Vaefesa 1:18 - Xitsonga (Bibele)

¹⁸ a xi voninge mahlo ya timbilu ta n'wina, mi ta tiva ku tshemba loku nga kona eku vitaniweni ka n'wina ha xona, ni rifuwo ra ku kwetsima ka ndzhaka ya xona, leri nga lunghiseriwa vakwetsimi,

BIBELE Mahungu Lamanene

¹⁸ Ndzi kombela leswaku miehleketo ya n'wina yi pfuleka, mi ta tiva leswaku ku tshemba loku xi mi vitanelaka kona hi loku ko yini, ni leswaku ku tala ka ndzhaka ya xona leyo saseka ngopfu leyi tshembisiwaka vahlawuriwa va xona, hi loku ko yini,

Testamente Leyimpsha Xichangana

¹⁸ na mahlo ya timbilu ta n'wina mavoningiwile, mitativa lesvaku kulangutela loku ximivitanelaka kona hi loku koyini, ni lesvaku kutala ka ndzhaka ya xona leyosaseka ngopfu leyitshembisiwaka vahlawuliwa va xona, hi leyoyini,

Vaefesa 1:18 Referans Kwoze

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

2 Vakorinto 4:6

Hikuva Xikwembu lexi nga ku: “Ku vonakala a ku humelele emunyameni,” hi xona lexi tsuvukiseke etimbilwini ta hina ku vonakala, ni ku tiva ka ku kwetsima ka Xikwembu, emahlweni ka Kriste.

Luka 24:45

Kavaloko a pfula ku twisisa ka vona, leswaku va twisisa Matsalwa.

Vaefesa 1:7

ha yena hi ni ku kutsuriwa hi ngati ya yena, ku nga ku rivaleriwa ka ku dyoha ka hina hi rifuwo ra tintswalo ta xona,

Vaefesa 5:8

Hikuva khale a mi ri vamunyama kambe sweswi, mi va ku vonakala eHosini;

Vaefesa 3:16

ndzi kombela leswaku a mi nyika hi rifuwo ra ku kwetsima ka yena, ku tiyisiwa hi matimba emunhwini la nga xikarhi, hi Moya wa yena,

Vaefesa 4:4

Ku ni miri wun'we ni Moya wun'we, kukotisa leswi mi vitaneriweke xitshembo xin'we eku vitiweni ka n'wina;

Pisalema 119:18

Hanyanyisa mahlo ya mina, Ndzi ta vona mahlori enawini wa wena!

Tito 3:7

leswaku, leswi hi nga hlayiwa lava lulameke hi tintswalo ta xona, hi ta va ni ku tshemba ku endliwa vadyandzhaka va vutomi lebyi nga heriki.

Esaya 42:7

ku pfula mahlo ya lavo fa mahlo, ni ku humesa ekhotsweni lava khomiweke, ni le tronkweni lava tshamaka emunyameni.

2 Vatesalonika 1:11

Hikwalaho ha mi khongelela hi mikarhi, leswaku Xikwembu xa hina xi mi veka lava lulamelaka rivitano ra xona, xi hetisa makungu ya xona lamanene, ni mitirho hinkwayo ya ku pfumela;

Vaefesa 4:1

Hikwalaho-ke, mina ndzi nga mubohiwa eHosini ndza mi khongotela, ndzi ri: Fambani hi mukhuva lowu fanelaka ku vitiwa loku mi vitiweke hakona,

Esaya 6:10

Nonon'hwisa timbilu ta tiko leri, u siva tindleve ta rona u dlaya mahlo ya rona, leswaku ri nga voni hi mahlo, ri nga twi hi tindleve, kutani ri nga hundzuki, leswaku ri nga horisiwi.”

1 Timotiya 6:12

Lwana nyimpi leyinene ya ku pfumela, khoma vutomi lebyi nga heriki, lebyi u byi vitaneriweke, hilaha u nga tivula hakona hi ku tivula lokunene emahlweni ka timbhoni leto tala.

