Vaavanyisi 2:22 - Xitsonga (Bibele)

²² Ndzi ta ringa Vaisraele ha wona, ndzi ta vona loko kumbe va ta hlayisa ndlela ya Yehovha ku famba ha yona, kukotisa leswi vatata wa vona va nga yi hlayisa, kumbe a swi nga vi tano.”

BIBELE Mahungu Lamanene

²² Vamatiko lava, ndzi ta va tirhisa ku kambela Vaisraele, ndzi vona loko va swi lava ku famba endleleni ya mina ku fana ni vatata wa vona, kumbe va nga swi lavi.”

Vaavanyisi 2:22 Referans Kwoze

Duteronoma 8:2

“Tsundzuka ndlela hinkwayo leyi Yehovha, Xikwembu xa wena, a ku fambiseke ha yona emananga, hi malembe ya 40 ku ku tsongahata ni ku ku ringa, u ta tiva leswi nga embilwini ya wena: leswaku kumbe xana u ta hlayisa milawu ya yena, kumbe u nga yi hlayisi.

Duteronoma 8:16

lexi ku dyiseke emananga, manna leyi nga tiviwiki hi vatata wa wena, ku ku tsongahata, ni ku ku ringa, kambe xi ta ku katekisa kandzhaku.

Duteronoma 13:3

u nga tshuki u yingisa marito ya muprofeta loyi, ni ya mulorhi loyi, hikuva Yehovha, Xikwembu xa n'wina, a mi ringa ku tiva xana mi rhandza Yehovha, Xikwembu xa n'wina, hi timbilu hinkwato ta n'wina, ni mimoya hinkwayo ya n'wina.

Swivuriso 17:3

Xirhengele i xa ntsopfu ni swa nsuku, Kambe la ringetaka timbilu, i Yehovha.

Genesa 22:1

Endzhaku ka timhaka teto, Xikwembu xi ringa Abrahama, xi ku eka yena: “Abrahama!” A hlamula a ku: “Hi mina loyi!”

Pisalema 66:10

Hikuva wena, Xikwembu, u hi ringile! U hi nyukisile exirhengeleni kukotisa silivhere.

Ntirho 23:10

Kasi xi tiva tindlela ta mina; Ni loko xi nga ndzi ringa, a ndzi ta huma ndzi basile kukota nsuku.

2 TIKRONIKA 32:31

Kakuloko tihosi ta Babilona ti rhuma tintsumi eka yena ku vutisa mahlori lama humeleleke etikweni ra Israele, Xikwembu xi n'wi tshika ku n'wi ringa xi ta tiva hinkwaswo leswi ngi swi ri embilwini ya yena.

Eksoda 15:25

Kambe Muxe a khongela Yehovha hi matimba, kutani Yehovha a n'wi kombisa murhi leswaku a wu hoxa ematini. Kutani mati ma nandziha. Hi kona a nga va vekela milawu ni ku lerisa, a va ringa, a ku:

Vaavanyisi 2:23

Hikwalaho Yehovha a siya matiko lawa, a nga hatlisi ku ma hlongorisa, hikuva a nga ma nyiketanga emavokweni ya Yoxuwa.