Vaefesa 1:13 - Xitsonga (Bibele)

¹³ yeloyi, na n'wina mi nga ka yena, n'wina lava yingiseke rito leri tiyeke, yi nga Evhangeli ya ku hlayiseka ka n'wina, yeloyi kambe, siku mi pfumeleke ka yena, mi funghiweke hi Moya lowo Kwetsima lowu tshembisiweke vanhu;

BIBELE Mahungu Lamanene

¹³ A swi ri tano na n'wina vamatiko, loko mi twile Rito ra ntiyiso, ma nga Mahungu Lamanene ya ku ponisiwa ka n'wina: Mi pfumerile eka Kriste, kutani Xikwembu xi mi funghile hi Moya lowo Kwetsima lowu a xi tshembisile ku mi nyika wona.

Testamente Leyimpsha Xichangana

¹³ Asvili tano na n'wina vamatiko, loko mitwile Rito ra ntiyiso, anga Evhangeli ya kuponisiwa ka n'wina: Mipfumelile ka Kriste, kutani Xikwembu ximifungile hi Moya Lowokwetsima lowu axitshembisile kuminyika wona.

Vaefesa 1:13 Referans Kwoze

2 Vakorinto 1:22

loyi a hi toteke, i Xikwembu, xi nga xona lexi hi fungheke, lexi hi nyikeke xirhangana xa Moya etimbilwini ta hina.

Vaefesa 4:30

Kutani mi nga tshuki mi khomisa Moya lowo Kwetsima wa Xikwembu tingana, wolowu mi funghiweke ha wona siku ra ku kutsuriwa ka n'wina.

2 Timotiya 2:19

Hambiswiritano, masungulo ya ku tiya ya Xikwembu ma yimile swinene, ma nga ni mfungho wolowo, wu nge: “Hosi yi tiva lava nga va yona,” na kona: “Un'wana ni un'wana la vulaka vito ra Kriste, a a avane ni leswo homboloka.”

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

Varhoma 4:11

Kutani a nyikiwa mfungho wa ku yimba ku tiyisa ku lulama ka ku pfumela, loku ngi a ri na kona loko a nga si yimba, leswaku a va tata wa hinkwavo lava pfumelaka hambi va nga yimbanga, leswaku na vona va hlayeriwa ku lulama;

Tito 2:11

Hikuva tintswalo ta Xikwembu, leti nga hlayisaka vanhu hinkwavo, ti vonakarile,

Vagalatiya 3:14

leswaku ku kateka ka Abrahama ku tela vamatiko ha Yesu Kriste, leswaku hi amukela hi ku pfumela ku tshembisiwa ka Moya.

Yuwele 2:28

“Endzhaku ka sweswo, ndzi ta chela moya wa mina ehenhla ka nyama hinkwayo, ku ta profeta vana va n'wina va xinuna ni va xisati; swidyuhati swa n'wina swi ta lorha milorho, ni majaha ya n'wina ma vona mahlori.

Varhoma 1:16

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

Timhaka 2:33

Kakuloko a tlakusiwile hi voko ra xinene ra Xikwembu, u amukerile eka Tatana, ku tshembisa ka Moya lowo Kwetsima, kutani u chelerile leswi mi swi vonaka, ni leswi mi swi twaka.

Yohane 14:26

Kambe Muyimeri, wu nga Moya lowo Kwetsima, lowu Tatana a nga ta wu rhuma hi vito ra mina, hi yena la nga ta mi dyondzisa hinkwaswo, u ta mi tsundzuxa ni hinkwaswo leswi ndzi mi byeleke swona.

Yohane 1:17

Hikuva nawu wu nyikiwile hi Muxe; kambe tintswalo ni vunene swi humelele hi Yesu Kriste.

Luka 24:49

Kambe tshamani emutini wa Yerusalema, ku fikela siku leri mi nga ta funengetiwa hi matimba ya le henhla.”

