Vaavanyisi 7:13 - Xitsonga (Bibele)

¹³ Kakuloko Gidiyoni a fika kona, maswivo, a ku ri ni munhu un'wana a byelaka nakulobye wa yena norho a ku: “Vona, ndzi lorhile norho; ndzi vonile xilo lexi fanaka ni ximbundzu xa barley xi vumbulukela emixaxeni ya Vamidiyani, xi ko xi fika entsongeni xi wu ba, xi wu wisela ehansi; wu ku mpfuta.”

BIBELE Mahungu Lamanene

¹³ Loko Gidiyoni a fika, Mumidiyani un'wana a a ri karhi a rungulela nakulobye norho lowu a wu lorheke, a ku: “Ndza ha ku lorha norho, ndzi vona ximbhundzwa xin'we xa mapa ya maxalana xi vumbuluka xi nghena emixaxeni ya hina, xi fika xi ba ntsonga wa hina swinene, xi wu pewula wu wela ehansi.”

Vaavanyisi 7:13 Referans Kwoze

1 Vakorinto 1:27

kambe Xikwembu xi tihlawulele swihunguki swa misava, leswaku swi khomisa va vutlhari tingana; ni leswi tsaneke swa misava, Xikwembu xi tihlawulele swona, ku khomisa vamatimba tingana;

Vaavanyisi 6:15

Gidiyoni a ku eka yena: “Yo, n'wini wanga, ndzi ta lamulela Israele ha yini xana? Vona, ndyangu wa mina hi lowutsongo exikarhi ka va Manase; na mina ndzi lontsongo eka yindlu ya tatana.”

Vaavanyisi 4:21

Kutani Yaele, nsati wa Hebere, a hlumula mhingu ya yindlu, a tamele nyundzu hi voko, kutani a tshinela ekusuhi na Sisera hi ku nyanimela a n'wi bela exihlayeni hi mhingu yi huma ni le hansi, loko a ri karhi a etlele ngopfu, a karhele, kutani a fa.

Vaavanyisi 4:9

Debora a ku: “Ku ya, ndzi ta ya na wena, kambe u nga ka u nga voni ku dzunisiwa endleleni leyi u nga ta famba ha yona, hikuva Yehovha u ta nyiketa Sisera emavokweni ya wansati.”

Vaavanyisi 3:31

Endzhaku ka Ehudi a ku ri na Xamgari, n'wana Anati, la nga dlaya Vafilista va 600 hi mbhingo wa tihavi; na yena a lamulela Israele.

Vaavanyisi 3:15

Kutani vana Vaisraele va huwelela eka Yehovha; Yehovha a va humesela mulamuleri, Ehudi, n'wana Gera, wa Benjamini, wanuna wa ximatsi. Kutani vana va Israele va rhumela ha yena ndzuvo eka Egiloni hosi ya Mowabu.

Vaavanyisi 7:12

Kambe Vamidiyani ni Vaamaleke, ni vana va le vuxeni hinkwavo, a va hangalakile hinkwako enkoveni, va fana ni tinjiya, ni tikamela ta vona ti nga hlayiwi, ti fana ni sava leri nga eribuwini ra lwandle.

Vaavanyisi 7:14

Nakulobye wa yena a hlamula, a ku: “Norho lowu, a wu vuri nchumu, loko ri nga ri tlhari ra Gidiyoni n'wana Yowasi wanuna wa Israele. Xikwembu xi nyiketile Vamidiyani ni mixaxa hinkwayo emavokweni ya yena.”

Vaavanyisi 8:10

Loko a ri Zeba na Salmuna a va fikile eKarikoro ni mavandla ya vona; hinkwavo lava nga sala va mavandla hinkwawo ya vana va le vuxeni, va ri vanhu va 15 000; ku dlayiwile va 120 000 lava hlomuleke tlhari.