Vaavanyisi 6:1 - Xitsonga (Bibele)

¹ Vana va Israele va engeta va endla leswo biha emahlweni ka Yehovha kutani Yehovha a va nyiketa emavokweni ya Vamidiyani hi malembe ya ntlhanu na mambirhi.

BIBELE Mahungu Lamanene

¹ Vaisraele va endla leswo biha emahlweni ka HOSI Xikwembu, kutani xi va nyiketa emavokweni ya Vamidiyani ku ringana malembe ya 7.

Vaavanyisi 6:1 Referans Kwoze

Vaavanyisi 2:11

Kutani Vaisraele va endla leswo biha emahlweni ka Yehovha, va tirhela Baali.

Genesa 25:2

Nsati yeloyi, a n'wi velekela Zimrana, Yokixani, Medani, Midiyani, Yixibaka na Xuwaka.

Habakuku 3:7

Ndzi vone mitsonga ya Etiyopiya yi yimile hi khombo, ku rhurhumela ni tinguvu ta matende ya tiko ra Midiyani.

Vaheveru 11:32

Kutani ndzi nga engeta ndzi vula tihi-ke? Kasi ndzi nga heleriwa hi nkarhi loko ndzi vula ta Gidiyoni, ni ta Baraka, ni ta Samsoni, ni ta Yefta, ni ta Davhida, ni ta Samiele, ni ta vaprofeta;

Genesa 37:28

Kakuloko ku hundza vaxavi valavo, Vamidiyani, va koka Yosefa va n'wi humesa ekheleni, kutani va n'wi xavisa eka Vaiximaele hi mali yo basa ya makume mambirhi ya tixikele. Kutani valavo va famba na Yosefa eEgipta.

Tinhlayo 22:4

Kutani Mowabu a ku eka vakulu va Midiyani: “Vunyingi lebyi, byi ta dya tiko hinkwaro leri hi rhendzeleke kukotisa tihomu loko ti heta rilambyana ra nhova.” Balaka, n'wana Siporo, a a ri hosi ya Mowabu enkarhini wolowo.

Vaavanyisi 6:13

Gidiyoni a ku eka yona: “Yo! N'wini wanga, loko ngi Yehovha a ri na hina, leswo hinkwaswo a swi ta hi humelerisa ku yini? Ma kwihi masingita ya yena hinkwawo lawa vatata wa hina va hi byeleke wona va ku: ‘Xana a hi Yehovha la nga hi humesa eEgipta?’ Sweswi Yehovha u hi fularhele, u hi nyiketile emavokweni ya Vamidiyani.”

Vaavanyisi 10:7

Kutani ku kariha ka Yehovha ku pfurhela va Israele; a va nyiketa emavokweni ya Vafilista, ni le mavokweni ya vana va Amoni.