Vaavanyisi 2:4 - Xitsonga (Bibele)

⁴ Kakuloko ntsumi ya Yehovha ya ha vulavula timhaka teto eka vana va Israele hinkwavo, tiko ri kolola hi ku rila.

BIBELE Mahungu Lamanene

⁴ Loko ntsumi ya HOSI Xikwembu yi byerile Vaisraele emarito lawa, hinkwavo va sungula ku rila.

Vaavanyisi 2:4 Referans Kwoze

Yakobo 4:9

Mi va ni nhlomulo, mi rila, mi kolola; mahleko ya n'wina a ma hundzuke swirilo, ni ku tsaka ka n'wina a ku hundzuke gome.

2 Vakorinto 7:10

Hikuva ku khomiwa hi tingana hi mukhuva lowu rhandziwaka hi Xikwembu ku humesa ku tisola loku nga ni ku hanya ku nga loku nga soriwiki; kambe ku khomiwa hi tingana hi mukhuva wa misava, ku humesa rifu.

Luka 7:38

Kutani a khinsama endzhaku ka yena, emilengeni ya yena, a ri karhi a rila, a sungula ku n'wi tsakamisa milenge hi mihloti ya yena, a tlhela a hlangula hi misisi ya nhloko ya yena, a n'wi ntswontswa milenge, a yi tota hi mafurha.

Luka 6:21

Mi katekile n'wina mi nga ni ndlala sweswi, hikuva mi ta xurhisiwa. Mi katekile n'wina mi rilaka sweswi, hikuva mi ta tsaka.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Yeremiya 31:9

Va ta, va ri karhi va rila; ndzi va fambisa va ri karhi va khongela, ndzi va yisa emilambyeni ya mati, hi ndlela yo lulama leyi va nga tiki khunguvanyeka eka yona; hikuva ndzi ta va tatana eka Israele, Efrayimi a va n'wananga wa mativula.

Swivuriso 17:10

Munhu wa ku anakanya u twa ku tshinyiwa Ku tlula xihunguki loko xi biwa ka dzana.

Ezra 10:1

Ezra a ku a ha khongela, a tivula, a ri karhi a rila, a khinsamile emahlweni ka yindlu ya Xikwembu, ku hlengeletana eka yena nhlengeleto leyikulu ngopfu, ya Vaisraele, vavanuna, ni vavasati, ni vana; kambe tiko ri rila hi ku vaviseka lokukulu.

1 SAMIELE 7:6

Kavaloko va hlengeletana eMispa, kutani va ka mati, va ma halatela emahlweni ka Yehovha. Va titsona swakudya hi siku lero, va ku: “Hi dyohele Yehovha!” Kutani Samiele a avanyisa vana va Israele eMispa.

Vaavanyisi 2:3

Loko swi ri tano, ndzi te: ‘Ndzi nga ka ndzi nga va hlongorisi emahlweni ka n'wina; va ta kotisa mitwa ematlhelweni ya n'wina, ni swikwembu swa vona swi ta va mitlhamu eka n'wina.’ ”

Vaavanyisi 2:5

Hikwalaho, va thya xivandla xexo vito ra Bokimi (varili), kutani va humesela Yehovha magandzelo kona.

1 SAMIELE 11:4

Tintsumi ti ya Gibeya wa Sawulo, ti tivisa tiko marito lawa; kutani tiko hinkwaro ri tlakusa rito ri rila.

Yuwele 2:12

“Hambi ku ri namuntlha,” ku vula Yehovha, “vuyani eka mina hi timbilu ta n'wina hinkwato, mi titsona swakudya, mi rila, mi tiba swifuva.