Vaefesa 1:5 - Xitsonga (Bibele)

⁵ hikuva hi rirhandzu ra xona xi hi hlawurile khale ku hi endla vana va xona ha Yesu Kriste hi ku tirhandzela ka vunene bya xona,

BIBELE Mahungu Lamanene

⁵ Hikwalaho ka rirhandzu ra xona, xi lulamisile khale leswaku, ha Yesu Kriste, xi ta hi tshineta kusuhi na xona, xi hi endla vana va xona. Leswi, a ku ri ku rhandza ka xona ni makungu ya xona,

Testamente Leyimpsha Xichangana

⁵ Hikolaho ka rirhandzu ra xona, xilulamisile khale lesvaku, ha Yesu Kriste, xitahitshineta kusuhi na xona, xihiyendla vana va xona. Lesvi, akuli kurhandza ka xona ni makungu ya xona,

Vaefesa 1:5 Referans Kwoze

Vaefesa 1:11

Kambe eka Kriste hi nyikiwile ndzhaka, hilaha hi nga hlawuriwa hakona khale hi makungu ya loyi a tirhaka swilo hinkwaswo hi ku hisekela ka rirhandzu ra yena,

1 Yohane 3:1

Vonani rirhandzu leronghasi leri Tatana a hi rhandzeke ha rona, loko hi vuriwa vana va Xikwembu! Loko misava yi nga hi tivi, hi leswi yi nga n'wi tivangiki.

Yohane 1:12

Kambe hinkwavo lava nga ri amukela, ri va nyikile matimba ya ku endliwa vana va Xikwembu, va nga lava pfumelaka hi vito ra rona;

Varhoma 8:23

Kambe a hi swona ntsena, kambe hina hi nga ni swirhangana swa Moya, na hina hi hefemuteka endzeni ka hina, hi langutela ku vekiwa vana, ku nga ku kutsuriwa ka miri wa hina.

Vagalatiya 3:26

hikuva hinkwenu mi vana va Xikwembu hi ku pfumela eka Yesu Kriste.

2 Vakorinto 6:18

Ndzi ta va tata wa n'wina, mi va vana va mina va xinuna ni va xisati, ku vurisa sweswo Hosi ya matimba hinkwawo.

Nhlavutelo 21:7

Loyi a nga ta hlula, u ta dya ndzhaka ya swoleswo; ndzi ta va Xikwembu xa yena, yena a va n'wananga.

Hosiya 1:10

“Kambe vunyingi bya vana va Israele byi ta kotisa sava ra lwandle leri nga ringanisiwiki, ni loko ku ri ku hlayiwa; kutaku exivandleni lexo va nga byeriwa ka xona, leswaku ‘a mi vana va mina’, hi kona ku nga vuriwa leswaku: ‘Mi vana va Xikwembu lexi hanyaka.’

Vaefesa 1:9

xi hi tivisile xihundla xa ku rhandza ka xona, hi ku tirhandzela ka xona, hilaha xi nga tikanelela hakona,

Yohane 11:52

ku nga ri ku fela tiko ntsena, kambe hileswaku, a hlengeleta swin'we vana va Xikwembu lava hangalakeke.

Yeremiya 3:19

Mina a ndzi ku: Ndzi nga ku vekisa ku yini exikarhi ka vana va mina? Kambe ndzi nga ku nyikisa ku yini tiko leri rhandzekaka, rifuwo lero saseka ra tinyimpi ta matiko xana? Kambe a ndzi ku: Mi ta ndzi vula “tatana,” mi nga ka mi nga ha ndzi tshiki.

2 Vatesalonika 1:11

Hikwalaho ha mi khongelela hi mikarhi, leswaku Xikwembu xa hina xi mi veka lava lulamelaka rivitano ra xona, xi hetisa makungu ya xona lamanene, ni mitirho hinkwayo ya ku pfumela;

Luka 10:21

Enkarhini wolowo, Yesu a tshukatshuka hi ku tsaka emoyeni wa yena a ku: “Ndza ku dzunisa Tatana, Hosi ya le tilweni ni ya misava, hikuva timhaka leti, u ti fihlele lavo tlhariha ni va mano, kambe u ti pfuletele lavatsongo. Ina, Tatana, swi tano, hikuva u swi rhandzise sweswo.

1 Vakorinto 1:21

Hikuva leswi vutlharini bya Xikwembu, misava yi nga ka yi nga tivanga Xikwembu evutlharini bya yona, Xikwembu xi tirhandzele ku hanyisa vapfumeri hi vuhunguki bya ku dyondzisa Evhangeli.

Yohane 20:17

Yesu a ku eka yena: “U nga ndzi khumbi, hikuva a ndzi si tlhandlukela eka Tatana; kambe yana eka vamakwerhu u ya va byela u ku, ndzi tlhandlukela eka Tatana a nga Tata wa n'wina, ni ka Xikwembu xa mina xi nga Xikwembu xa n'wina”.

Daniele 4:35

Vaaki hinkwavo va misava va kotisa swahava emahlweni ka yena; a endla hi mavandla ya matilo ni vaaki va laha emisaveni hilaha a rhandzaka hakona; kutani a ku na un'wana la nga n'wi sivelaka, a ku eka yena: “U endla yini?”

Matewu 11:26

Ina, Tatana, hi sweswo hikuva hilaha u tirhandzeleke hakona.

Luka 11:32

Vanhu va Ninivha va ta yima eku avanyiseni ni rixaka leri, va ta ri avanyisa, hikuva va hundzukile loko va khongoteriwa hi Yonasi, kutani maswivo, u kona kwala la tlulaka Yonasi.

Vafilipiya 2:13

hikuva Xikwembu, hi xona lexi tirhaka eka n'wina ku rhandza ni ku endla hi ku tirhandzela ka xona.

1 Vakorinto 1:1

Pawulo, la vitaniweke muapostola wa Yesu Kriste, hi ku rhandza ka Xikwembu, na Sostena, makwerhu,

Matewu 1:25

Kambe a nga n'wi tivanga loko a nga si veleka n'wana wa wandzisanyana wa mativula, kutani a n'wi thya vito ra Yesu.

Yeremiya 3:4

Ni sweswi, wa ha vitana eka mina, u ku: ‘Tatana, u nakulorhi wa vuntshwa bya mina!

Luka 12:32

“U nga chavi, wee ntlhambinyana, hikuva swi tsakisile Tata wa n'wina ku mi nyika vuhosi.

Timhaka 13:48

Kutani vamatiko, loko va twa sweswo, va tsaka, va dzunisa rito ra Hosi; kutani hinkwavo lava hlawuleriweke vutomi lebyi nga heriki, va pfumela.

Vakolosa 1:19

Hikuva swi tsakisile Xikwembu leswaku ku tala hinkwako ku tshama eka yena;

Vaheveru 2:4

Xikwembu xi ri karhi xi tiyisa vumbhoni bya vona hi swikombiso leswa masingita, ni mitirho leyo tala ya matimba; xi ri karhi xi va avela Moya lowo Kwetsima, hilaha xi swi rhandzaka hakona.