Vaavanyisi 6:5 - Xitsonga (Bibele)

⁵ Va ta hi mitlhambi ya vona, ni matende ya vona, va ta kukota tinjiya, va nga hlayiwi, hambi ti ri tikamela ta vona, va onha tiko.

BIBELE Mahungu Lamanene

⁵ Vanhu lava a va ta ni swifuwo swa vona ni swo dzima ha swona mintsonga, va tele ku fana ni tinjiya; vona ni tikamela ta vona, a va ri ntsandza-vahlayi, kutani loko va nghenile ensin'wini, a ku nga ha sali nchumu.

Vaavanyisi 6:5 Referans Kwoze

Vaavanyisi 7:12

Kambe Vamidiyani ni Vaamaleke, ni vana va le vuxeni hinkwavo, a va hangalakile hinkwako enkoveni, va fana ni tinjiya, ni tikamela ta vona ti nga hlayiwi, ti fana ni sava leri nga eribuwini ra lwandle.

Vaavanyisi 8:10

Loko a ri Zeba na Salmuna a va fikile eKarikoro ni mavandla ya vona; hinkwavo lava nga sala va mavandla hinkwawo ya vana va le vuxeni, va ri vanhu va 15 000; ku dlayiwile va 120 000 lava hlomuleke tlhari.

Yeremiya 49:32

Tikamela ta vona ti ta phangiwa, ni mitlhambi leyo tala ya vona yi ta byisiwa. Kutani ndzi ta haxa lava byewulaka ripala emimoyeni hinkwayo, kutani ndzi ta va humesela makhombo hi matlhelo hinkwawo, ku vula Yehovha.

Yeremiya 49:29

Mi nga phanga matende ya vona, ni tinyimpfu ta vona, ni mitsonga ya vona, ni tinhundzu ta vona, ni tikamela ta vona, kutani mi huwelela, mi ku: ‘Ka chavisa matlhelo hinkwawo.’

Yeremiya 46:23

Va tsema xihlahla xa yena, ku vula Yehovha, hambi xi nga ngheniwi hikwalaho ka ku tlhuma; hikuva va tele ku tlurisa tinjiya, va nga ka va nga hlayiwi.

Esaya 60:6

Tikamela to tala, ni tikamela letintshwa ta Midiyani, ni ta Efa, ti ta ku funengeta; hinkwavo va Xeba va ta ta, va ta tisa nsuku ni mirhi ya risuna, kutani va ta tlangela Yehovha.

Esaya 13:20

A nga ka a nga ha pfuxiwi ni siku ni rin'we, vanhu va nga ka va nga aki kona ku yisa etinxakeni ta tinxaka. Muarabu a nga ka a nga dzimi mitsonga ya yena kona, ni varisi va nga ka va nga aki matshanga kona.

Risimu ra Tinsimu 1:5

Ndzi wa ntima, kambe ndzi sasekile, n'wina, vanhwanyana va Yerusalema, Ndzi fana ni matende ya le Kedari, ni tinguvu ta mitsonga ya Solomoni.

1 SAMIELE 30:17

Kutani Davhida a va hlasela, a sungula nimixo ku fika nimadyambu ya siku leri tlhandlamaka; a ku balekanga na un'we loko ma nga ri majaha ya 400 lama khandziyeke tikamela, ma tsutsuma ha tona.

Vaavanyisi 8:21

Kutani Zeba na Salmuna va ku eka yena: “Yima wena u hi dlaya, hikuva munhu hilaha a nga hakona, matimba ya yena na wona ma tano.” Kutani Gidiyoni a yima, a dlaya Zeba na Salmuna, a teka ni swibombiso leswi ngi swi ri etinhan'wini ta tikamela ta vona.

Duteronoma 28:33

Tiko leri u nga ri tiviki ri ta dya mihandzu ya misava ya wena ni ya mitirho ya wena hinkwayo; kambe u ta xanisiwa ni ku khandliwa ntsena hi masiku hinkwawo;

Yeremiya 51:14

Yehovha wa tinyimpi u hlambanya hi ku hanya ka yena, a ku: E, kunene ndzi ta ku tatisa hi vanhu kukotisa loko ti ri tinjiya, va ta ku bela nkosi.