Vaavanyisi 7:15 - Xitsonga (Bibele)

¹⁵ Kuteloko Gidiyoni a twile timhaka ta norho ni nhlamuselo ya wona, a khinsama, a tlhelela emixaxeni ya Vaisraele, a ku: “Yimani, hikuva Yehovha u nyiketile mixaxa ya Vamidiyani emavokweni ya n'wina.”

BIBELE Mahungu Lamanene

¹⁵ Loko Gidiyoni a twa marungulo lawa ya norho ni nhlamuselo ya wona, a khongela, kutani a tlhelela emixaxeni ya Vaisraele, a ku ka vona: “Pfukani, hikuva HOSI Xikwembu xi nyiketile mixaxa ya Vamidiyani emavokweni ya n'wina.”

Vaavanyisi 7:15 Referans Kwoze

Vaavanyisi 4:14

Kutani Debora a ku eka Baraka: “Tlhandluka, hikuva hi rona siku leri Yehovha a nga ta nyiketa Sisera emavokweni ya wena! Xana Yehovha a nga ku rhangelangi emahlweni xana?” Hikwalaho Baraka a rhelela entshaveni ya Taboro, a landzeriwa endzhaku hi vanhu va 10 000.

Genesa 41:11

Kutani hi lorhe milorho hi vusiku byin'we, mina na yena; un'wana ni un'wana a lorha norho lowu nga ni ku hlamuseriwa ka wona.

Genesa 40:8

Kutani va ku eka yena: “Hi lorhile milorho, kambe a ku na loyi a hi hlamuselaka.” Yosefa a ku eka vona: “Ku hlamusela a ku humi eka Xikwembu xana? Mi nga ndzi byela yona.”

Genesa 24:48

Kutani ndzi korhama, ndzi khinsama emahlweni ka Yehovha, ndzi khensa Yehovha, Xikwembu xa n'wini wa mina Abrahama, leswi a nga ndzi fambisa endleleni leyo tshembeka, ndzi ta tekela n'wana wa n'wini wanga n'wana wa makwavo.

Vaavanyisi 7:11

U ta twa leswi vulavuriwaka kona, mavoko ya wena ma ta tiyisiwa, kutani u ta ngirimela emixaxeni.” Kutani a ngirimela kona, a ri na Pura, nandza wa yena a ya laha ku nga ni valanguteri lava hlomeke emixaxeni.

Vaavanyisi 7:14

Nakulobye wa yena a hlamula, a ku: “Norho lowu, a wu vuri nchumu, loko ri nga ri tlhari ra Gidiyoni n'wana Yowasi wanuna wa Israele. Xikwembu xi nyiketile Vamidiyani ni mixaxa hinkwayo emavokweni ya yena.”

Vaavanyisi 7:16

Kutani a avanyisa lava madzana manharhu hi mitlawa minharhu, a nyika un'wana ni un'wana nanga evokweni ra yena, ni timbita leti nga hava nchumu, leti nga ni swisa endzeni ka tona.

Vaavanyisi 8:7

Gidiyoni a ku: “Loko swi ri tano siku Yehovha a nyiketaka Zeba na Salmuna emavokweni ya mina, ndzi ta handzula tinyama ta n'wina hi mitwa ya le mananga ni mahlwehlwe.”

Vaavanyisi 3:28

Kutani a ku eka vona: “Ndzi landzeni, hikuva Yehovha u nyiketile Vamowabu, valala va n'wina, emavokweni ya n'wina.” Kutani va ngirimela va n'wi landza, va ya yimelela emahlalukweni ya Yordani, ku lavana na Mowabu, va nga pfumeleri munhu ku pela.

1 SAMIELE 1:28

Hikwalaho, ndzi n'wi nyikile Yehovha: u nyikiwile Yehovha hi masiku hinkwawo ya vutomi bya yena.” Kutani a khinsama emahlweni ka Yehovha.

1 SAMIELE 14:12

Kutani vanhu va khokholo va vulavula na Yonatani ni mutameri wa matlhari ya yena, va ku: “Tanani ka hina, hi ta mi tivisa timhaka.” Kutani Yonatani a ku eka mutameri wa matlhari ya yena: “Tlhandluka endzhaku ka mina, hikuva Yehovha u va nyiketile emavokweni ya Israele.”