Vaavanyisi 2:7 - Xitsonga (Bibele)

⁷ Kutani tiko ri tirhela Yehovha hi masiku hinkwawo ya Yoxuwa, ni masiku hinkwawo lawa vakulukumba va nga hanya ha wona endzhaku ka Yoxuwa, va ri lava voneke mitirho hinkwayo leyikulu leyi Yehovha a yi endleleke vana va Israele.

BIBELE Mahungu Lamanene

⁷ Kutani Vaisraele va tirhela HOSI Xikwembu enkarhini wa Yoxuwa ni le nkarhini wa vakulukumba lava hanyeke ku tlula yena, lava voneke mintirho hinkwayo leyikulu leyi HOSI Xikwembu xi yi endleleke Vaisraele.

Vaavanyisi 2:7 Referans Kwoze

Vafilipiya 2:12

Varhandziwa va nga, kukotisa loko mi yingisile hi masiku, ku nga ri loko ndzi ri eka n'wina ntsena, kambe ngopfungopfu loko ndzi nga ri kona, tirhelani ku hlayiseka ka n'wina hi nchavo ni ku rhurhumela;

Yoxuwa 24:31

Kutani Israele a tirhela Yehovha hi masiku hinkwawo ya Yoxuwa, ni masiku hinkwawo ya vakulukumba lava lehiseke masiku ya vona endzhaku ka Yoxuwa, lava nga tiva ntirho hinkwawo lowu Yehovha a nga wu endlela Israele.

2 TIKRONIKA 24:2

Yowasi a endla leswi lulameke emahlweni ka Yehovha eku hanyeni hinkwako ka Yehoyada, muprista.

2 TIHOSI 12:2

Yowasi a endla leswi lulameke emahlweni ka Yehovha hi masiku hinkwawo ya yena, hikuva muprista Yehoyada a a n'wi dyondzisa.

Vaavanyisi 2:6

Yoxuwa, kuteloko a tlherisile tiko, vana va Israele va muka, un'wana ni un'wana endzhakeni ya yena ku fuma tiko.

Vaavanyisi 2:8

Kutani Yoxuwa, n'wana Nuni, nandza wa Yehovha, a fa a ri ni malembe ya dzana ni khume.

Vaavanyisi 2:17

Na swona a va yingisangi vaavanyisi va vona, kambe va tinyiketa eka swikwembu swin'wana, va swi khinsamela, kutani va hatlisa ku hambuka endleleni leyi vatata wa vona va nga famba ha yona, loko va ri karhi va yingisa milawu ya Yehovha, kambe vona a va endlanga swona.