Esaya 29:10

Hikuva Yehovha u mi nyike moya wa vurhongo, u pfarile mahlo ya n'wina, hileswaku vaprofeta; u funengete tinhloko ta n'wina hi ritsandze, hileswaku vavoni.

1 Petro 5:10

Kambe Xikwembu xa tintswalo hinkwato, lexi hi vitaneleke eku kwetsimeni ka xona loku nga heriki ha Yesu Kriste, kutakuloko mi twile ku vaviseka hi mikarhinyana, xi ta mi endla lava hetisekeke, xi mi tiyisa, xi mi nyika matimba, mi nga tsekatseki;

Vaefesa 1:11

Kambe eka Kriste hi nyikiwile ndzhaka, hilaha hi nga hlawuriwa hakona khale hi makungu ya loyi a tirhaka swilo hinkwaswo hi ku hisekela ka rirhandzu ra yena,

Vaheveru 10:32

Kambe anakanyani mikarhi leyo sungula, leyi kungakuloko mi voningiwile, mi nga tiyela ku lwa lokukulu ka ku vaviseka:

1 Vatesalonika 2:12

ha mi khongotela leswaku mi famba hi mukhuva lowu dzunisaka Xikwembu lexi mi vitaneleke eku fumeni ka xona, ni le ku vonakaleni ka xona.

2 Vakorinto 4:4

va nga valavo xikwembu xa misava leyi xi va dlayeke mahlo ya ku anakanya, hileswaku va nga pfumeri, va nga ti tshuka va tsuvukeriwa hi ku vonakala ka Evhangeli leyi kwetsimaka ya Kriste, xi nga xifaniso xa Xikwembu.

Esaya 32:3

Mahlo ya lava vonaka ma nga ha siveriwi, ni tindleve ta lava yingisaka ti ta yingisela.

Tito 2:13

hi ri karhi hi langutela ku tshemba loku nga ni ku kateka, ni ku humelela ka ku vonakala ka Xikwembu lexikulu, ni Mukutsuri wa hina, Yesu Kriste,

2 Vatesalonika 2:16

Kutani Hosi ya hina Yesu Kriste yena hi xiviri, ni Xikwembu, Tata wa hina, la hi rhandzeke, la hi nyikeke hi tintswalo ta yena ku chavelela loku nga heriki, ni ku tshemba lokunene,

1 Vatesalonika 5:8

Kambe hina hi nga va nhlekanhi, a hi tihlayiseni, kutani hi ambala xisirhelelo xa xifuva, ku nga ku pfumela ni rirhandzu, hi havaxela ni xihuku xa ku tshemba ku hlayiseka.

Vaefesa 3:8

mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamatiko ku fuwa loku nga ringanisiwiki eka Kriste,

Matewu 13:15

Hikuva timbilu ta tiko leri ti nonile, ni tindleve ta vona va ti nonon'hwisile, ni mahlo ya vona va ma pfarile, leswaku va nga tshuki va vona hi mahlo, ni ku yingisa hi tindleve, ni ku twisisa hi timbilu, ni ku hundzuka leswaku ndzi nga ti tshuka ndzi va hanyisa.’

1 Petro 3:9

Mi nga tlheriseli swo biha hi swo biha hambi ku ri ku rhukana hi ku rhukana, kambe mi katekisa, hikuva mi vitaneriwe swona, leswaku mi ta dya ndzhaka ya ku kateka.

Vaheveru 6:4

Hikuva swi nga ka swi nga endleki leswaku lava nga voningiwa kan'we, lava nantsweke ku ha ka le tilweni, lava averiweke Moya lowo Kwetsima,

Vakolosa 3:15

Kutani ku rhula ka Kriste loku mi vitaneriweke kona ku endla miri wun'we, a ku fume etimbilwini ta n'wina; kambe mi va ni ku khensa.

