Vaavanyisi 20:6 - Xitsonga (Bibele)

⁶ Kutani ndzi teka mbuya ya mina, ndzi yi endla swihlubyana, ndzi rhumela swihlubyana swa yona etikweni hinkwaro ra ndzhaka ya Israele, hikuva va Gibeya va endlile leswo biha ni manyala eIsraeleni.

BIBELE Mahungu Lamanene

⁶ Kutani ndzi teka ntsumbu wa nsati wa mina, ndzi wu tsemelela wu huma swirho, ndzi rhuma vanhu va swi yisa etikweni hinkwaro leri nga ndzhaka ya Vaisraele, hikuva leswi va ka Benjamini va swi endleke i ndzhukano ni manyala exikarhi ka Vaisraele.

Vaavanyisi 20:6 Referans Kwoze

Vaavanyisi 19:29

Kuteloko a fikile ekaya, a teka mukwana, a khoma mbuya ya yena, a avanyisa swirho swa yona hi swihlubyana swa khume na swimbirhi, a swi rhumela etikweni hinkwaro ra Israele.

Vaavanyisi 19:23

Kambe n'wini wa yindlu a humela eka vona, a ku eka vona: “E-e, vamakwerhu, mi nga endleni swo biha; leswi munhu loyi a hambukeleke eka mina, mi nga tshuki mi endla manyala yo nghasi.

Yoxuwa 7:15

Kutani loyi a nga ta kumiwa a ri ni leswo yila, u ta hisiwa ni hinkwaswo leswi nga swa yena, hikuva u tlurile ntwanano wa Yehovha, u endlile leswo biha ngopfu eIsraeleni.’ ”

Genesa 34:7

Kutani vana va Yakobo, loko va twa mhaka leyi, va vuya enhoveni, va vaviseka ngopfungopfu, va kariha swinene, hikuva Xikeme a a sandzile Israele siku a etleleke ni n'wana Yakobo, yi nga mhaka leyi nga fanelangiki.

Vaavanyisi 20:10

Hi ta teka etinyimbeni hinkwato ta Vaisraele vavanuna va khume exikarhi ka va dzana, ni va dzana exikarhi ka va khume ra madzana, ni va khume ra madzana exikarhi ka va khume ra magidigidi, ku ya tekela tiko timbuva, kutani hi ya eGibeya wa Benjamini, hi ta wu endlela hi manyala hinkwawo lama endliweke hi vona eIsraeleni.”

Levhitika 18:24

“ ‘Mi nga tshuki mi tinyamisa hi xilo xin'we swa swilo leswi: hikuva; matiko lawa ndzi ma hlongoleke emahlweni ka n'wina, ma tinyamisile hi swilo leswi hinkwaswo.

Levhitika 18:30

Mi ta hlayisa milawu ya mina, leswaku mi nga tshuki mi landza ni wun'we wa mikhuva leyo biha leyi landziweke hi vona mi nga si va kona; mi nga tshuki mi tinyamisa ha yona.’ Hi mina Yehovha, Xikwembu xa n'wina.”

Vaavanyisi 19:22

Va ku va ha tsakisa timbilu ta vona, vonani, vavanuna va muti, vanhu va Beliyali, va fika va rhendzela yindlu exikarhi, va bakanya rivanti, va vulavula ni wanuna wa xidyuhati, n'wini wa yindlu, va ku: “Humesela ehandle nuna la hambukeleke eka wena, hi ta n'wi tiva.”