Vaavanyisi 5:8 - Xitsonga (Bibele)

⁸ Kakuloko Vaisraele va hlawula swikwembu leswintshwa, Nyimpi yi humelela etinyangweni. Xana xitlhangu, kumbe tlhari a ri kumiwa Eka Vaisraele va 40 000 xana?

BIBELE Mahungu Lamanene

⁸ Loko Vaisraele va hlawula swikwembu swin'wana, nyimpi a yi pfurha etinyangweni ta vona. Exikarhi ka vavanuna va Israele va 40 000, a ku ri hava ni un'we loyi a a khome xitlhangu kumbe tlhari.

Vaavanyisi 5:8 Referans Kwoze

Vaavanyisi 2:17

Na swona a va yingisangi vaavanyisi va vona, kambe va tinyiketa eka swikwembu swin'wana, va swi khinsamela, kutani va hatlisa ku hambuka endleleni leyi vatata wa vona va nga famba ha yona, loko va ri karhi va yingisa milawu ya Yehovha, kambe vona a va endlanga swona.

Vaavanyisi 2:12

Va fularhela Yehovha, Xikwembu xa vatata wa vona, la nga va humesa etikweni ra Egipta; va landzela swikwembu swin'wana, swi nga swikwembu swa matiko lawa ma va rhendzeleke, va swi khinsamela va karihisa Yehovha.

Vaavanyisi 4:3

Kutani vana va Israele va huwelela eka Yehovha hikwalaho ka tigolonyi ta nsimbhi ta Sisera ta 900; kambe vana va Israele va xanisiwa hi yena hi malembe ya makume mambirhi.

Vaavanyisi 5:7

Vafambisi a va pfumaleka, a va pfumaleka eIsraeleni, Ku fika loko ndzi humelela, mina Debora, Ndzi yima kukota mana wa Israele.

Vaavanyisi 5:11

Exikarhi ka swihlovo swa mati, lava copaka miseve A va dzunise mitirho yo lulama ya Yehovha, Mitirho yo lulama ya vafambisi va Israele! “Kutani tiko ra Yehovha ri xikela etinyangweni.

Yeremiya 19:4

hikuva va ndzi tshikile, kutani va sandzile xivandla lexi, hikuva kona, mirhi ya risuna, va yi hisele swikwembu swin'wana leswi nga ka swi nga tiviwi hi vona, ni vatata wa vona, ni tihosi ta Yuda, kutani va tatile xivandla lexi hi ngati ya lava nga riki na nandzu;