Vaavanyisi 20:5 - Xitsonga (Bibele)

⁵ Kutani vini va Gibeya va ndzi pfukela matimba, va rhendzela yindlu exikarhi nivusiku, va ku va lave ku ndzi dlaya; kambe va tsongahatile mbuya ya mina yi kondza yi fa.

BIBELE Mahungu Lamanene

⁵ Hiloko vavanuna va muti wa Gibeya va ndzi tela, va rhendzela yindlu leyi a ndzi ri ka yona vusiku byebyo; kutani va teka nsati wa mina, va ya tlanga hi yena a kondza a fa, kambe makungu ya vona a ku ri ku dlaya mina.

Vaavanyisi 20:5 Referans Kwoze

Vaavanyisi 19:22

Va ku va ha tsakisa timbilu ta vona, vonani, vavanuna va muti, vanhu va Beliyali, va fika va rhendzela yindlu exikarhi, va bakanya rivanti, va vulavula ni wanuna wa xidyuhati, n'wini wa yindlu, va ku: “Humesela ehandle nuna la hambukeleke eka wena, hi ta n'wi tiva.”

Duteronoma 22:24

mi ta va humesa havambirhi enyangweni ya muti lowo, mi va khandla hi maribye va fa: wanhwana u ta fa hikuva a nga huwelelanga emutini, ni wanuna u ta fa hikuva u khomisile nsati wa warikwavo tingana. Sweswo u ta susa lowo biha exikarhi ka wena.

Duteronoma 22:21

va ta humesa wansati enyangweni ya yindlu ya tata wa yena, kutani vanhu va muti wa yena va ta n'wi khandla hi maribye, a ko a fa, hikuva u endlile xivi lexikulu ngopfu eIsraeleni hi ku oswa endlwini ya tata wa yena. Hi sweswo u nga ta susa lowo biha exikarhi ka wena.

Vaavanyisi 19:28

A ku eka yena: “Pfuka, hi famba.” Kambe a nga hlamulanga nchumu. Kutani nuna yeloyi a n'wi khandziyisa mbhongolweni, a famba, a ya fika ekaya.

Vaavanyisi 20:4

Kutani Mulevhi, nuna wa nsati la dlayiweke, a hlamula, a ku: “A ndzi hambukele eGibeya wa Benjamini ni mbuya ya mina ku etlela kona vusiku.

Levhitika 18:24

“ ‘Mi nga tshuki mi tinyamisa hi xilo xin'we swa swilo leswi: hikuva; matiko lawa ndzi ma hlongoleke emahlweni ka n'wina, ma tinyamisile hi swilo leswi hinkwaswo.

Yoxuwa 7:15

Kutani loyi a nga ta kumiwa a ri ni leswo yila, u ta hisiwa ni hinkwaswo leswi nga swa yena, hikuva u tlurile ntwanano wa Yehovha, u endlile leswo biha ngopfu eIsraeleni.’ ”