Vaavanyisi 3:16 - Xitsonga (Bibele)

¹⁶ Kutani Ehudi a tiendlela banga leri nga ni vukari hi matlhelo mambirhi, ku leha ka rona xi ri xisungunhu xin'we kutani a ri boha endzhumbini wa yena wa xinene ehansi ka nkhancu wa yena.

BIBELE Mahungu Lamanene

¹⁶ Hiloko Ehudi a tiendlela mukwana wa kwalomu ka 50 cm hi ku leha, lowu lotiweke hala ni hala, a wu khweketa enyongeni ya xinene, a wu tumbeta hi swiambalo.

Vaavanyisi 3:16 Referans Kwoze

Nhlavutelo 2:12

“Tsalela ni ntsumi ya kereke ya Pergamo, u ku: “ ‘La nga ni tlhari leri karihaka hi matlhelo mambirhi, u vulavula sweswo u ri:

Nhlavutelo 1:16

A a khomile tinyeleti ta ntlhanu na timbirhi evokweni ra yena ra xinene; enon'wini wa yena a ku huma tlhari leri karihaka hi matlhelo mambirhi, mombo wa yena a wu fana ni dyambu loko ri kwetsima hi matimba ya rona.

Vaheveru 4:12

Hikuva rito ra Xikwembu i rito leri hanyaka, leri tirhaka, leri karihaka ku tlula tlhari leri nga ni vukari hi matlhelo mambirhi, ri ya fika emahlanganweni ya mbilu ni moya, ni ka misiha ni mongo, kambe hi rona leri avanyisaka mianakanyo ni makungu ya timbilu.

Risimu ra Tinsimu 3:8

Hinkwavo va tamela matlhari, Va nga lava lulameleke hi ku lwa; Hinkwavo va ni matlhari ya vona eswifungheni swa vona Hikwalaho ka ku chava nivusiku.

Pisalema 149:6

Tinsimu ta Xikwembu a ti va emilon'wini ya vona, Ni matlhari lama karihaka matlhelo mambirhi eswandleni swa vona,

Pisalema 45:3

We nhenha! Tibohe banga ra wena etsheveni ra wena! I ku dzuneka ka wena ni ku kwetsima ka wena;

Vaavanyisi 3:21

Kutani Ehudi a yisa voko ra yena ra ximatsi, a khoma banga endzhumbini wa xinene wa yena, a n'wi tlhava ekhwirini.

Vaavanyisi 3:15

Kutani vana Vaisraele va huwelela eka Yehovha; Yehovha a va humesela mulamuleri, Ehudi, n'wana Gera, wa Benjamini, wanuna wa ximatsi. Kutani vana va Israele va rhumela ha yena ndzuvo eka Egiloni hosi ya Mowabu.

Vaavanyisi 3:17

Kutani a tisela Egiloni, hosi ya Mowabu, ndzuvo. Egiloni a a ri munhu la noneke ngopfu.

2 SAMIELE 20:8

A va ri ekusuhi ni ribye lerikulu leri nga eGibiyoni, loko Amasa a fika emahlweni ka vona; kambe Yowabu a a ambele nguvu leyi a yi toloveleke; ehenhla ka yona a ku ri ni vamba ra banga leri bohiweke exifungheni xa yena, ri ri enkotlotweni wa rona; kakuloko a ya emahlweni, ri wa.