Vakolosa 1:23

loko kunene mi tiya emasungulweni ya ku pfumela, mi nga tsekatseki, mi nga cukumeti ku tshemba ka Evhangeli leyi mi yi tweke, yi nga yona leyi nga vuriwa eka swivumbiwa hinkwaswo swa le hansi ka tilo, yoleyo mina Pawulo ndzi endliweke nandza wa yona.

Vakolosa 1:5

hikwalaho ka ku tshemba loku mi vekeriweke kona ematilweni, loku mi rhangeke mi ku yingisa hi rito ra ntiyiso ra Evhangeli,

Vaefesa 2:12

emikarhini yeleyo a mi ri ehandle ka Kriste, a mi hambene ni tiko ra Israele, a mi nga ri na ku averiwa emitwananweni yo tshembisa, a mi nga ri na ku tshemba, a mi nga ri na Xikwembu emisaveni.

Vagalatiya 5:5

Kambe hina hi langutela hi Moya ku tshemba ka ku lulama loku humaka eku pfumeleni.

Esaya 29:18

Hi siku lero lava feke tindleve va ta yingisa timhaka ta Buku; kutani mahlo lama feke ma ta boxa vusiku ni munyama wa byona.

1 Petro 1:3

A ku khensiwe Xikwembu Tata wa Hosi ya hina Yesu Kriste, la nga hi tswala ra vumbirhi hi tintswalo ta yena letikulukumba, leswaku hi va ni ku tshemba loku hanyaka hi ku pfuka ka Yesu Kriste exikarhi ka vafi,

Timhaka 16:14

Kutani wansati un'wana loyi va nge i Lidiya, muxavisi wa xivunguvungu, wa muti wa Tiyatira, la chavaka Xikwembu, a tshama a yingisa; kutani Hosi yi pfula mbilu ya yena leswaku a twisisa timhaka leti Pawulo a ti vulaka.

Vafilipiya 3:14

ndzi rivala swa le ndzhaku, kutani ndzi navela swa le mahlweni, ndzi tsutsumela swa le mahlweni, leswaku ndzi kuma ku hakeriwa ka le henhla, loku hi nga vitaneriwa kona hi Xikwembu ha Yesu Kriste.

Ntirho 42:5

Tindleve ta mina ti yingisile timhaka ta wena; Kambe sweswi, mahlo ya mina ma ku vonile.

Esaya 11:2

Moya wa Yehovha wu ta tshama ehenhla ka yena, moya wa vutlhari ni wa mianakanyo, moya wa ntsundzuxo ni wa matimba, moya wa ku tiva ni wa xichavo xa Yehovha.

Marka 10:17

Kuteloko a humele endleleni, un'wana a tsutsuma, a khinsama emahlweni ka yena, a n'wi vutisa, a ku: “Mufundhisi lonene, ndzi ta endla yini ku dya ndzhaka ya vutomi le byi nga heriki?”

Varhoma 2:4

Kumbe u tsan'wa vunene, ni xivindzi, ni musa wa Xikwembu, u nga tsundzuki leswaku vunene bya xona byi ku byisela eku hundzukeni xana?

Varhoma 11:29

hikuva ku nyika ka Xikwembu, ni ku vitana ka xona, a ku na ku hundzuka.

Vakolosa 1:12

Khensani Tatana la nga mi endla lava lulameleke ku va ni ku averiwa endzhakeni ya vakwetsimi eku vonakaleni;

Vakolosa 1:27

valavo Xikwembu xi rhandzeke ku va tivisa rifuwo ra ku kwetsima ka xihundla xolexo exikarhi ka vamatiko; xi nga leswaku Kriste u le ka n'wina, yena ku nga ku tshemba ka ku kwetsima.

Vakolosa 2:2

timbilu ta vona ti ta chaveleriwa loko va ri karhi va hlanganisiwa swin'we hi rirhandzu, va nyikiwa ku twisisa loku hetisekeke va ta tiva xihundla xa Xikwembu Tatana ni xa Kriste,