Pisalema 119:43

U nga suseli makumu rito ra ntiyiso enon'wini wa mina, Hikuva ndzi langutile ku avanyisa ka wena.

1 Petro 2:10

n'wina lava khale a mi nga ri tiko, kambe sweswi, mi tiko ra Xikwembu; n'wina lava nga tsetseleriwangiki, kambe sweswi, mi tsetseleriwile.

Varhoma 6:17

Kambe a ku khensiwe Xikwembu, hikuva, hambi ngi mi ri makhumbi ya vudyoho, mi yingisile hi mbilu ku famba hi mitila ya ku dyondza loku mi dyondzisiweke kona.

Timhaka 1:4

Kakuloko a hlengeletene na vona, a va lerisa, a ku: “Mi nga tshuki mi suka eYerusalema, kambe mi langutela lexi Tatana a mi tshembiseke xona, lexi mi xi tweke eka mina;

Yohane 15:26

“Kutakuloko ku fika Muchaveleri, loyi ndzi nga ta n'wi rhuma eka n'wina, a huma eka Tatana, wu nga Moya wa ntiyiso, lowu humaka eka Tatana, hi yena la nga ta vula vumbhoni bya mina;

Timhaka 13:26

“Vavanuna varikwerhu, va rixaka ra Abrahama, ni lava nga exikarhi ka n'wina lava chavaka Xikwembu, rito ra ku ponisa loku, ri rhumeriwile n'wina.

Yohane 6:27

Mi nga tirheleni swakudya leswi helaka, kambe tirhelani swakudya leswi nga ta va kona ni le vutomini lebyi nga heriki, leswi mi nga ta swi nyikiwa hi N'wana wa Munhu; hikuva hi yena loyi Xikwembu, a nga Tatana, xi n'wi fungheke.”

Luka 11:13

Kutani-ke, leswi n'wina mi nga lavo biha mi tivaka ku nyika vana va n'wina leswo nandziha, Tatana la nga etilweni u ta tlurisa swonghasi ku nyika Moya lowo Kwetsima eka lava wu kombelaka eka yena?”

Nhlavutelo 7:2

Kutani ndzi vona ntsumi yin'wana yi huma evuxeni, yi tamele mfungho wa Xikwembu lexi hanyaka; kutani yi tlakusa rito, yi huwelela eka tintsumi ta mune leti nyikiweke matimba ya ku onha misava ni lwandle,

Yakobo 1:18

Hi ku rhandza ka yena, u hi velekile hi rito leri tiyeke, leswaku hi va swirhangana swa swivumbiwa swa yena.

Vaheveru 2:3

hina hi ta chupukisa ku yini, loko hi nga xiyi ku hlayiseka loko tano, loku nga sungula ku vuriwa hi Hosi, kambe ku tiyisiwile eka hina hi lava swi yingiseke,

2 Timotiya 3:15

ku suka evutsongwaneni bya wena, u tiva Matsalwa layo kwetsima, wona ma nga ku nyika vutlhari bya ku kuma ku hlayiseka hi ku pfumela eka Yesu Kriste.

2 Timotiya 2:15

Tiya matimba ku humelela emahlweni ka Xikwembu u ri la nga amukeriwaka, ni mutirhi la nga riki na tingana, la phamelaka hi ku lulama rito ra ntiyiso.

Vaefesa 4:21

ni loko mi dyondzisiwe eka yena hilaha ntiyiso wu nga eka Yesu hakona,

2 Vakorinto 6:7

hi tipfuna hi matlhari ya ku lulama, lama tameriwaka hi voko ra xinene ni ra ximatsi;

Yohane 3:33

La amukelaka vumbhoni bya yena, u tiyisile leswaku Xikwembu xa tshembeka.

Yakobo 1:21

Hikwalaho, cukumetani thyaka hinkwaro, ni hinkwaswo swa lunya, mi amukela hi ku olova rito leri byariweke etimbilwini ta n'wina, leri kotaka ku londzovota mimoya ya n'wina.