Vaavanyisi 4:21 - Xitsonga (Bibele)

²¹ Kutani Yaele, nsati wa Hebere, a hlumula mhingu ya yindlu, a tamele nyundzu hi voko, kutani a tshinela ekusuhi na Sisera hi ku nyanimela a n'wi bela exihlayeni hi mhingu yi huma ni le hansi, loko a ri karhi a etlele ngopfu, a karhele, kutani a fa.

BIBELE Mahungu Lamanene

²¹ Kambe loko Sisera a ha etlele hikwalaho ka ku karhala ngopfu, Yaele nkata Hebere a teka mhingu ya ntsonga, a teka ni nyundzu, a ya eka Sisera hi ku nyandlamela, a fika a belela mhingu enhlokweni ya Sisera, yi phohla yi ya tlhava ni le hansi, a fisa sweswo.

Vaavanyisi 4:21 Referans Kwoze

1 Vakorinto 1:27

kambe Xikwembu xi tihlawulele swihunguki swa misava, leswaku swi khomisa va vutlhari tingana; ni leswi tsaneke swa misava, Xikwembu xi tihlawulele swona, ku khomisa vamatimba tingana;

Pisalema 3:7

Pfuka Yehovha! U ndzi ponisa, Xikwembu xanga! Hi wena la baka marhama ya valala va mina hinkwavo, U tshova meno ya lavo homboloka.

Vaavanyisi 3:21

Kutani Ehudi a yisa voko ra yena ra ximatsi, a khoma banga endzhumbini wa xinene wa yena, a n'wi tlhava ekhwirini.

1 Vakorinto 1:19

Hikuva ku tsariwile leswaku: “Ndzi ta herisa vutlhari bya lavo tlhariha; ndzi ta hundzula ku tiva ka vativi swahava.”

1 SAMIELE 17:43

Kavaloko Mufilista a ku eka Davhida: “Xana ndzi mbyana, leswi u taka ka mina hi tinhonga!” Kutani Mufilista a rhuketela Davhida hi swikwembu swa yena.

Vaavanyisi 15:15

Kutani a vona rihlaya leri tsakamaka ra mbhongolo, a ri teka, kutani a dlaya vanhu va 1 000 ha rona.

Vaavanyisi 3:31

Endzhaku ka Ehudi a ku ri na Xamgari, n'wana Anati, la nga dlaya Vafilista va 600 hi mbhingo wa tihavi; na yena a lamulela Israele.

Vaavanyisi 4:9

Debora a ku: “Ku ya, ndzi ta ya na wena, kambe u nga ka u nga voni ku dzunisiwa endleleni leyi u nga ta famba ha yona, hikuva Yehovha u ta nyiketa Sisera emavokweni ya wansati.”

Vaavanyisi 4:20

Sisera a engeta kambe, a ku eka yena: “Yima enyangweni ya yindlu kutakuloko ku ta munhu, a vutisa a ku: ‘Xana munhu u kona kwalaho?’ u ta ku: ‘A ku na munhu.’ ”

Vaavanyisi 4:22

Kutani Baraka a fika, a ri karhi a hlongorisa Sisera; kutani Yaele a huma a ya hlangana na yena, a ku eka yena: “Tana, ndzi ku kombisa munhu loyi u n'wi lavaka.” Kutani Baraka a nghena endlwini ya yena a vona Sisera a etlele a file, mhingu yi ri exihlayeni xa yena.