Vaavanyisi 21:5 - Xitsonga (Bibele)

⁵ Kutani vana va Israele va ku: “I va mani etinyimbeni hinkwato ta Israele lava nga tlhandlukelangiki eka Yehovha enhlengeletanweni?” Va vula sweswo hikuva a va hlambanyile hi ku hlambanya lokukulu hikwalaho ka lava nga ala ku tlhandlukela eka Yehovha eMispa, va ku: “Kunene va ta dlawa.”

BIBELE Mahungu Lamanene

⁵ Kutani va vutisana va ku: “Exikarhi ka tinyimba hinkwato ta Israele, xana va kona vanhu va nyimba yin'wana lava a va nga yanga emahlweni ka HOSI Xikwembu ehlengeletanweni ya le Mispa, xana?” A va vutisana hi mhaka ya leswi va endleke xitshembiso lexikulu hi ku hlambanya, hi tlhelo ra vanhu lava nga ta ka va nga yi emahlweni ka HOSI Xikwembu eMispa; a va bohile leswaku vanhu va kona va ta dlawa.

Vaavanyisi 21:5 Referans Kwoze

Vaavanyisi 5:23

“Rhuketelani Merozo, ku vula ntsumi ya Yehovha, Rhuketelani, rhuketelani lava akeke kona; Hikuva a va tangi ku ta pfuna Yehovha, Ku ta pfuna Yehovha kun'we ni lava matimba.

Yeremiya 48:10

A ku rhukaniwe la nga ta endla ntirho wa Yehovha hi ku loloha; ku rhukaniwa la alelaka fumu ra yena ngati!

1 SAMIELE 11:7

kutani a tlhava tihomu timbirhi a xindla tinyama ta tona, a endla mihluvi, kutani a yi rhumela hi vanhu etikweni hinkwaro ra Israele; a ku: “Un'wana ni un'wana loyi a nga tiki huma ku landza Sawulo na Samiele tihomu ta yena ti ta xindliwa hi mukhuva wolowo.” Kutani nchavo wa Yehovha wu khoma tiko, vanhu va huma kukota munhu un'we.

Vaavanyisi 21:18

Loko hi ri hina, hi nga ka hi nga va nyiki vana va hina, hikuva vana va Israele va hlambanyile leswaku: ‘A ku rhuketeriwe la nga ta nyika va Benjamini nsati.’ ”

Vaavanyisi 21:1

Vavanuna va Israele a va hlambanyile eMispa, va te: “A ku nga vi na un'we wa hina la nga ta nyika n'wana wa yena ku tekiwa hi va Benjamini.”

Vaavanyisi 21:6

Kambe vana va Israele va va ni tingana hikwalaho ka vamakwavo, va Benjamini, va ku: “Nyimba yin'wana yi tsemiwile namuntlha eIsraeleni.

1 SAMIELE 14:24

Vanhu va Israele a va karhele ngopfu siku leri, hikuva Sawulo a a hlambanyisile tiko, a ku: “A ku rhuketeriwe munhu la nga ta dya swakudya ku fikela nimadyambu, ndzi nga si tirihisela eka valala va mina!” Kutani a ku vanga na munhu la nantseke swakudya.