Vaavanyisi 6:12 - Xitsonga (Bibele)

¹² Kutani ntsumi ya Yehovha yi humelela eka yena, yi ku eka yena: “Yehovha u na wena, wanuna wa matimba.”

BIBELE Mahungu Lamanene

¹² Kutani ntsumi yi tikomba eka Gidiyoni, yi ku ka yena: “We nhenha ya xivindzi, HOSI Xikwembu xi na wena!”

Vaavanyisi 6:12 Referans Kwoze

Luka 1:28

Ntsumi, kuteloko yi fike eka yena, yi ku: “Avuxeni, mutsetseleriwa, Hosi yi na wena; u katekile exikarhi ka vavasati.”

Yoxuwa 1:5

A ku na munhu la nga ta tiya ku yima emahlweni ka wena hi masiku hinkwawo ya vutomi bya wena; hilaha ndzi byeleke Muxe hakona, ndzi ta va na wena, ndzi nga ka ndzi nga ku tshiki, ndzi nga ka ndzi nga ku siyi.

Vaavanyisi 2:18

Kakuloko Yehovha a a va humesela vaavanyisi, Yehovha a a ri ni muavanyisi, a a va lamulela emavokweni ya valala va vona hi masiku hinkwawo ya muavanyisi, hikuva Yehovha a a hundzuka hi ku twa swirilo swa vona loko va ririsiwa hi lava va va xanisaka ni lava va va karhataka.

Yoxuwa 1:9

Xana a ndzi ku lerisanga ndzi ku: ‘Tiya mbilu, u tiya: u nga chavi, u nga tsemeki nhlana; hikuva Yehovha, Xikwembu xa wena, xi na wena hinkwako laha u nga ta ya kona.’ ”

Luka 1:11

Kutani ntsumi ya Hosi yi tikombisa eka Zakariya, yi yimile etlhelweni ra xinene ra alitari ya magandzelo.

Vaavanyisi 13:3

Kutani ntsumi ya Yehovha yi humelela eka wansati, yi ku eka yena: “Languta, u mhika, a ku veleki, kambe u ta tika, u va u veleka n'wana wa wandzisanyana.

Eksoda 3:12

Xikwembu xi ku: “Ndzi ta va na wena. Xikombiso xa leswaku hi mina la ku rhumaka, hi lexi: kutakuloko u humesile tiko ra mina eEgipta, mi ta tirhela Xikwembu entshaveni leyi.”

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina hi masiku hinkwawo, ku ko ku hela misava.”

Matewu 1:23

“Maswivo, wanhwana u ta tika nyimba, u ta veleka n'wana wa wandzisanyana vito ra yena, u ta churiwa Emanuwele”; loko va hlamusela hileswaku: “Xikwembu xi na hina.”

Rhuti 2:4

Enkarhini lowo Bowazi a pfa eBetlehema, a ku eka lava tshovelaka: “Yehovha a ve na n'wina!” Va n'wi hlamula, va ku: “Yehovha a a ku katekise!”

Vaavanyisi 6:11

Kutani ntsumi ya Yehovha yi ta, yi tshamisa ehansi ka nsinya wa munga lowu nga eOfira, wa Yowasi, Muabiezere. Gidiyoni, n'wana wa yena, a a ri karhi a hula mavele exikhuvutelweni, leswaku a ta ya fihlela Vamidiyani.

Vaavanyisi 6:13

Gidiyoni a ku eka yona: “Yo! N'wini wanga, loko ngi Yehovha a ri na hina, leswo hinkwaswo a swi ta hi humelerisa ku yini? Ma kwihi masingita ya yena hinkwawo lawa vatata wa hina va hi byeleke wona va ku: ‘Xana a hi Yehovha la nga hi humesa eEgipta?’ Sweswi Yehovha u hi fularhele, u hi nyiketile emavokweni ya Vamidiyani.”

1 SAMIELE 10:7

Kutakuloko swikombiso leswi swi ku humelela, u ta endla leswi nga ta va emahlweni ka wena, hikuva Xikwembu xi na wena.

Duteronoma 20:1

“Kutakuloko u huma nyimpi ku ya lwa ni valala va wena, ni loko u vona tihanci ni tigolonyi, ni nyimpi leyi ku tlulaka hi ku tala, u nga tshuki u va chava, hikuva Yehovha, Xikwembu xa wena, u na wena, yena la ku humeseke etikweni ra Egipta.

Vaavanyisi 11:1

Yefta, Mugiliyadi, a a ri nhenha, n'wana wa nghwavava, a tswariwile hi Giliyadi.