Vaavanyisi 21:10 - Xitsonga (Bibele)

¹⁰ Kavaloko nhlengeletano yi rhumela kona vavanuna va tinhenha va 12 000, va va lerisa, va ku: “Fambani mi ya dlaya lava akeke eYabexe wa Giliyadi hi vukari bya tlhari, vavasati kun'we ni vana lavatsongo.

BIBELE Mahungu Lamanene

¹⁰ Hiloko ntshungu wu rhuma vavanuna va 12 000 va matimba swinene, wu va lerisa wu ku: “Fambani mi ya dlaya vaaki va muti wa Yabexe-Giliyadi hi fumu, mi dlaya ni vavasati ni swihlangi.

Vaavanyisi 21:10 Referans Kwoze

1 SAMIELE 11:7

kutani a tlhava tihomu timbirhi a xindla tinyama ta tona, a endla mihluvi, kutani a yi rhumela hi vanhu etikweni hinkwaro ra Israele; a ku: “Un'wana ni un'wana loyi a nga tiki huma ku landza Sawulo na Samiele tihomu ta yena ti ta xindliwa hi mukhuva wolowo.” Kutani nchavo wa Yehovha wu khoma tiko, vanhu va huma kukota munhu un'we.

Vaavanyisi 21:5

Kutani vana va Israele va ku: “I va mani etinyimbeni hinkwato ta Israele lava nga tlhandlukelangiki eka Yehovha enhlengeletanweni?” Va vula sweswo hikuva a va hlambanyile hi ku hlambanya lokukulu hikwalaho ka lava nga ala ku tlhandlukela eka Yehovha eMispa, va ku: “Kunene va ta dlawa.”

Vaavanyisi 5:23

“Rhuketelani Merozo, ku vula ntsumi ya Yehovha, Rhuketelani, rhuketelani lava akeke kona; Hikuva a va tangi ku ta pfuna Yehovha, Ku ta pfuna Yehovha kun'we ni lava matimba.

1 SAMIELE 15:3

Sweswi, famba u ya hlasela Amaleke, mi yirisa hinkwaswo leswi nga swa yena; u nga tshuki u n'wi tsetselela, kambe u ta dlaya vavanuna ni vavasati, ni vana ni swihlangi leswi an'waka ni tihomu ni tinyimpfu, ni tikamela ni timbhongolo.’ ”

Yoxuwa 7:24

Kavaloko Yoxuwa ni Vaisraele hinkwavo va khoma Akani, n'wana Zera, ni mali, ni nguvu, ni nsuku, ni vana va yena va xinuna ni va xisati, ni tihomu ta yena, ni timbhongolo ta yena, ni tinyimpfu ta yena, ni ntsonga wa yena, ni hinkwaswo swa yena, va swi yisa enkoveni wa Akora.

Duteronoma 13:15

hi kona u nga ta dlaya kunene hi tlhari vaaki va muti lowo, u wu yirisa ni hinkwaswo leswi nga eka wona, u dlaya ni swifuwo swa wona hi tlhari.

Tinhlayo 31:17

Sweswi, dlayani wanuna un'wana ni un'wana exikarhi ka swihlangi, mi dlaya ni vavasati hinkwavo lava tivaneke ni vavanuna.

Vaavanyisi 21:8

Kutani va ku: “Xana hi vahi va tinyimba ta Israele lava nga tlhandlukelangiki eka Yehovha eMispa xana?” Kutani va kuma leswaku a ku nga ri na un'we wa va Yabexe wa Giliyadi la tlhandlukeleke emixaxeni ni le nhlengeletanweni.

Vaavanyisi 21:9

Hikuva loko tiko ri hlayiwa, ku kumiwa leswaku a ku nga ri na un'we wa lava akeke eYabexe wa Giliyadi.