Vaavanyisi 7:8 - Xitsonga (Bibele)

⁸ Kutani lava madzana manharhu, va teka timbuva ta vona emavokweni ya vona, ni tinanga ta vona; Vaisraele van'wana hinkwavo Gidiyoni a va tlherisa, un'wana ni un'wana entsongeni wa yena; kambe ku sala vavanuna va madzana manharhu. Loko yi ri mixaxa ya Vamidiyani, a yi ri ehansi ka Yena enkoveni.

BIBELE Mahungu Lamanene

⁸ Kutani Gidiyoni a teka timbuva ta lava mukaka, a teka ni timhalamhala ta vona, kutani a va ntshunxa hinkwavo leswaku va tlhelela emakaya, kambe lavan'wana va 300 a va byela leswaku va sala. Mixaxa ya Vamidiyani a yi ri erivaleni ehansi ka ntshava.

Vaavanyisi 7:8 Referans Kwoze

1 Vakorinto 15:52

hi nkarhinyana lowu fanaka ni ku copeta ka tihlo, hi mhalamhala ya makumu; hikuva mhalamhala yi ta biwa, kutani vafi va ta pfuka va ri lava nga ha boriki, na hina hi ta hundzuka.

Esaya 27:13

Emikarhini yoleyo, nanga leyikulu yi ta yimbiwa, kutani lava hlongoleriweke etikweni ra Asiriya ni lava balekeleke etikweni ra Egipta va ta ta, va khinsama emahlweni ka Yehovha, entshaveni leyi kwetsimaka, eYerusalema.

Vaavanyisi 6:33

Kutani Vamidiyani hinkwavo ni Vaamaleke ni vana va le vuxeni, va hlengeletana, va pela Yordani, va gova erivaleni ra Yizriele.

Vaavanyisi 3:27

Kuteloko a fikile kona, a yimba nanga entshaveni ya Efrayimi, vana va Israele va ngirimela na yena entshaveni, a va rhangela emahlweni.

Yoxuwa 6:20

Kavaloko tiko ri ba huwa, ni vaprista va yimba tinanga. Kuteloko tiko ri twile mpfumawulo wa nanga, ri ba huwa leyikulu, kutani rirhangu ri mbundzumuka ri wa ehansi, kutani tiko ri khandziya emutini, un'wana ni un'wana a kongoma emahlweni ka yena, kutani va teka muti.

Yoxuwa 6:4

Vaprista va 7 va ta rhwala tinanga ta 7 leti pfumaka emahlweni ka areka; siku ra 7 mi ta rhendzelekela muti kantlhanu na kambirhi; kutani vaprista va ta yimba tinanga.

Tinhlayo 10:9

“Kutakuloko mi huma nyimpi etikweni ra n'wina ku ya lwa ni valala va n'wina, loko va mi pfuka mi ta yimba tinanga hi matimba kutani mi ta tsundzuxiwa emahlweni ka Yehovha, Xikwembu xa n'wina mi va mi ponisiwa emavokweni ya valala va n'wina.

Levhitika 25:9

Kutani hi n'hweti ya ntlhanu na timbirhi, hi siku ra khume ra n'hweti, u ta ririsa nanga etikweni hinkwaro ra n'wina.

Levhitika 23:24

“Byela vana va Israele, u ku eka vona: ‘Hi n'hweti ya ntlhanu na timbirhi, siku ro rhanga ra n'hweti, ri ta va siku ro wisa leri tivisiwaka hi mpfumawulo wa tinanga, ni nhlengeletano leyi hlawuriweke.

Vaavanyisi 7:7

Kutani Yehovha a ku eka Gidiyoni: “Ndzi ta mi lamulela hi vanhu lava va kapiteleke va madzana manharhu, ndzi ta nyiketa Vamidiyani emavokweni ya wena ha vona; van'wana hinkwavo a va titlhelele, un'wana ni un'wana ekaya ka yena.”

Vaavanyisi 7:9

Hi vusiku byebyo, Yehovha a ku eka yena: “Yima, u ngirimela emixaxeni, hikuva ndzi yi nyiketile emavokweni ya wena.