Vaavanyisi 5:28 - Xitsonga (Bibele)

²⁸ “Mana wa Sisera a languta hi fasitere, Emavonini ya fasitere a huwelela: ‘Golonyi ya yena yi hlwele ha yini ku fika xana? Tigolonyi ta yena ti famba khwatsi ha yini-ke?’

BIBELE Mahungu Lamanene

²⁸ “Mana wa Sisera a hlometela a ri karhi a vilela, a yimile efasitereni, a ku: ‘Kalichi ya yena yi hlwelela yini ku vuya, hikwalaho ka yini mpfumawulo wa swinondzwana swa tihanci ta yena wu nga twakali, xana?’

Vaavanyisi 5:28 Referans Kwoze

Yakobo 5:7

Loko swi ri tano, vamakwerhu, lehisani timbilu, Hosi yi ko yi ta. Vonani, murimi u langutela mihandzu leyi pfumariwaka ya misava, a ri karhi a lehisa mbilu ya yena, a ko a nyikiwa mpfula ya ku sungula ni leya makumu.

Risimu ra Tinsimu 8:14

Suka, u tsutsuma, murhandziwa wanga! Kukotisa ntswele ya mhala, kumbe rhole ra timbavala, Etintshaveni ta mirhi ya risuna!

Risimu ra Tinsimu 2:9

Murhandziwa wa mina u fana ni mhala, Kumbe rhole ra mbavala: Vona, u yime endzhaku ka rihlampfu ra rikwerhu, U languta hi mafasitere, u hlometela hi fasitere.

Swivuriso 7:6

A ndzi yimile efasitereni ra yindlu ya mina, Ndzi languta hi tinhi ta rona.

2 TIHOSI 1:2

Ahaziya a wa hi fasitere ra yindlu ya yena leyi tlakukeke, leyi ngi yi ri Samariya, kutani a vabya. A rhuma tintsumi, a ku eka tona: “Fambani, mi ya vutisa Baala-Zebubu, xikwembu xa Ekroni, ndzi ta tiva xana ndzi ta hanya evuvabyini lebyi.”

Vaavanyisi 4:15

Kutani Yehovha a hangalasa Sisera ni tigolonyi ta yena hinkwato, ni mavandla ya yena hinkwawo hi ku kariha ka fumu, emahlweni ka Baraka; Sisera a xika egolonyini ya yena, a baleka hi milenge.

Vaavanyisi 5:27

A korhama emilengeni ya yena, a wa, a lo lulululu, A korhama emilengeni ya yena, a wa, Laha a korhameke kona, hi kona a weleke ehansi, a fa.

Vaavanyisi 5:29

Vavasati va vutlhari va rikwavo, va n'wi hlamula, Na yena a tihlamula, a ku: