Vaavanyisi 7:12 - Xitsonga (Bibele)

¹² Kambe Vamidiyani ni Vaamaleke, ni vana va le vuxeni hinkwavo, a va hangalakile hinkwako enkoveni, va fana ni tinjiya, ni tikamela ta vona ti nga hlayiwi, ti fana ni sava leri nga eribuwini ra lwandle.

BIBELE Mahungu Lamanene

¹² Vamidiyani ni Vaamaleke ni va le vuxeni a va tate rivala, va tele kukota tinjiya, na tona tikamela ta vona a ti ri ntsandza-vahlayi, ti tele ku fana ni sava eribuweni ra lwandle.

Vaavanyisi 7:12 Referans Kwoze

Vaavanyisi 8:10

Loko a ri Zeba na Salmuna a va fikile eKarikoro ni mavandla ya vona; hinkwavo lava nga sala va mavandla hinkwawo ya vana va le vuxeni, va ri vanhu va 15 000; ku dlayiwile va 120 000 lava hlomuleke tlhari.

Vaavanyisi 6:5

Va ta hi mitlhambi ya vona, ni matende ya vona, va ta kukota tinjiya, va nga hlayiwi, hambi ti ri tikamela ta vona, va onha tiko.

Vaavanyisi 6:3

Kakuloko Vaisraele va rimile, Vamidiyani ni Vaamaleke, ni va tlhelo ra le vuxeni, va tlhandluka ku ya va hlasela.

Yoxuwa 11:4

Kutani va huma vona, ni tinyimpi hinkwato ta vona, byi ri vunyingi lebyikulu ngopfu, byi fana ni sava leri nga eribuwini ra lwandle va ri ni tihanci, ni tigolonyi leto tala ngopfu.

Pisalema 33:16

Hosi a yi ponisiwi hi nyimpi leyikulu, Nhenha a yi tshunxiwi hi matimba lamakulu

Pisalema 3:1

Oho Yehovha, lava nga valala eka mina va tele swonghasi! Lava ndzi pfukelaka matimba, va tele ngopfu!

1 TIHOSI 4:30

Vutlhari bya Solomoni a byi tlula vutlhari bya vanhu hinkwavo va le vuxeni, ni vutlhari hinkwabyo bya Vaegipta.

Vaavanyisi 6:33

Kutani Vamidiyani hinkwavo ni Vaamaleke ni vana va le vuxeni, va hlengeletana, va pela Yordani, va gova erivaleni ra Yizriele.

Vaavanyisi 7:13

Kakuloko Gidiyoni a fika kona, maswivo, a ku ri ni munhu un'wana a byelaka nakulobye wa yena norho a ku: “Vona, ndzi lorhile norho; ndzi vonile xilo lexi fanaka ni ximbundzu xa barley xi vumbulukela emixaxeni ya Vamidiyani, xi ko xi fika entsongeni xi wu ba, xi wu wisela ehansi; wu ku mpfuta.”

1 SAMIELE 30:17

Kutani Davhida a va hlasela, a sungula nimixo ku fika nimadyambu ya siku leri tlhandlamaka; a ku balekanga na un'we loko ma nga ri majaha ya 400 lama khandziyeke tikamela, ma tsutsuma ha tona.

Yeremiya 46:23

Va tsema xihlahla xa yena, ku vula Yehovha, hambi xi nga ngheniwi hikwalaho ka ku tlhuma; hikuva va tele ku tlurisa tinjiya, va nga ka va nga hlayiwi.

1 SAMIELE 13:5

Kutani Vafilista va hlengeletana ku ya lwa na Israele. A va ri ni tigolonyi ta 30 000, ni vakhandziyi va tihanci va 6 000, ni vunyingi lebyi teleke kukotisa sava leri nga eribuwini ra lwandle va tlhandluka, va ya gova eMikamaxa, evuxeni bya Beta-Avene.

1 TIHOSI 20:27

Vana va Israele va kambiwa, na vona, va nyikiwa timbuva, kutani va famba ku ya hlangana ni Vasiriya. Vana va Israele va gova va langutene na vona va fana ni mitlhambinyana mimbirhi ya timbuti kambe Vasiriya va tate tiko.