Luka 1:72

leswaku a hi tsetselela swin'we ni vatata wa hina, ni ku anakanya ntwanano wa yena lowo kwetsima,

Hosiya 3:4

Hikuva hi masiku lamanyingi, vana va Israele va ta tshama va nga ri na hosi ni tihosana, va nga ri na magandzelo ni xifaniso, va nga ri na efodi na “titerafi”.

Ezekiele 13:9

Voko ra mina ri ta va eka vaprofeta lava lorhaka swahava, lava profetaka mavunwa; va nga ka va nga tshamisi ehubyeni ya tiko ra mina; va nga ka va nga tsariwi ebukwini ya yindlu ya Israele va nga ka va nga ngheni etikweni ra Israele, hi kona mi nga ta tiva leswaku hi mina Hosi Yehovha.

Yeremiya 14:8

Wena tshembo ra Israele, muhanyisi wa yena hi siku ra khombo, xana u ta fana ni wamatiko etikweni, kumbe kukotisa muendzi la hambukaka ku xwa vusiku byin'we ntsena xana?

Esaya 45:20

Hlengeletanani, tanani, tshinelani swin'we, n'wina lava seleke exikarhi ka vamatiko! Va pfumala ku twisisa lava rhwalaka xifaniso xa vona xa ntsandze, lava khongelaka xikwembu lexi nga kotiki ku ponisa.

Esaya 44:6

“Ku vula sweswo Yehovha, Hosi ya Israele, ni mukutsuri wa yena, Yehovha wa tinyimpi: Hi mina lowo rhanga ni lowa makumu, ehandle ka mina a ku na xikwembu.

Ezra 4:3

Kambe Zerubabele na Yexuwa, ni tihosana tin'wana ta vatatana va Israele va ku eka vona: “Mi nga ka mi nga akeli Yehovha, Xikwembu xa hina yindlu swin'we na hina; hi ta akelela Yehovha, Xikwembu xa Israele, hi ri sweru, hilaha hi lerisiweke hakona hi hosi Korexe, hosi ya Peresi.”

Tinhlayo 18:19

Hinkwaswo leswi pamburiwaka eka swilo leswi hlawuriweke, leswi vana va Israele va swi pambulelaka Yehovha, ndzi ku nyikile swona wena ni vana va wena hi ku lerisa loku nga heriki. I ntwanano lowu tiyeke, lowu nga heriki emahlweni ka Yehovha, wu ri wa wena ni wa vatukulu va wena.”

Esaya 61:5

Vamatiko va ta va kona, va ta risa mitlhambi ya n'wina, vana va vamatiko, va ta va varimeri va n'wina, ni vahlayisi va tivhinya ta n'wina.

Esaya 14:1

Hikuva Yehovha u ta tsetselela Yakobo u ta tihlawulela Israele; u ta tlhela a va akisa etikweni ra vona, kutani vamatiko va ta hlangana na vona, va namarhela yindlu ya Yakobo.

Ezekiele 47:22

Mi ta avelana tiko hi vuhlolotwana exikarhi ka n'wina ni vamatiko lava akeke exikarhi ka n'wina, va nga vamatiko lava velekeke vana exikarhi ka n'wina. Eka n'wina va ta kotisa va khale ka vana va Israele va ta averiwa ndzhaka ya vona exikarhi ka tinyimba ta Israele swin'we na n'wina.

Timhaka 2:39

Hikuva ku tshembisa loku, ku hlayeriwe n'wina ni vana va n'wina, ni hinkwavo lava nga ekule, lava va ha taka vitiwa hi Hosi, Xikwembu xa hina.”

Vaefesa 2:19

Kutani sweswi, a ma ha ri vaendzi kumbe vatsendzeleki, kambe mi va muti wun'we ni vakwetsimi; mi va yindlu ya Xikwembu,

Vaheveru 8:6

Kambe sweswi, Kriste u kumile ntirho lowu tlulaka yin'wana swonghasi, leswaku a va mulamuri wa ntwanano lowu sasekeke hi ku tluriswa lowu tiyisiweke hi ku tshembisa loku tlurisaka hi ku saseka.

Eksoda 12:45

Muluveri ni la tirhelaka mali va nga ka va nga yi dyi.