Vaavanyisi 2:5 - Xitsonga (Bibele)

⁵ Hikwalaho, va thya xivandla xexo vito ra Bokimi (varili), kutani va humesela Yehovha magandzelo kona.

BIBELE Mahungu Lamanene

⁵ Kutani va thya ndhawu leyi evito ra Bokimi (hileswaku: “Lava rilaka”), kutani va humesela HOSI Xikwembu emagandzelo exivandleni lexi.

Vaavanyisi 2:5 Referans Kwoze

1 SAMIELE 7:9

Kutani Samiele a teka xinyimpfana lexi an'waka, a xi humesela Yehovha hinkwaxo, yi va holokosta eka yena; kavaloko Samiele a khongelela Israele eka Yehovha, kutani Yehovha a n'wi hlamula.

Vaavanyisi 13:19

Kutani Manowaka a teka ximbutana ni nhlengo a swi humesela Yehovha eribyeni. Kutani ntsumi yi endla lexi hlamarisaka, Manowaka ni nsati wa yena va ri karhi va langutile.

Vaavanyisi 6:24

Kutani Gidiyoni a akela Yehovha alitari kona, a yi thya vito ra Yehova-salomo (Yehovha wa ku rhula). Ya ha ri kona, eOfira wa va Abiezere ni namuntlha.

Yoxuwa 7:26

Kambe va aka ehenhla ka yena nhulu leyikulu leyi nga kona ni namuntlha. Kutani Yehovha a tlhela evukarini lebyikulu bya yena; hikwalaho va thya, ni namuntlha, ndhawu leyi, nkova wa Akora (ku pfilunganya).

Genesa 35:8

Kutani Debora, muan'wisi wa Rhaveka, a fa, a lahliwa ehansi ka Betele, ehansi ka nkuhlu; hikwalaho va wu thya vito ra Nkuhlu-wa-mikosi.

Vaavanyisi 2:1

Kutani ntsumi ya Yehovha yi suka eGiligala yi tlhandlukela eBokimi, yi ku: “Ndzi te ndzi ta mi humesa eEgipta, ndzi mi tisa etikweni leri ndzi hlambanyeke leswaku ndzi ta ri nyika vatata wa n'wina; a ndzi te, ndzi nga ka ndzi nga onhi ni siku ni rin'we ntwanano wa mina lowu ndzi wu endleke na n'wina.

Vaavanyisi 2:4

Kakuloko ntsumi ya Yehovha ya ha vulavula timhaka teto eka vana va Israele hinkwavo, tiko ri kolola hi ku rila.

Vaavanyisi 2:6

Yoxuwa, kuteloko a tlherisile tiko, vana va Israele va muka, un'wana ni un'wana endzhakeni ya yena ku fuma tiko.