Vaavanyisi 21:6 - Xitsonga (Bibele)

⁶ Kambe vana va Israele va va ni tingana hikwalaho ka vamakwavo, va Benjamini, va ku: “Nyimba yin'wana yi tsemiwile namuntlha eIsraeleni.

BIBELE Mahungu Lamanene

⁶ Vaisraele a va twela vamakwavo wa vona va ka Benjamini evusiwana, va ku: “Namuntlha exikarhi ka Vaisraele, nyimba yin'we a ya ha ri kona!

Vaavanyisi 21:6 Referans Kwoze

Vaavanyisi 21:15

Kambe tiko ri va ni tingana hikwalaho ka va Benjamini, hikuva Yehovha a a endlile xipetlu etinyimbeni ta Israele.

Hosiya 11:8

Xana ndzi nga ku lahla, Efrayimi! Ndzi ku tshika, wena Israele! Xana ndzi nga ku lahla, kukotisa muti wa Adama, ndzi ku endla ku fana na Seboyimi! Kambe e-e, mbilu ya mina yi hundzuka endzeni ka mina, mitsetselelo ya mina hinkwayo yi pfukile.

2 SAMIELE 2:26

Kavaloko Abinere a huwelela eka Yowabu, a ku: “Xana tlhari ri ta tshama ri heta vanhu xana? A ku swi tivi leswaku mbitsi yi ta va kona emakumo xana? U ta hlwela ku fika rini ku byela tiko va tshika ku hlongorisa vamakwavo xana?”

Vaavanyisi 20:23

Kutani vana va Israele va tlhandluka va ya rila emahlweni ka Yehovha, ku fika madyambu, va engeta va vutisa Yehovha, va ku: “Xana hi ta engeta hi ya lwa ni vamakwerhu, vana va Benjamini xana?” Yehovha a ku: “Tlhandlukani mi ya lwa na yena.”

Vaavanyisi 11:35

Kakuloko Yefta a n'wi vona, a handzula tinguvu ta yena, a ku: “Yo! N'wananga, u ndzi vavisile, u un'wana wa lava ndzi xanisaka; kasi ndzi ahlamisile nomu wa mina eka Yehovha; ndzi tsandzeka ku hundzuka.”

Vaavanyisi 21:5

Kutani vana va Israele va ku: “I va mani etinyimbeni hinkwato ta Israele lava nga tlhandlukelangiki eka Yehovha enhlengeletanweni?” Va vula sweswo hikuva a va hlambanyile hi ku hlambanya lokukulu hikwalaho ka lava nga ala ku tlhandlukela eka Yehovha eMispa, va ku: “Kunene va ta dlawa.”

Vaavanyisi 21:7

Hi ta va endlerisa ku yini lava seleke ku va nyika vavasati, leswi hi nga hlambanya eka Yehovha, hi ku: ‘Hi nga ka hi nga va nyiki vana va hina leswaku va va vasati va vona?’ ”