Vaavanyisi 4:7 - Xitsonga (Bibele)

⁷ Ndzi ta kokela eka wena, enambyeni wa Kixoni, Sisera, mufambisi wa mavandla ya Yabini, ni tigolonyi ta yena, ni tiko ra yena ndzi ta va nyiketa emavokweni ya wena.”

BIBELE Mahungu Lamanene

⁷ Kutani mina HOSI ndzi ta yenga Sisera mufambisi wa mavuthu ya Yabini, a ta hlangana na wena exinambyaneni xa Kixoni, a ri ni makalichi ni masocha ya yena; kutani mina ndzi ta n'wi nyiketa emavokweni ya wena.’ ”

Vaavanyisi 4:7 Referans Kwoze

1 TIHOSI 18:40

Kutani Eliya a ku eka vona: “Khomani vaprofeta va Baali, ku nga baleki na un'we.” Va va khoma. Kutani Eliya a va ngirimerisa exinambyaneni xa Kixoni, a va dlaya kona.

Vaavanyisi 5:21

Nambu wa Kixoni wu va kukurile, Nambu wa khale, nambu wa Kixoni. Oho! Moya wanga, u kandziyela va matimba ehansi.

1 SAMIELE 24:18

Kutani a ku eka Davhida: “Wa ndzi tlula hi ku lulama, hikuva u ndzi tlherisele leswinene, kambe mina ndzi ku tlherisele leswo biha.

1 SAMIELE 24:10

Kutani Davhida a ku eka Sawulo: “U yingisela yini marito ya vanhu lava ku byelaka, va ku: ‘Waswivo, Davhida a lava ku ku dyohela’?

Vaavanyisi 4:14

Kutani Debora a ku eka Baraka: “Tlhandluka, hikuva hi rona siku leri Yehovha a nga ta nyiketa Sisera emavokweni ya wena! Xana Yehovha a nga ku rhangelangi emahlweni xana?” Hikwalaho Baraka a rhelela entshaveni ya Taboro, a landzeriwa endzhaku hi vanhu va 10 000.

Yoxuwa 10:8

Kutani Yehovha a ku eka Yoxuwa: “U nga va chavi hikuva ndzi va nyiketile emavokweni ya wena, ku nga ka ku nga tiyi ni un'we emahlweni ka wena.”

Yoxuwa 8:7

Loko mi ri n'wina, mi ta pfuka eku tumbeleni mi ta nghena emutini, kutani Yehovha Xikwembu xa n'wina, xi ta wu nyiketa emavokweni ya n'wina.

Eksoda 21:13

Loko a nga n'wi dlayanga ha vomu, kambe Xikwembu xi n'wi dlele hi voko ra yena, ndzi ta ku lavela xivandla laha a nga ta balekela kona.

Eksoda 14:4

Ndzi ta nonon'hwisa mbilu ya Faro, u ta va landza; kambe ndzi ta tidzunisa ha Faro ni nyimpi ya yena hinkwayo; Vaegipta va ta tiva leswaku hi mina Yehovha.” Kutani va endlisa sweswo.

Yoxuwa 11:20

Hikuva a swi huma ka Yehovha leswi va nonon'hwiseke timbilu ta vona ku lwa na Israele, leswaku a va yirisa va nga kumi tintswalo, kambe a va heta hilaha Yehovha a leriseke Muxe hakona.

Yoxuwa 11:6

Yehovha a ku eka Yoxuwa: “U nga tshuki u va chava, hikuva mundzuku, enkarhini lowo, ndzi ta va nyiketa hinkwavo va tlhaviwile emahlweni ka Israele; u ta tsema milenge ya tihanci ta vona, u hisa ni tigolonyi ta vona endzilweni.”

Vaavanyisi 4:8

Kutani Baraka a ku eka yena: “Loko hi famba kun'we ndzi ta famba, loko hi nga fambi kun'we ndzi nga ka ndzi nga fambi.”

Eksoda 14:8

Kambe Yehovha a nonon'hwisa mbilu ya Faro, hosi ya Egipta, leswaku a landza vana va Israele, hikuva vana va Israele a va humile hi voko ra matimba.

Eksoda 14:17

Kambe mina ndzi ta nonon'hwisa timbilu ta Vaegipta, va ta mi landzela; kutani ndzi ta tidzunisa ha Faro ni nyimpi ya yena hinkwayo, ni makalichi ya yena, ni 12 va khandziyaka tihanci.