Vaavanyisi 4:10 - Xitsonga (Bibele)

¹⁰ Debora a suka a ya eKedexe a ri na Baraka. Kutani Baraka a vitanela eKedexe va Zebuloni ni va Neftali, a tlhandluka a ri ni vanhu va 10 000, na yena. Debora a tlhandluka na yena.

BIBELE Mahungu Lamanene

¹⁰ Kutani Baraka a vitana va ka Zebuloni ni va ka Neftali, va tlhandlukela emutini wa Kedexe, va ri na Debora. Vavanuna lava a va fambisiwa hi Baraka a va ringana 10 000.

Vaavanyisi 4:10 Referans Kwoze

Vaavanyisi 5:18

Zebuloni i tiko leri nga chaviki rifu, Na yena Neftali swi va tano Eswitsungeni swa le nhoveni.

Vaavanyisi 5:15

Tihosana ta Isakara ti ta na Debora, va Isakara na Baraka va n'wi landza enkoveni. Eswinambyaneni swa Rhuveni, Ku endliwile makungu lamakulu ya timbilu.

Vaavanyisi 4:14

Kutani Debora a ku eka Baraka: “Tlhandluka, hikuva hi rona siku leri Yehovha a nga ta nyiketa Sisera emavokweni ya wena! Xana Yehovha a nga ku rhangelangi emahlweni xana?” Hikwalaho Baraka a rhelela entshaveni ya Taboro, a landzeriwa endzhaku hi vanhu va 10 000.

1 TIHOSI 20:11

Hosi ya Israele yi hlamula yi ku: “Fambani, mi ku eka yena: ‘La tibohaka hi vamba a nga tshuki a tidzunisa kukotisa loyi a ri tshunxaka.’ ”

1 SAMIELE 25:27

Sweswi, nhlengo lowu nandza wa wena a wu tiselaka hosi yanga, u nga wu nyika majaha lama landzaka hosi yanga.

Vaavanyisi 4:6

Kutani Debora a rhuma a vitana Baraka n'wana Abinowama, wa Kadexe-Neftali, a ku eka yena: “Xana Yehovha, Xikwembu xa Israele a nga lerisangi mhaka leyi xana? Yana u khandziya ntshava ya Taboro u ri ni vavanuna va 10 000 va vana va Neftali ni vana va Zebuloni.

Eksoda 11:8

Kutani malandza hinkwawo walawo ya wena ma ta ta eka mina, ma ta ndzi khinsamela, ma ku: “Suka wena ni tiko hinkwaro ra wena leri ku landzaka. Hi kona ndzi nga ta suka.” Kutani Muxe a suka emahlweni ka Faro a karihile ngopfu.

Vaavanyisi 6:35

Kambe a rhumela tintsumi eka va Manase hinkwavo, na vona va hlengeletana eka yena hi mukhosi; a rhumela tintsumi ni le ka va Asere, ni le ka va Zebuloni, ni le ka va Neftali; na vona va tlhandluka ku ta hlangana na vona.

Pisalema 68:28

Xikwembu xa wena xi lerisa leswaku u va ni matimba; Tiyisa Xikwembu, ntirho lowu u hi endleleke wona!