Vaavanyisi 21:1 - Xitsonga (Bibele)

¹ Vavanuna va Israele a va hlambanyile eMispa, va te: “A ku nga vi na un'we wa hina la nga ta nyika n'wana wa yena ku tekiwa hi va Benjamini.”

BIBELE Mahungu Lamanene

¹ Loko Vaisraele va ri eMispa, va hlambanyile va ku: “A ku na un'we wa hina loyi a nga ta pfumela leswaku n'wana wa yena a tekiwa hi munhu wa ka Benjamini.”

Vaavanyisi 21:1 Referans Kwoze

Vaavanyisi 20:1

Kutani vana va Israele hinkwavo, va huma ku sukela eDani ku ya fika eBerexeba ni le tikweni ra Giliyadi, Vaisraele va hlengeletana eMispa emahlweni ka Yehovha, kukotisa loko a ri munhu un'we.

Marka 6:23

A engeta a n'wi hlambanyela, a ku: “Leswi u nga swi kombelaka, ndzi ta ku nyika swona hambi ku ri ku ku avanyisela ku fuma ka mina hi le xikarhi.”

Timhaka 23:12

Kuteloko byi xile, Vayuda van'wana va endla ximhuku, va tiboha hi ku hlambanya, va ku va nga ka va nga dyi, va nga n'wi, va nga si dlaya Pawulo.

Eklesiasta 5:2

U nga tshuki u hatlisisa nomu wa wena, mbilu ya wena yi nga tshuki yi hatlisa ku vulavula mhaka emahlweni ka Xikwembu, hikuva Xikwembu xi le matilweni kasi wena u la emisaveni; loko swi ri tano, marito ya wena ma nga tshuki ma tala.

Vaavanyisi 21:18

Loko hi ri hina, hi nga ka hi nga va nyiki vana va hina, hikuva vana va Israele va hlambanyile leswaku: ‘A ku rhuketeriwe la nga ta nyika va Benjamini nsati.’ ”

Vaavanyisi 20:8

Kutani tiko hinkwaro ri yima kukotisa loko a ri munhu un'we, ri ku: “A ku nga vi na un'we wa hina la nga ta tlhelela entsongeni wa yena, hambi ku ri ku tlhelela endlwini ya yena.

Varhoma 10:2

Hikuva ndzi mbhoni ya vona, ndzi ri: Va hisekela Xikwembu, kambe ku nga ri hi ku tiva;

Yeremiya 4:2

Loko u hlambanya hi swinene, ni ku tiyisa, ni ku lulama u ku: ‘Yehovha wa hanya,’ matiko ma ta kateka ha yena, ma tidzunisa ha yena.”

1 SAMIELE 14:24

Vanhu va Israele a va karhele ngopfu siku leri, hikuva Sawulo a a hlambanyisile tiko, a ku: “A ku rhuketeriwe munhu la nga ta dya swakudya ku fikela nimadyambu, ndzi nga si tirihisela eka valala va mina!” Kutani a ku vanga na munhu la nantseke swakudya.

Vaavanyisi 21:7

Hi ta va endlerisa ku yini lava seleke ku va nyika vavasati, leswi hi nga hlambanya eka Yehovha, hi ku: ‘Hi nga ka hi nga va nyiki vana va hina leswaku va va vasati va vona?’ ”

Vaavanyisi 21:5

Kutani vana va Israele va ku: “I va mani etinyimbeni hinkwato ta Israele lava nga tlhandlukelangiki eka Yehovha enhlengeletanweni?” Va vula sweswo hikuva a va hlambanyile hi ku hlambanya lokukulu hikwalaho ka lava nga ala ku tlhandlukela eka Yehovha eMispa, va ku: “Kunene va ta dlawa.”

Vaavanyisi 20:10

Hi ta teka etinyimbeni hinkwato ta Vaisraele vavanuna va khume exikarhi ka va dzana, ni va dzana exikarhi ka va khume ra madzana, ni va khume ra madzana exikarhi ka va khume ra magidigidi, ku ya tekela tiko timbuva, kutani hi ya eGibeya wa Benjamini, hi ta wu endlela hi manyala hinkwawo lama endliweke hi vona eIsraeleni.”

Vaavanyisi 20:48

Kambe vavanuna va Israele va tlhelela eka vana va Benjamini lava seleke va va dlaya hi ku kariha ka fumu, ku sungula hi vanhu va miti ku yisa eka swifuwo ni swilo hinkwaswo swa kona; va hisa ni miti ya kona hinkwayo.

Vaavanyisi 21:22

Kutakuloko vatata wa vona, kumbe vamakwavo va vona va ta eka hina ku ta mi hehla, hi ta ku eka vona: Mi va tsetselela hikwalaho ka hina, hikuva a hi swi kotanga ku va khomela hinkwavo vavasati enyimpini; loko mi ri n'wina, hilaha mi nga hluleka ku va nyika vana va n'wina, a mi na nandzu.”

Yeremiya 40:6

Kutani Yeremiya a ya eka Gedaliya, n'wana Ahikama, eMispa, a tshama kona eka yena exikarhi ka tiko leri seleke etikweni ra Yuda.