Vaavanyisi 9:57 - Xitsonga (Bibele)

⁵⁷ Xikwembu xi tlherisela ni le tinhlokweni ta vavanuna va Xikeme ku biha hinkwako loku va ku endleke. Ku rhuketela ka Yotamu, n'wana Yerubaali, ku va wele ehenhla hi sweswo.

BIBELE Mahungu Lamanene

⁵⁷ Naswona Xikwembu xi vangela vanhu va Xikeme ku xaniseka, va riha mintirho ya vona leyo biha, hilaha Yotamu n'wana Yerubaali a a vurile hakona loko a va rhuketela.

Vaavanyisi 9:57 Referans Kwoze

Vaavanyisi 9:20

Loko swi nga ri tano ndzilo a wu hume eka Abimeleke wu herisa vini va Xikeme ni va yindlu ya Milo; ndzilo a wu hume kambe eka vini va Xikeme ni le ndlwini ya Milo, wu herisa Abimeleke.”

1 TIHOSI 16:34

Enkarhini wa yena, Hiele, wa Betele, a aka Yeriko: a aka masungulo ya wona ehenhla ka Abirama mativula ya yena, a bela timbanti ta wona ehenhla ka Segubu, n'wana wa yena wa xigumandzeni, hilaha Yehovha a nga vula hakona ha Yoxuwa, n'wana Nuni.

Vaavanyisi 9:45

Kutani Abimeleke a lwa na vona dyambu hinkwaro, a ko a nghena emutini, a dlaya vanhu va kona, a mbundzuxa muti, a haxa munyu kona.

Yoxuwa 6:26

Enkarhini wolowo Yoxuwa a hlambanya, a ku: “Ku ta rhukaniwa emahlweni ka Yehovha, munhu la nga ta pfuxa muti lowu wa Yeriko; u ta aka masungulo ya wona ehenhla ka mativula ya yena, ni tinyangwa ta wona ehenhla ka xigumandzeni xa yena.”

Vaavanyisi 9:24

swi ri leswaku nandzu wa ku dlaya, vana va Yerubaali va 70, ni ngati ya vona yi tlheriseriwa eka Abimeleke, makwavo wa vona la nga va dlaya ni ka vini va Xikeme lava nga n'wi pfuna ku dlaya vamakwavo.

Vaavanyisi 9:56

Xikwembu xi tlherisela sweswo eka Abimeleke ku biha loku a ku endleleke tata wa yena, loko a dlayile vamakwavo va 70.

Vaavanyisi 10:1

Endzhaku ka Abimeleke, ku humelela Tola n'wana Puwa, n'wana Dodo, wanuna wa Isakara, a lamulela Israele, a akile eXamiri, entshaveni ya Efrayimi.

1 TIHOSI 2:32

Yehovha u ta veka ngati ya yena enhlokweni ya yena, hikuva u dlayile vavanuna vambirhi lavo lulama lavanene ku tlula yena, a va dlaya hi tlhari, tatana Davhida a nga tivanga nchumu: a ri Abinere, n'wana Neri, ndhuna ya nyimpi ya Israele, na Amasa, n'wana Yetere, ndhuna ya nyimpi ya Yuda.

Vaavanyisi 1:7

Adoni-Bezeki a ku: “Ku ni tihosi ta 70 leti tsemiweke makhudzu ya mavoko ni ya milenge, leti a ti tshama ti rholela mahlanhla ehansi ka tafula ra mina. Xikwembu xi ndzi tlherisele leswi ndzi swi endleke.” Kutani va n'wi yisa eYerusalema, a ya fela kona.

2 SAMIELE 3:39

Ndzi tsanile namuntlha, hambi ndzi cheriwile hi mafurha, ndzi vekiwe hosi; hikuva vanhu lava, vana va Seruya, va ndzi tlula hi matimba. Yehovha a a rihisele la dyohaka hi lunya ra yena.”

Pisalema 7:17

Ndzi ta dzunisa Yehovha hikwalaho ka ku lulama ka yena, Ndzi ta yimbelela vito ra Yehovha la nge henhlahenhla.

Pisalema 94:23

U ta vuyisela ka vona ku homboloka ka vona, U ta va herisa hi vudyohi bya vona; Ina, Yehovha, Xikwembu xa hina u ta va herisa.

Swivuriso 5:22

Muxisi u ta phasiwa hi ku biha ka yena, U ta bohiwa hi mapindza ya ku dyoha ka yena.

Esaya 3:11

U ni khombo mudyohi, u ni khombo, hikuva u ta nyikiwa hakelo ya mitirho ya mavoko ya yena.