Vaefesa 1:20 - Xitsonga (Bibele)

²⁰ lawa xi tirheke ha wona eka Kriste, loko xi n'wi pfuxa eku feni, xi vuya xi n'wi tshamisisa evokweni ra xinene ra xona ematilweni,

BIBELE Mahungu Lamanene

²⁰ ma ha ri wona lawa xi ma tirhiseke hi ntamu, loko xi pfuxile Kriste eku feni, xi engeta xi n'wi veka evokweni ra xona ra xinene ehenhla matilweni.

Testamente Leyimpsha Xichangana

²⁰ mahali wona lawa ximatirhiseke ngopfu, loko xipfuxile Kriste kufeni, xiva ximuveka vokweni ra xona ra xinene henhla matilweni.

Vaefesa 1:20 Referans Kwoze

Vaheveru 10:12

kambe yena, kuteloko a humesile mhamba yi ri yin'we hikwalaho ka vudyoho, u titshamele evokweni ra xinene ra Xikwembu hilaha ku nga heriki,

Marka 16:19

Hosi, kuteloko yi vulavurile na vona, yi tekeriwa etilweni, kutani yi ya tshamisa evokweni ra xinene ra Xikwembu.

Pisalema 110:1

Yehovha u te eka hosi ya mina: “Tshamisa evokweni ra mina ra xinene, Ndzi ko ndzi endla lava nga valala eka wena Vunavelo bya mikondzo ya wena.”

Vaheveru 1:3

yena yeloyi a nga ku vonakala ka ku kwetsima ka xona, ni xivumbeko xa xiviri xa xona, la tamelaka swilo hinkwaswo hi rito ra yena ra matimba kuteloko a hlantswile swidyoho swa hina hi xiviri xa yena, u tshamile evokweni ra xinene ra vukulukumba bya le henhla,

Matewu 28:18

Kutani Yesu a va tshinelela a vulavula na vona, a ku: “Ndzi nyikiwile vuhosi hinkwabyo etilweni ni le misaveni;

Vakolosa 3:1

Sweswi, loko mi pfukile na Kriste, lavani leswi nga ehenhla, laha Kriste a tshameke kona evokweni ra xinene ra Xikwembu.

Vafilipiya 3:10

ndzi ta tiva Yesu Kriste, ni matimba ya ku pfuka ka yena, ni ku hlangana na yena emaxangwini ya yena, ndzi ta fana na yena eku feni ka yena,

Varhoma 8:34

Kriste, loyi a feke, a engeta a pfuka, hi yena la nga evokweni ra xinene ra Xikwembu; hi yena kambe la hi khongelelaka.

Timhaka 5:31

Hi yena loyi Xikwembu xi nga n'wi tlakusela evokweni ra xona ra xinene leswaku a va yena Hosi ni Muponisi, a ta nyika Israele ku hundzuka ni ku khomeriwa ka swidyoho.

Marka 14:62

Yesu a ku: “Hi mina; kambe mi ta vona N'wana wa Munhu a tshamile evokweni ra xinene ra matimba ra Xikwembu, a ta hi mapapa ya le tilweni.”

Matewu 26:64

Yesu a ku eka yena: “U vula swona; kambe ndzi ri eka n'wina: Ku sungula sweswi, mi ta vona N'wana wa Munhu a tshamisile evokweni ra xinene ra matimba ya Xikwembu, a ta hi mapapa ya le tilweni.”

Nhlavutelo 1:17

Kuteloko ndzi n'wi vonile, ndzi wela emilengeni ya yena wongi hi loko ndzi file, kutani a veka voko ra yena ra xinene ehenhla ka mina, a ku: “U nga chavi, ndzi Lowo rhanga ni Lowa makumu,

1 Petro 1:3

A ku khensiwe Xikwembu Tata wa Hosi ya hina Yesu Kriste, la nga hi tswala ra vumbirhi hi tintswalo ta yena letikulukumba, leswaku hi va ni ku tshemba loku hanyaka hi ku pfuka ka Yesu Kriste exikarhi ka vafi,

Vaheveru 13:20

Xikwembu xa ku rhula lexi vuyiseke exikarhi ka vafi, Hosi ya hina Yesu, murisi lonkulu wa tinyimpfu, hi ngati ya ntwanano lowu nga heriki;

Vaheveru 2:9

Kambe Yesu loyi ingi a vekiwile ehansinyana ka tintsumi hi nkarhi wu nga ri wungani, ha n'wi vona a rhwexiwile ku kwetsima ni xichavo hikwalaho ka rifu leri a ri tweke, leswaku hi tintswalo ta Xikwembu, a twa rifu hikwalaho ka munhu un'wana ni un'wana.

Vaefesa 1:3

A ku khensiwe Xikwembu, Tata wa Hosi ya hina, Yesu Kriste, lexi nga hi katekisa hi ku kateka hinkwako ka Moya eka Kriste, ematilweni ya le henhla,

Varhoma 1:4

kambe a kombisiwa hi matimba, hi ku pfuka ka yena eku feni, leswaku i n'wana wa xona hitlhelo ra Moya lowo Kwetsima;

Timhaka 26:8

Hikwalaho ka yini eka n'wina wo nge a swi endleki leswaku Xikwembu xi nga pfuxa vafi xana?

Timhaka 10:40

Kambe Xikwembu xi n'wi pfuxile eku feni esikwini ra vunharhu, kutani xi n'wi humesile erivaleni,

Timhaka 4:10

tivani n'wina hinkwenu, ni hinkwavo va tiko ra Israele, leswaku munhu loyi a yimeke emahlweni ka n'wina, u hanyisiwile hi vito ra Yesu Kriste wa Nazareta la vambiweke hi n'wina, kambe Xikwembu xi n'wi pfuxile eku feni.

Yohane 10:30

Mina na Tatana hi endla un'we.”

Yohane 10:18

A ku na munhu la ndzi tekelaka byona, hi mina ndzi byi nyikaka hi ku rhandza ka mina; ndzi ni matimba ya ku byi nyika ni matimba ya ku tlhela ndzi byi teka; ndzi lerisiwile sweswo hi Tatana.”

Daniele 7:14

Kutani a nyikiwa ku fuma, ni ku kwetsima, ni vuhosi leswaku va tinxaka hinkwato, ni va matiko hinkwawo, ni va tindzimi hinkwato va ta n'wi tirhela. Ku fuma ka yena i ku fuma loku nga heriki, loku nga ka ku nga hundzi, kutani vuhosi bya yena byi nga ka byi nga herisiwi.

Vakolosa 1:16

Hikuva swilo hinkwaswo swi tumbuluxiwile ha yena, le matilweni ni la emisaveni, leswi voniwaka ni leswi nga voniwiki, ni xiluvelo, ni vuhosi, ni tindhuna, ni vafumi. Hinkwaswo swi tumbuluxiwe hi yena, kambe swi endleriwe yena.