Vaavanyisi 8:10 - Xitsonga (Bibele)

¹⁰ Loko a ri Zeba na Salmuna a va fikile eKarikoro ni mavandla ya vona; hinkwavo lava nga sala va mavandla hinkwawo ya vana va le vuxeni, va ri vanhu va 15 000; ku dlayiwile va 120 000 lava hlomuleke tlhari.

BIBELE Mahungu Lamanene

¹⁰ Enkarhini lowu, Zeba na Salmuna a va ri eKarikoro swin'we ni masocha ya vona ya kwalomu ka 15 000, ma nga lawa a ma sele eka mavuthu hinkwawo ya vanhu va le vuxeni, endzhaku ka loko ku dlayiwile masocha ya 120 000.

Vaavanyisi 8:10 Referans Kwoze

Vaavanyisi 7:12

Kambe Vamidiyani ni Vaamaleke, ni vana va le vuxeni hinkwavo, a va hangalakile hinkwako enkoveni, va fana ni tinjiya, ni tikamela ta vona ti nga hlayiwi, ti fana ni sava leri nga eribuwini ra lwandle.

2 TIHOSI 3:26

Hosi ya Mowabu, kuteloko yi vonile leswaku ya hluriwa, yi teka na yona vavanuna va 700 lava hlomeke va lava ku huma etlhelo ra hosi ya Edomu, kambe va tsandzeka.

Vaavanyisi 20:46

Vavanuna hinkwavo, va Benjamini lava nga dlayiwa hi siku rero, a va ri 25 000 lava hlomeke matlhari, vanhu va tinhenha hinkwavo.

Vaavanyisi 20:35

Kutani Yehovha a ba Benjamini emahlweni ka Israele, vavanuna va Israele va lovisa vavanuna va Benjamini hi siku rero, va 25 100, va ri lava hlomeke matlhari hinkwavo.

Vaavanyisi 20:25

Kutani va Benjamini va huma eGibeya ku ya hlangana na vona ra vumbirhi, va dlayela ehansi vana va Israele va 18 000, hinkwavo lava hlomeke matlhari.

Vaavanyisi 20:17

Ehandle ka Benjamini, loko ku hlayiwa vavanuna va Israele, a va ri vavanuna va 400 000, vavanuna va nyimpi hinkwavo, lava hlomeke matlhari.

Vaavanyisi 20:15

Hi siku rero, vana va Benjamini loko va hlayiwa, a va ri vavanuna va 26 000 lava hlomeke matlhari, ehandle ka lava akeke eGibeya, va nga 700 lava hlawuriweke, loko va hlayiwa.

Vaavanyisi 20:2

Kutani vakulukumba va tiko hinkwaro, va tinyimba hinkwato ta Israele va humelela enhlengeletanweni ya tiko ra Xikwembu va ri 400 000 lava fambaka hi milenge, lava hlomeke matlhari. Kutani vana va Benjamini va twa leswaku vana va Israele va tlhandlukele eMispa.

Esaya 37:36

Hi vusiku byebyo, ntsumi ya Yehovha yi huma, yi dlaya vavanuna va 185 000 emixaxeni ya Vaaxuru nimixo, kuteloko va pfukile, maswivo a yi ri mitsumbu ntsena.

Esaya 9:4

Hikuva mpingu lowu ngi ri wu rhwala, ni nkhavi lowu ngi wu ba makatla ya rona, ni nhonga ya muxanisi wa rona, u swi tshovile kukotisa esikwini ra Midiyani.

2 TIKRONIKA 28:8

Vana va Israele va khoma exikarhi ka vamakwavo vanhu va 200 000, va ri vavasati, ni varisanyana, ni vanhwanyana ku va endla makhumbi; va va tekela ni xuma lexikulu, kutani va yisa xuma eSamariya.

2 TIKRONIKA 28:6

Hikuva Peka, n'wana Remaliya, a dlaya hi siku rin'we, etikweni ra Yuda, vavanuna va 120 000, hinkwavo ti ri tinhenha, hikuva a va tshikile Yehovha, Xikwembu xa vatata wa vona.

2 TIKRONIKA 13:17

Abiya ni tiko ra yena va va hlula ngopfu hikuva ku wile vavanuna va Israele lava hlawuriweke va 500 000, va tlhaveriwe ku fa.

Vaavanyisi 7:22

Kambe va madzana manharhu va karhi va yimba tinanga; Yehovha a endla leswaku un'wana ni un'wana wa Vamidiyani a tlhava warikwavo hi tlhari ra yena emixaxeni hinkwayo, hinkwavo lava ngi va ri emixaxeni va baleka ku ya fika eBeta-Xita, tlhelo ra Serera, ku ya fika endzilakaneni wa Avele-Mehola, tlhelo ra Tabata.

Vaavanyisi 6:5

Va ta hi mitlhambi ya vona, ni matende ya vona, va ta kukota tinjiya, va nga hlayiwi, hambi ti ri tikamela ta vona, va onha tiko.

Vaavanyisi 8:11

Kutani Gidiyoni a tlhandluka hi ndlela ya lava akeke ematendeni hitlhelo ra vuxa ka Noba na Yogibeha, a hangalasa mavandla hinkwawo, loko ma ha titsakele.

Vaavanyisi 7:13

Kakuloko Gidiyoni a fika kona, maswivo, a ku ri ni munhu un'wana a byelaka nakulobye wa yena norho a ku: “Vona, ndzi lorhile norho; ndzi vonile xilo lexi fanaka ni ximbundzu xa barley xi vumbulukela emixaxeni ya Vamidiyani, xi ko xi fika entsongeni xi wu ba, xi wu wisela ehansi; wu ku mpfuta.”