Vaavanyisi 21:12 - Xitsonga (Bibele)

¹² Kutani va kuma exikarhi ka lava akeke eYabexe wa Giliyadi, vanhwana va 400 lava nga tivanangiki ni vavanuna, kutani va va tisa emixaxeni, eXilo, etikweni ra Kanana.

BIBELE Mahungu Lamanene

¹² Kutani exikarhi ka vanhu va muti wa Yabexe-Giliyadi, va kuma vanhwanyana va 400 lava tengeke, lava nga si tshamaka va tivana ni wanuna, kutani va va teka va ya na vona emixaxeni ya le Xilo, etikweni ra Kanana.

Vaavanyisi 21:12 Referans Kwoze

Yoxuwa 18:1

Nhlengeletano hinkwayo ya vana va Israele yi hlangana eXilo; kutani va dzima kona tabernakela ya nhlengeletano, hikuva tiko a ri fumiwa hi vona.

Yeremiya 7:12

“ ‘Kambe yanani endhawini ya mina leyi nga eXilo, laha ngi ndzi akisile kona vito ra mina khale, kutani mi vona lexi ndzi xi endleke ha yona yindlu leyi hikwalaho ka vumbabva bya tiko ra mina ra Israele!

Pisalema 78:60

Xi tshika vuako bya Xilo, Ntsonga lowu ngi xi tshame eka wona exikarhi ka vanhu,

Vaavanyisi 20:23

Kutani vana va Israele va tlhandluka va ya rila emahlweni ka Yehovha, ku fika madyambu, va engeta va vutisa Yehovha, va ku: “Xana hi ta engeta hi ya lwa ni vamakwerhu, vana va Benjamini xana?” Yehovha a ku: “Tlhandlukani mi ya lwa na yena.”

Vaavanyisi 20:18

Kutani vana Vaisraele va suka, va tlhandlukela eBetele ku ya vutisa Xikwembu, va ku: “I mani eka hina la nga ta hi rhangela emahlweni ku lwa ni vana va Benjamini?” Yehovha a ku: “A ku rhange Yuda.”

Vaavanyisi 21:8

Kutani va ku: “Xana hi vahi va tinyimba ta Israele lava nga tlhandlukelangiki eka Yehovha eMispa xana?” Kutani va kuma leswaku a ku nga ri na un'we wa va Yabexe wa Giliyadi la tlhandlukeleke emixaxeni ni le nhlengeletanweni.

Vaavanyisi 21:11

Kambe lexi mi nga ta xi endla hi lexi: Mi ta dlaya vavanuna hinkwavo ni vavasati hinkwavo lava tivaneke ni vavanuna.”

Vaavanyisi 21:13

Kutani nhlengeletano hinkwayo yi rhumela ku ya twanana ni vana va Benjamini lava tshameke eribyeni ra Rimoni, ku va tivisa leswaku ku rhula ku kona.