Vaavanyisi 7:22 - Xitsonga (Bibele)

²² Kambe va madzana manharhu va karhi va yimba tinanga; Yehovha a endla leswaku un'wana ni un'wana wa Vamidiyani a tlhava warikwavo hi tlhari ra yena emixaxeni hinkwayo, hinkwavo lava ngi va ri emixaxeni va baleka ku ya fika eBeta-Xita, tlhelo ra Serera, ku ya fika endzilakaneni wa Avele-Mehola, tlhelo ra Tabata.

BIBELE Mahungu Lamanene

²² Loko Vaisraele va ba timhalamhala leta 300, HOSI Xikwembu xi endla leswaku Vamidiyani va hlangana tinhloko va tlhavana hi mafumu emixaxeni hinkwayo. Kutani va baleka va tsutsuma, ku kondza va ya fika eBeta-Xita, ku langutana na Sereda, va hundza va ya fika eTabata endzilekaneni wa Avele-Mehola.

Vaavanyisi 7:22 Referans Kwoze

1 TIHOSI 4:12

Baana, n'wana Ahiludi a a ri ehenhla ka Taanaka, na Megido, ni tiko ra Beta-Xeyani hinkwaro leri nga ekusuhi na Saretani, ehansi ka Yizriele, ku suka eBeta-Xeyani, ku fika eAvele-Mehola, ku fika emahlweni ka Yokimeyama.

2 TIKRONIKA 20:23

Kavaloko vana Vaamoni ni Vamowabu, va pfuka vaaki va ntshava ya Seyira, ku va dlaya ni ku va heta; kuteloko va hetile vaaki va Seyira, va pfunana ku herisana.

1 TIHOSI 19:16

u ta chela na Yehu, n'wana Nimxi, ku va hosi ya Israele; u ta chela na Elixa, n'wana Xafati, wa Avele-Mehola, a ta va muprofeta ematshan'weni ya wena.

Yoxuwa 6:20

Kavaloko tiko ri ba huwa, ni vaprista va yimba tinanga. Kuteloko tiko ri twile mpfumawulo wa nanga, ri ba huwa leyikulu, kutani rirhangu ri mbundzumuka ri wa ehansi, kutani tiko ri khandziya emutini, un'wana ni un'wana a kongoma emahlweni ka yena, kutani va teka muti.

Esaya 19:2

Ndzi ta hlohlotela Muegipta ku lwa na Muegipta, leswaku munhu a lwa ni makwavo, nakulobye a lwa ni nakulobye, muti wu lwa ni muti, vuhosi byi lwa ni vuhosi.

Esaya 9:4

Hikuva mpingu lowu ngi ri wu rhwala, ni nkhavi lowu ngi wu ba makatla ya rona, ni nhonga ya muxanisi wa rona, u swi tshovile kukotisa esikwini ra Midiyani.

Pisalema 83:9

U va endla hi laha u endleke va Midiyani, Na Sisera, na Yabini, exinambyaneni xa Kixoni!

Yoxuwa 6:16

Kakuloko va ha famba eka ntlhanu na kambirhi, ni loko vaprista va yimba tinanga, Yoxuwa a ku eka tiko: “Huwelelani! Hikuva Yehovha u mi nyiketile muti.

Yoxuwa 6:4

Vaprista va 7 va ta rhwala tinanga ta 7 leti pfumaka emahlweni ka areka; siku ra 7 mi ta rhendzelekela muti kantlhanu na kambirhi; kutani vaprista va ta yimba tinanga.

2 Vakorinto 4:7

Kambe xuma lexi hi nga na xona xi le timbiteni ta vumba, matimba walawo lamakulu ma ve ya Xikwembu, ma nga ri ya hina.

1 SAMIELE 18:19

Kutakuloko Meraba, n'wana Sawulo, a fanekele ku nyikiwa Davhida, a nyikiwa Adriele wa Mehola, a va nsati wa yena.

Ezekiele 38:21

Kutani ndzi ta vitana ripanga, ri lwa na yena etintshaveni ta mina hinkwato, va ta tlhavana hi fumu, ku vula Hosi Yehovha.

Habakuku 3:14

Hi miseve ya wena, u tlhava tinhloko ta tinhenha ta yena, lava taka kukotisa xidzedze ku ta hi hangalasa, lava veke va tsakisisa ingi hiloko va dya swisiwana exihundleni.

Hagayi 2:22

ndzi lovisa matimba ya ku fuma ka matiko, ndzi andlala tigolonyi ni lava fambaka ha tona; tihanci ni vakhandziyi va tona va ta wa un'wana ni un'wana hi fumu ra warikwavo.

Yoxuwa 3:16

hi kona mati lama rhelelaka, lama humaka ehenhla, ma yima, ma tlakuka, ma endla nhlengeleto ekule swinene, ku fika ekusuhi na Adama, muti lowu nga tlhelo ra Saretani; ni mati lama rhelelaka Lwandle ra Rivala, ri nga Lwandle ra Munyu, ma hungutiwa hinkwawo, kutani tiko ri pela ku langutana na Yeriko.

Esaya 9:3

U andzisile tiko, u kurisile ku tsaka ka rona! Ri tsakile emahlweni ka wena kukota lava tshovelaka, tanihi lava avanelaka xuma lexi phangiweke.

Zakariya 14:13

Hi siku rolero, dzolonga lerikulu leri humaka eka Yehovha ri ta va kona exikarhi ka vona, un'wana ni un'wana u ta khoma voko ra un'wana voko ra yena ri tlakukela ehenhla ka voko ra warikwavo.