Vaavanyisi 8:5 - Xitsonga (Bibele)

⁵ Kutani a ku eka vanhu va Sukoti: “Nyikani vuswa eka vavanuna lava ndzi nga na vona, hikuva va karhele, ndzi ta hlongorisa Zeba na Salmuna, tihosi ta Midiyani.”

BIBELE Mahungu Lamanene

⁵ Kutani Gidiyoni a fika a ku ka vavanuna va muti wa Sukoti: “Ndzi kombela leswaku mi nyika vanhu lava ndzi nga na vona exinkwa, hikuva va karhele ngopfu; hi le ku hlongoriseni ka tihosi ta Vamidiyani Zeba na Salmuna.”

Vaavanyisi 8:5 Referans Kwoze

Genesa 33:17

Kutani Yakobo a ya eSukoti, a tiakela kona yindlu, a endlela ni swifuwo swa yena matshanganyana ya marhavi, hikwalaho-ke a nga thya vito ra xivandla xexo eSukoti (matshanganyana).

Pisalema 60:6

Xikwembu xi vurile eku kwetsimeni ka xona xi ku: “Ndzi ta hlula, Ndzi ta avanyisa Xikeme, ndzi pima nkova wa Sukoti;

1 SAMIELE 25:18

Kavaloko Abigayele a hatlisa a teka madzana mambirhi ya swinkwa, ni tinghotsa timbirhi ta vhinyo, ni tinyimpfu ta ntlhanu leti swekiweke, ni swirhundzu swa ntlhanu swa mavele lama oxiweke, ni dzana ra mabuwu ya mihandzu ya vhinya leyi omeke, ni madzana mambirhi ya mabuwu ya makuwa, a swi bohela timbhongolweni.

Duteronoma 23:4

hikuva a va hlangananga na n'wina hi vuswa ni mati endleleni, loko mi humile eEgipta, na swona hikuva va hakerile Balaama, n'wana Beyori, wa Petoro, muti wa Mesopotamiya, leswaku a ta eka wena a ku rhukana.

Genesa 14:18

Kutani Melkisedeke, hosi ya Salema, a ta ni vuswa ni vhinyo; a a ri muprista wa Xikwembu xa le henhlahenhla.

Vaavanyisi 8:10

Loko a ri Zeba na Salmuna a va fikile eKarikoro ni mavandla ya vona; hinkwavo lava nga sala va mavandla hinkwawo ya vana va le vuxeni, va ri vanhu va 15 000; ku dlayiwile va 120 000 lava hlomuleke tlhari.

Vaavanyisi 8:12

Kutani Zeba na Salmuna va baleka, kambe Gidiyoni a va hlongorisa, a khoma tihosi teto timbirhi ta Midiyani, Zeba na Salmuna, kutani a hangalasa mavandla hinkwawo.

Vaavanyisi 8:15

Kutani a fika eka vanhu va Sukoti, a ku eka vona: “Zeba na Salmuna, hi vona lava mi ndzi holoveleke hikwalaho ka vona mi ku: ‘Xana swandla swa Zeba ni swa Salmuna swi le vokweni ra wena, loko u ku, hi nyika vavanuna va wena lava karheleke vuswa xana?’ ”

Vaavanyisi 5:23

“Rhuketelani Merozo, ku vula ntsumi ya Yehovha, Rhuketelani, rhuketelani lava akeke kona; Hikuva a va tangi ku ta pfuna Yehovha, Ku ta pfuna Yehovha kun'we ni lava matimba.